কৰ’নাৰ আক্ৰমণত বিধ্বস্ত হৈছে ব্ৰাজিল। পৰিস্থিতিৰ ভয়াৱহতা স্পষ্ট কৰি বিগত ২৪ ঘণ্টাত দেশখনত নতুনকৈ এই মাৰাত্মক ৰোগত আক্ৰান্ত হৈছে ৩৩ হেজাৰ। মৃত্যু হৈছে ১২৭৮ জনৰ।আজি পর্যন্ত ব্ৰাজিলত মুঠ আক্ৰান্তৰ সংখ্যা ৭ লাখ ৭২ হেজাৰ ৪১৬ জন। কিছুদিন পূৰ্বৰে পৰা কৰ’না সংক্রান্তীয় তথ্য ফাদিল কৰাটো বন্ধ কৰিছিল ব্ৰাজিল চৰকাৰে । কিন্তু দেশখনৰ সৰ্ব্বোচ্চ আদালতৰ নিৰ্দেশৰ পাছত চৰকাৰৰ ৱেবচাইটত পুনৰ উপলব্ধ হৈছে ক’ভিড সম্পৰ্কীয় তথ্য। আদালতে নিৰ্দেশত কয় যে ৪৮ ঘণ্টাৰ ভিতৰত ব্ৰাজিল চৰকাৰে এই মহামাৰী তথ্য সাধাৰণ মানুহক দিব লাগিব। অন্যথা সাধাৰণ লোকৰ অধিকাৰ খৰ্ব কৰা হ’ব। কৰ’না সংক্ৰমণৰ গ্ৰাফলৈ চালে দেখা যায় যে ব্ৰাজিলৰ অৱস্থান আমেৰিকাৰ পাছতে।
বিগত মাহতে বিশ্ব স্বাস্থ্য সংস্থাই ঘোষণা কৰিছিল যে ব্ৰাজিল আমেৰিকাৰ পৰৱৰ্তী কেন্দ্ৰ হ’ব । এই ঊৰ্দ্ধগামী ৰেকৰ্ড সংখ্যক সংক্ৰমণ যাতে বিশ্ববাসীয়ে গম পায় তাৰ ব্যৱস্থা কৰিছিল ব্ৰাজিলৰ প্ৰধানমন্ত্ৰীয়ে । পাছত অৱশ্যে প্ৰধানমন্ত্ৰী জেইৰ’ বল’ছ’নাৰোৱে টুইটাৰত এনেদৰে লিখিছে, ‘কোনো দেশৰ আক্ৰান্তৰ সংখ্যালৈ চাই দেশখনৰ বিচাৰ কৰাটো ভুল হ’ব। অৱশ্যে দেশৰ মানুহৰ বাবে চৰকাৰ সকলো সময়তে ওচৰতে আছে।’ ব্ৰাজিলৰ ইতিমধ্যে ৩৯ হেজাৰ লোকৰ মৃত্যু হৈছে। বিগত কিছুদিন ধৰি স্বাস্থ্য মন্ত্ৰণালয়ৰ ৱেবচাইট সঠিকভাৱে সক্ৰিয় হৈ থকা নাই। ইয়াৰ পূৰ্বে তথ্য গোপন কৰাৰ অভিযোগ উঠিছিল চীনৰ বিৰুদ্ধে।
