আফগানিস্তানৰ পৰিস্থিতি এতিয়াও অস্থিৰ । চৰকাৰ গঠনৰ এতিয়ালৈকে কোনো খবৰ নাই। পৰিস্থিতিৰ ওপৰত নিৰীক্ষণ ৰাখিছে ভাৰতে । ভাৰতে আফগানিস্তানৰ পৰা ভাৰতলৈ অহা শৰণাৰ্থীসকলৰ বাবে ছয় মাহৰ ই-ভিছাৰ ব্যৱস্থা কৰিছে।
পৰৱৰ্তী পদক্ষেপটোৰ এতিয়াও সিদ্ধান্ত লোৱা হোৱা নাই। আফগানিস্তানত ভাৰতীয়সকলক সুৰক্ষা দিয়া আৰু তেওঁলোকক ঘৰলৈ ঘূৰাই অনাটো প্ৰথম আৰু মুখ্য কৰ্তব্য। বৰ্তমানৰ বাবে, ভাৰতে সেই দেশৰ সামগ্ৰিক পৰিস্থিতিৰ প্ৰতি লক্ষ্য ৰাখি ‘ৱেইট এণ্ড ৱাটচ ‘ নীতি অব্যাহত ৰাখিব বুলি জনাইছে বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচীয়ে । জাৰি কৰা হৈছে অপাৰেচন দেৱী শক্তি ( Operation Devi Shakti)
শুকুৰবাৰে আফগানিস্তানৰ পৰা ছয়খন বিমানত ৫৫০ জন লোকক ভাৰতলৈ অনা হৈছিল । যাৰ ভিতৰত ২৬০ জন ভাৰতীয় নাগৰিক। আফগানিস্তানৰ পৰা এতিয়াও কিছু লোকক দেশলৈ ঘূৰাই অনা হ’ব পাৰে ।
আফগানিস্তানৰ সংকটক লৈ বিশ্বৰ বিভিন্ন দেশৰ স’তে সম্পৰ্ক ৰাখি চলিছে ভাৰত যাৰ মাজত আছে আমেৰিকা , ইৰাণ আৰু উজবেকিস্তানৰ দৰে দেশসমূহ ।
আফগানিস্তানৰ পৰা ভাৰতলৈ যোৱা অন্তিম খন বিমানত মাত্ৰ ৪০ জন লোক অহাটোহে সম্ভৱ হৈছিল । বহুতোলোক বিমানবন্দৰত উপস্থিত হ’ব নোৱাৰিলে। যোৱা ২৫ আগষ্টত আফগান নাগৰিক আৰু আফগান শিখ আৰু হিন্দু সম্প্ৰদায়ৰ লোকক বিমানবন্দৰলৈ যাবলৈ বাধা দিয়া হৈছিল। ফলস্বৰূপে, তাত ৰখাই থোৱা দিল্লীগামী বিমানখন উৰা মাৰিলে। এই দাবী অৰিন্দম বাগচীৰ
আফগানিস্তান তালিবানৰ দ্বাৰা দখল কৰাৰ পাছৰে পৰা, ভাৰতীয়সকলৰ লগতে আফগান নাগৰিকসকলক দেশখনৰ পৰা স্থানান্তৰ কৰা আৰম্ভ কৰিছে ভাৰতে । ইয়াৰ পূৰ্বে আফগানিস্তানৰ পৰা ২২৮ জন ভাৰতীয়সহ মুঠ ৬২৬ জন লোকক ভাৰতলৈ অনা হৈছে।
কেন্দ্ৰীয় মন্ত্ৰী হৰদীপ সিং পুৰীয়ে কয় যে তেওঁলোকৰ ৭৭ জন আফগান শিখ। মন্ত্ৰীজনে অৱশ্যে দাবী কৰিছিল যে ভাৰতীয় দূতাবাসত কাম কৰা সকলক তালিকাত অন্তৰ্ভুক্ত কৰা হোৱা নাছিল।
