Malaysian Man:✒️সাধাৰণতে মানুহৰ মুখমণ্ডলত কেইটা দাঁত থাকে, সেয়া সকলোৱেই জানে। অথচ মালয়েছিয়াৰ এজন যুৱকৰ মুখগহ্বৰ কিন্তু সাধাৰণ মানুহৰ দৰে নহয়। তেওঁৰ মুখমণ্ডলত ৩২টা নহয়; বৰঞ্চ ৪২টা দাঁত আছে। কোনো কোনো মানুহৰ ক্ষেত্ৰত ৩২টাৰ সলনি দুই-এটা দাঁত বেছিকৈ থকা দেখা যায়। তাকো সেয়া বেৰিয়া হৈ ওলায়।
অর্থাৎ কোনো দাঁতৰ ওপৰতে গজে। অথচ মালয়েছিয়াৰ প্ৰথাব মুনিয়ান্দি নামৰ যুৱকজনৰ দাঁতৰ বিন্যাস সম্পূর্ণ ভিন্ন।
এক আন্তর্জাতিক সংবাদ মাধ্যমে জনাইছে যে প্রথাবৰ মুখত আছে ৪২টা দাঁত। অর্থাৎ স্বাভাৱিকতকৈ ১০টা দাঁত বেছি। ইয়াৰ পাছতে যুৱকজনে বিশ্ব অভিলেখ প্রতিষ্ঠা কৰে। প্ৰথাবৰ নাম সন্নিবিষ্ট হৈছে গীনিছ বুক অৱ ৱৰ্ল্ড ৰেকৰ্ডছত।
মাত্র কিছুদিনৰ পূৰ্বেহে পোহৰলৈ আহে যে যুৱকজনৰ মুখমণ্ডলত ১০টা দাঁত বেছি আছে। প্রথাবেই এতিয়া বিশ্বৰ সবাতোকৈ বেছি দাঁতৰ অধিকাৰী।
যোৱা পাঁচ মাৰ্চত গীনিছ বুক অৱ ৱৰ্ল্ড ৰেকৰ্ডছৰ তৰফৰ পৰা সামাজিক মাধ্যমত এই তথ্য শ্বেয়াৰ কৰে। প্ৰথাবে নিজেই প্রথমে দাবী কৰিছিল যে তেওঁৰ ৪২টা দাঁত আছে।
যদিও একাংশ বিশেষজ্ঞই তেওঁৰ এই দাবী মানি লোৱা নাছিল। অৱশেষত দুজন দন্ত চিকিৎসকে তেওঁৰ মুখগহ্বৰ পৰীক্ষা কৰে। মুখৰ ভিতৰৰ ফটো তোলাৰ পাছতে দেখা গ’ল যে সঁচাকৈয়ে যুৱকজনৰ ৪২টা দাঁত আছে আৰু এটাও নকল দাঁত নাই।
গীনিছ ৱৰ্ল্ড ৰেকৰ্ডর্ডছত নাম সন্নিবিষ্ট হোৱাৰ পাছতে প্রথাবে কয়, ‘২০২১ত মই প্রথমবাৰলৈ এয়া লক্ষ্য কৰিছিলো। পৰিয়ালক প্রথমে জনাইছিলো যে আলুত অতিৰিক্ত বেছি দাঁত গজিছে। তেতিয়া তেওঁলোকে হিচাপ কৰি দেখিলে যে ৩২টা দাঁতেই আছে; কিন্তু পৰৱৰ্তী সময়ত এক্স-ৰে’ কৰাওতে দেখা গ’ল যে আৰু বেছি দাঁত আছে।’
যুৱকজনে লগতে কয়, ‘২০২৩ত মই অৱশেষত জানিব পাৰিলো যে ৩২টা নহয়, মোৰ ৪২টা দাঁত আছে। সকলো দাঁত পোন। যাৰ বাবে মুখৰ ভিতৰত কোনো অস্বস্তি নহয়। জটিলতাৰো সৃষ্টি হোৱা নাই। প্রথমে শুনি কোনেও বিশ্বাস কৰা নাছিল। পাছত চিকিৎসকে পৰীক্ষা কৰি দেখে যে মোৰ ৪২টা দাঁত আছে।’