আপোনাৰ সমগ্ৰ শৰীৰতে বাৰু অসংখ্য তিল আছে নেকি? হয়তো এইবোৰ কোনো ৰোগৰ লক্ষণ বুলি আশংকাতো ভুগিছে! কিন্তু চিন্তা নকৰিব। কিয়নো গৱেষকৰ মতে, যাৰ শৰীৰত যিমান তিল থাকে, তেওঁৰ চেহেৰাত বয়সৰ ছাপ সিমানেই কম পৰে।
এই দাবী কৰিছে লণ্ডনৰ কিংছ কলেজৰ এদল গৱেষকে।এই গৱেষকৰ দলটোৱে প্রকাশ কৰা প্ৰতিবেদনত উল্লেখ কৰা হৈছে যে অধিক তিল থকা মানুহৰ শৰীৰত টেল’মিয়াৰছ (জীৱকোষৰ সূক্ষ্ম তন্তু বিশেষ) দীর্ঘতৰ হৈ থাকে। এই টেল’মিয়াৰছে মানুহৰ গাৰ ছালক বয়সৰ ছাপ পৰাৰ পৰা ৰক্ষা কৰে।
ইয়াৰ উপৰি ব্ৰিটিছ গৱেষকৰ দলটোৱে দাবী কৰিছে যে অধিক তিল থকা মানুহৰ মেলান’মা (ত্বকৰ কৰ্কট) হোৱাৰ সম্ভাৱনাও তুলনামূলকভাবে বেছি। অৱশ্যে তেওঁলোক বৃদ্ধি হোৱাৰ প্ৰক্ৰিয়াহে কিছু মন্থৰ গতিৰে চলে।
উক্ত গৱেষণাত কোৱা হৈছে যে মানুহৰ শৰীৰত সচৰাচৰ ৩০ৰ পৰা ৪০টা তিল থাকিব পাৰে। কিন্তু কোনো কোনো লোকৰ শৰীৰত শতাধিক তিল থাকে। এই দুই ধৰণৰ মানুহক পর্যবেক্ষণ কৰিহে গৱেষকসকলে স্থিৰ কৰিছে যে যাৰ শৰীৰত যিমান বেছি তিল, তেওঁৰ শৰীৰত বয়সৰ ছাপ পৰাৰ গতি সিমানেই কম।
কেৱল সেয়াই নহয়, তিল বেছি থকা মানুহৰ শৰীৰৰ হাড়ো তুলনামূলকভাৱে কঠিন হয়।