গোসাঁইগাঁৱত টোল টেক্সৰ নামত বৃহৎ ছেণ্ডিকেট

অত্যাৱশ্যকীয় সামগ্ৰীৰ মূল্যবৃদ্ধিয়ে ৰাইজক জলাকলা দিয়াৰ সময়তে গোসাঁইগাঁও পৌৰসভাই প্ৰতিখন যানবাহনৰ পৰা নিৰ্দিষ্ট হাৰত টোল টেক্স লোৱাৰ অভিযোগ উঠিছে । গোসাঁইগাঁও সদৰ চহৰত প্ৰৱেশ কৰা প্ৰতিখন বাহনে নিৰ্দিষ্ট হাৰত ধন আদায় দিব লগা হৈছে ।

পৌৰসভাৰ পৰা টেণ্ডাৰ লোৱা এটা চক্ৰই চহৰখনৰ চৌদিশে বাঁহৰ গেট সাজি ধন আদায় লোৱাৰ ঘটনাই টটো, অটো আৰু অনান্য গাড়ীচালকসকলৰ চকু কপালত উঠাইছে । যাৰ ফলত ঋন লৈ গাড়ী নিয়াৰ পাছত এই ধন পৰিশোধ কৰিবলৈ অক্ষম হৈ পৰিছে গাড়ীচালকসকল । চৰকাৰে এই টোল টেক্স নলৈ ৰাজপথত গুলিয়াই মাৰক বুলি ক্ষোভ গাড়ীচালকৰ ।

গোসাঁইগাঁও পৌৰসভাৰ টোল টেক্স সংগ্ৰহক লৈ গাড়ীচালকসকলৰ মাজত তীব্ৰ প্ৰতিক্ৰিয়াৰ সৃষ্টি হৈছে যদিও বিটিচিৰ নগৰ উন্নয়নৰ দায়িত্বত থকা কাৰ্য্যবাহী সদস্যগৰাকী কুম্ভকর্ণ নিদ্ৰাত থকাৰ ঘটনাই গভীৰ ৰহস্যৰ সৃষ্টি হৈছে ।