বিহাৰৰ ইউটিউবাৰ ৰচিদ ছিদ্দিকে বলিউডৰ জনপ্ৰিয় অভিনেতা অক্ষয় কুমাৰৰ অপমানজনিত ভিডিঅ’ আপলোড কৰি মানহানিৰ গোচৰত ভৰিব লগা হ’ল ৫০০ কোটি টকা । সংবাদমাধ্যমত অভিনেতাগৰাকীয়ে উল্লেখ কৰে যে ৰচিদ ছিদ্দিকে তেওঁৰ ইউটিউব চেনেল এফ এফ নিউজত অভিনেতা গৰাকীৰ বহুতো অপমানজনিত ভিডিঅ’ আপলোড কৰিছে ।
সুশান্ত সিং ৰাজপুত্ৰৰ মৃত্যুৰ ৰহস্যত অক্ষয় কুমাৰৰ ভুল তথ্য প্ৰকাশ কৰাৰ বাবে অক্ষয় কুমাৰে ইউটিউবাৰ জনৰ ওপৰত ৫০০ কোটি টকাৰ জৰিমনা ভৰিব লাগিব বুলি ঘোষণা কৰে । আনহাতে, মুম্বাই আৰক্ষীয়ে ইউটিউবাৰ জনৰ ওপৰত অন্য এটা মানহানিৰ অভিযোগ দাখিল কৰে আৰু আপত্তিজনক ভিডিঅ’সমূহ নিজৰ ইউটিউব চেনেলৰ পৰা আঁতৰাই দিয়াৰ নির্দেশ দিয়ে । অভিনেতা অক্ষয় কুমাৰৰ মন্তব্য ৰচিদ ছিদ্দিকৰ নিন্দনীয় অপমানজনক ভিদিঅ’ৰ বাবে তেওঁ মানসিকভাৱে ভাগি পৰিছে আৰু সম্প্ৰতি তেওঁ বহু লোকচানৰ সন্মুখীন হৈছে ।
উল্লেখ্য যে, ভিডিঅ’টোত অভিনেতা অক্ষয় কুমাৰৰ ভুল তথ্য প্ৰকাশ কৰি উল্লেখ কৰে যে, ৰিয়া চক্ৰৱৰ্তীক কানাডা লৈ যোৱাত সহায় কৰিছিল অভিনেতা গৰাকীয়ে । ভিডিঅ’টোত সম্পূৰ্ণ মিছা আৰু সস্তীয়া প্ৰচাৰৰ বাবে বনোৱা হৈছে বুলি উল্লেখ কৰে অভিনেতা গৰাকীয়ে ।
এই সন্দৰ্ভত ৩ নৱেম্বৰত প্রাথমিক জামিন ঘোষণা কৰে মুম্বাই আদালতে, য’ত ইউটিউবাৰ জনক তদন্তৰ বাবে সহযোগিতা আগবঢ়াবলৈ নিৰ্দেশ দিয়া হয় । চুপাষ্টাৰজনে ৰচিদ ছিদ্দিকক বিনা চৰ্তত ক্ষমা খুজিবলৈ কোৱাৰ লগতে ভৱিষ্যতে এনে ভিডিঅ’ ক্লিপ আপলোড কৰাৰ পৰা বিৰত থাকিবলৈ কয় । আনহাতে, তিনি দিনৰ ভিতৰত জাননীৰ উত্তৰ দিয়াত বিফল হয় তেতিয়া অভিনেতাগৰাকীয়ে আইনী বিচাৰ আৰম্ভ কৰিব বুলি প্ৰকাশ কৰে ।
