হাতত নাই ধন, ‘মুন্নাভাই’ৰ অভিনেতাক সহায় কৰিলে ছনু সুদে

তলাবন্ধৰ সময়ছোৱাত দেশৰ প্ৰব্রজিত শ্ৰমিকসকলক সহায়ৰ হাত আগবঢ়াই সকলোৰে বহুল প্ৰশংসা লাভ কৰা বলিউডৰ অভিনেতা ছনু সুদে আকৌ এবাৰ এজন বিপদগ্ৰস্ত অভিনেতাক সহায় আগবঢ়ালে । এইবাৰ বলিউডৰ ‘মুন্নাভাই এম বি বি এছ ‘ খ্যাত অভিনেতা সুৰেন্দ্ৰ ৰাজনক বিত্তীয় সাহায্য প্ৰদান কৰিলে ছনুৱে । তলাবন্ধৰ দীঘলীয়া সময়ছোৱাত মুম্বাইত আবদ্ধ হৈ পৰা অভিনেতা ৰাজন অৰ্থৰ অভাৱত ভুগিছিল ।

মুম্বাইলৈ ৱেব ছিৰিজৰ দৃশ্যগ্ৰহণত অংশ ল’বলৈ আহি ৰাজন এইদৰে দীৰ্ঘদিন আবদ্ধ হৈ থাকে । ৰাজনৰ বিপদৰ খবৰ লাভৰ পাছতে ছনুৱে বিত্তীয় সাহায্য আগবঢ়োৱাৰ লগতে ১৮ জনৰ ভিতৰত অভিনেতাজনক তেওঁৰ গৃহ চহৰ চাটনালৈ প্ৰেৰণ কৰাৰ প্ৰতিশ্ৰুতি দিয়ে । উল্লেখ্য যে ৰাজনে, ‘মুন্নাভাই এম বি বি এছ’ ছবিখনত মাছুদ নামৰ চাফাইকৰ্মী চৰিত্ৰত অভিনয় কৰি সকলোৰে দৃষ্টি আকৰ্ষিত কৰিবলৈ সক্ষম হৈছিল।