খেলৰত্ন বঁটাৰ বাবে ৰবিচন্দ্ৰন অশ্বিন আৰু মিতালী ৰাজৰ নাম মনোনীত কৰিলে বিচিচিআই-য়ে । অৰ্জুন বঁটাৰ বাবে তিনিজন ক্ৰিকেটাৰৰ নাম মনোনয়ন কৰা হৈছে । এইকেইজন হৈছে শিখৰ ধৱন, কে এল ৰাহুল আৰু যশপ্ৰীত বুমৰা ।
ভাৰতীয় টেনিছ সংস্থা খেৰত্নৰ বাবে মনোনীত কৰা হৈছে অংকিতা ৰায়না আৰু প্ৰজ্ঞেশ গুণেশ্বৰণৰ নাম । দ্ৰুণাচাৰ্য বঁটাৰ বাবে মনোনীত কৰা হৈছে বলৰাম সিং আৰু এনৰিকো পিপাৰ্নোক ।
ভাৰতীয় কুস্তি সংস্থাই চাৰিজন কুস্তি খেলুৱৈৰ নাম অৰ্জুন বঁটাৰ বাবে মনোনীত কৰিছে । এইসকল হৈছে ৰবি দাহিয়া, দীপক পুনিয়া, অংশু মালিক আৰু সৰিতা মৌৰ ।
চলিত বৰ্ষৰ ৰাষ্ট্ৰীয় ক্ৰীড়া পুৰস্কাৰৰ বাবে মনোনয়নৰ সময়সীমা কিছুদিন পূৰ্বে বৃদ্ধি কৰিছে কেন্দ্ৰীয় চৰকাৰে । ইয়াৰ পূৰ্বে ২১ জুন পৰ্যন্ত মনোনয়নৰ সময়সীমা আছিল ।
Ravi Ashwin has Steve Smith!
The Aussie departs for a duck 👀
As simple as you like… pic.twitter.com/Y7pxOgWSA8
— Cricket on BT Sport (@btsportcricket) December 26, 2020
উল্লেখ্য যে, বিগত বৰ্ষত পাঁচজন ক্ৰীড়াবিদক খেলৰত্ন পুৰস্কাৰ দিয়া হৈছিল । খেলৰত্ন লাভ কৰিছিল মণিকা বাত্ৰা, ৰোহিত শৰ্মা, বিনেশ ফোগাট, ৰাণী ৰামপাল আৰু মাৰিয়াপ্পান থাংগাভেলুৱে ।
মিতালীয়ে ভাৰতৰ হৈ ২২ বছৰ খেলিছে । সম্প্ৰতি তেওঁ টেষ্ট আৰু ৫০ অ’ভাৰৰ দলৰ অধিনায়ক । তেওঁ এদিনৰ ক্ৰিকেটত সাত হেজাৰৰো অধিক ৰাণ কৰিছে ।
ইপিনে, অশ্বিনে বিশ্ব টেষ্ট প্ৰতিযোগিতাত আটাইতকৈ বেছি উইকেট লৈছে । টেষ্টত তেওঁৰ ৪১২টা উইকেট আছে ।
