বাগ্সাৰ গাতি আঞ্চলিক ছাত্ৰসন্থাৰ উদ্যোগত বৃহত্তৰ মধ্য বিজনী অঞ্চলক সামৰি ২২ মাৰ্চত নতুনকৈ মধ্য বিজনী শাখা ছাত্ৰসন্থা গঠন কৰা হয় ৷ এই উদ্দেশ্যে অনুষ্ঠিত সভাত সভাপতিত্ব কৰে গাতি আঞ্চলিক ছাত্ৰসন্থাৰ সভাপতি হৰিনাৰায়ন দাসে ৷ সভাত উদেশ্য ব্যাখ্যা কৰে বাগ্সা জিলা ছাত্ৰসন্থাৰ সাংগঠনিক সম্পাদক জুবিন দাসে ৷
সভাত সদৌ অসম ছাত্ৰসন্থাৰ দৃষ্টিভংগী ব্যাখ্যা কৰে বাগ্সা জিলা ছাত্ৰসন্থাৰ উপ-সভাপতি প্ৰাঞ্জল ডেকাই ৷ সভাত উপস্থিত থাকে গাতি আঞ্চলিক ছাত্ৰসন্থাৰ সম্পাদক প্ৰনৱ জ্যোতি দাস, বিত্ত সম্পাদক ৰূপম দাস, মানাহ আঞ্চলিক ছাত্ৰসন্থাৰ সভাপতি জ্যৌতিষ তাঁতী ৷
উক্ত সভাত সমীৰণ দাসক সভাপতি, ৰিংকুল ডেকাক উপ-সভাপতি, অমৰ কলিতাক সম্পাদক, মানৱজ্যোতি দাসক সহকাৰী সম্পাদক, টিংকুল ডেকাক শিক্ষা সম্পাদক আৰু অনুপ কলিতাক প্ৰচাৰ সম্পাদক হিচাপে লৈ মুঠ ২১ জনীয়া ছাত্ৰসন্থাৰ মধ্য বিজনী শাখা সমিতিখন গঠন কৰা হয় ৷
