Tripura Indo-Bangla Border:
পশ্চিমবংগৰ ইণ্ডো-বাংলা সীমান্তত ভাৰতে কাটা তাঁৰৰ বেৰা দিয়াক লৈ আপত্তি বাংলাদেশেৰ। ইয়াৰ বাংলাদেশ কৰ্তৃপক্ষই ত্ৰিপুৰাৰ সীমান্তৰ শূন্য পইণ্ট চুক্তি উলংঘা কৰি ভাৰতৰ সীমান্তৰ ওচৰত যান-বাহনৰ বাবে নিৰ্মাণ কৰিছে পথ ৷
শেহতীয়াকৈ ত্ৰিপুৰাৰ কংগ্ৰেছৰ বিধায়ক বীৰজিৎ সিঙে বিধানসভাত কয় যে বাংলাদেশ সীমান্তৱৰ্তী উনকোটি জিলাৰ মনু নদীৰ সিপাৰে বাংলাদেশে নিৰ্মাণ কৰিছে এটা বৃহৎ মথাউৰি নিৰ্মাণ কৰা হৈছে। মথাউৰিটো বহল আৰু ওখ কৰি তোলা হৈছে। ফলত আসন্ন বাৰিষাৰ সময়ত কৈলাছাহাৰকে ধৰি উনকোৰো জিলাৰ এক বৃহৎ অঞ্চল জলমগ্ন হোৱাৰ লগতে ব্যাপক ক্ষতিগ্ৰস্ত হোৱাৰ সম্ভাৱনা নুই কৰিব নোৱাৰি ৷
আনহাতে, ফটিক ৰায় সমষ্টিৰ বিজেপি বিধায়ক তথা ৰাজ্যিক মন্ত্ৰী সুধাংশু দাসে বিৰোধী বিধায়কৰ সৈতে মিলি বিষয়টোত মুখ্যমন্ত্ৰীৰ হস্তক্ষেপ বিচাৰে। তেওঁ কয়, বিষয়টো বৰ্তমান অতি প্ৰাসংগিক।
আনহাতে,মুখ্যমন্ত্ৰী মাণিক সাহাই কেন্দ্ৰীয় গৃহমন্ত্ৰী অমিত শ্বাহলৈ পত্ৰ প্ৰেৰণ কৰি বাংলাদেশৰ সীমান্তৱৰ্তী অঞ্চলত মথাউৰিৰ ফলত ৰাজ্যখনৰ জলসম্পদ, পৰিৱেশ আৰু সীমান্তৰ স্থিতিশীলতাৰ ওপৰত সম্ভাৱ্য প্ৰভাৱৰ বিষয়ে বিতংভাৱে উল্লেখ কৰিছে। এই সমস্যা শীঘ্ৰে সমাধানৰ বাবে বাংলাদেশ চৰকাৰৰ ওচৰত কূটনৈতিকভাৱে বিষয়টো উত্থাপন কৰিবলৈ অনুৰোধ জনায়।
ইয়াৰ মাজতে বি এছ এফে এক বিবৃতিত দাবী কৰে যে বাংলাদেশ কৰ্তৃপক্ষই মথাউৰিয়েই নহয়, পথো নিৰ্মাণ কৰিছে। জিৰ’ পইণ্টৰ ওচৰত বাংলাদেশ অভিমুখে এটা পথ আছিল। এতিয়া নতুনকৈ আহল-বহলকৈ পথটো পুনৰ নিৰ্মাণ কৰিছে, যিটোৱে বাংলাদেশৰ দুয়োখন গাঁৱক সংযোগ কৰিছে। বি এছ এফে দাবী কৰিছে যে যোৱা নৱেম্বৰ মাহত বাংলাদেশ সীমান্তৰক্ষী বাহিনীক তীব্ৰ প্ৰতিবাদ কৰাৰ পিছতে কামটো সাময়িকভাবে বন্ধ কৰি দিছে।
কিন্তু স্থানীয় ৰাইজ আৰু কৈলাশহৰৰ ৰাজনৈতিক নেতাসকলৰ মতে, বি এছ এফে আপত্তি উত্থাপন কৰাৰ পূৰ্বেই পথ নিৰ্মাণৰ বহুখিনি কাম সম্পূৰ্ণ হৈ উঠিছিল। বৰঞ্চ আন ঠাইত নিৰ্মাণৰ কাম চলি আছে। চুক্তি অনুসৰি ভাৰত-বাংলাদেশ সীমান্তৰ পৰা ১৫০ গজৰ ভিতৰত যিকোনো নিৰ্মাণ কাৰ্য্যৰ বাবে দুয়োখন দেশৰ পাৰস্পৰিক সন্মতিৰ প্ৰয়োজন।
স্থানীয় ৰাইজৰ অভিযোগ যে চুক্তিখন বিবেচনা নকৰাকৈয়ে বাংলাদেশে শূন্য বিন্দুৰ পৰা ১৫০ গজৰ ভিতৰত মাটিৰ পথটো ওখ আৰু বহল কৰি তুলিছে। ফলত বাংলাদেশৰ সেনা আৰু বিজিবিৰ যান-বাহনে সেই পথেৰে সহজে সীমান্তৰ কাষ চাপিব পাৰে। দেশৰ নিৰাপত্তাৰ ওপৰত প্ৰশ্ন উত্থাপন হ’ব। বি এছ এফৰ গাফিলতিৰ বাবেই এই পৰিস্থিতিৰ সৃষ্টি হোৱা বুলি অভিযোগ উত্থাপন কৰে ত্ৰিপুৰাৰ কংগ্ৰেছৰ বিধায়ক বীৰজিতে।
