বিহাৰৰ মুখ্যমন্ত্ৰী নীতিশ কুমাৰৰ গুৰুত্বপূৰ্ণ পদক্ষেপ

Nitish Kumar:✒️ৰাজ্যসভালৈ নিৰ্বাচিত হোৱাৰ পাছতে বিহাৰৰ মুখ্যমন্ত্ৰী নীতিশ কুমাৰ( Nitish Kumar)য়ে বিধান পৰিষদৰ সদস্য পদৰ পৰা পদত্যাগ কৰিছে। এই পদক্ষেপে ৰাজ্যৰ ৰাজনীতিত নতুন সমীকৰণৰ সূচনা কৰিব বুলি ধাৰণা কৰা হৈছে।

প্ৰাপ্ত তথ্য অনুসৰি, ৰাজ্যসভাৰ সদস্য হিচাপে দায়িত্ব গ্ৰহণ কৰাৰ বাবে সাংবিধানিক নিয়ম অনুসৰি তেওঁ বিধান পৰিষদৰ সদস্য পদ এৰিব লগা হয়। সেই অনুসৰেই তেওঁ আনুষ্ঠানিকভাৱে নিজৰ পদত্যাগপত্ৰ দাখিল কৰে।

এই পদত্যাগৰ জৰিয়তে এতিয়া নীতিশ কুমাৰ জাতীয় ৰাজনীতিত অধিক সক্ৰিয় ভূমিকা গ্ৰহণ কৰিব বুলি ৰাজনৈতিক মহলত আলোচনা চলিছে। বিশেষকৈ আগন্তুক সময়ত কেন্দ্ৰীয় ৰাজনীতিত তেওঁৰ ভূমিকা কি হ’ব, সেয়া লৈও কৌতূহল বৃদ্ধি পাইছে।