China :
চাপত চীন (China) প্ৰশাসন । এদিনতে অত্যধিক হাৰত বৃদ্ধি পাইছে চীনৰ কৰ’না (Coronavirus) আক্রান্তৰ সংখ্যা । আনহাতে, তলাবন্ধৰ পৰা মুক্তি বিচাৰিছে বেইজিঙৰ জনসাধাৰণে ।
কিন্তু এনে পৰিস্থিতিতো দেশৰ জনতাক সুৰক্ষা দিবলৈ পশ্চিমীয়া দেশত প্রস্তুত ক’ভিড টিকা গ্রহণ কৰিবলৈ সন্মত নহয় চীনৰ ৰাষ্ট্ৰপতি ছি জিনপিং (Xi Jinping) । আমেৰিকাৰ চোৰাংচোৱা বিভাগৰ কৰ্মকর্তা এভৰিল হেইনেছে এনেদৰেই জনাইছে।
চীনত কৰ’নাৰ ৰঙাচকু কমাৰ নাম লোৱা নাই । তৎস্বত্ত্বেও বহু চহৰে পৰীক্ষাৰ মাত্রা কমাই দিছে । এনে পৰিস্থিতিত সংক্রমণৰ মাত্রা কমিব নে বাঢ়িব তাৰ কোনো ধৰিব নোৱাৰি । কেলিফ’র্নিয়াত মার্কিন নিৰাপত্তা বিভাগৰ এটা অনুষ্ঠানত চীন সম্পর্কে মুখ খুলিলে হেইনেছে ।
তেওঁ কয়, ”চীনে স্বদেশীয় টিকাৰ ওপৰতে নির্ভৰশীল হ’ব বিচাৰিছে । এয়া তেওঁলোকৰ বাবে জাতীয় গৌৰৱৰ বিষয় । এনে পৰিস্থিতিত পশ্চিমীয়া টিকাক সেউজ সংকেত দিয়াটো চীনৰ বাবে সম্ভৱ নহয় ।”
প্ৰত্যক্ষভাৱে নক’লেও স্বদেশী টিকাৰ ওপৰতেই একমাত্র নির্ভৰতাই যে জিনপিং প্রশাসনৰ ভুল, সেইটোৱে যেন বুজাব বিচাৰিছে হেইনেছে ।
চীনে আৰম্ভণিৰ পৰাই কৰ’নাৰ মোকাবিলাত নিজৰ দেশত প্ৰস্তুত টিকাতেই ভৰসা ৰাখিছে । বিদেশী সংস্থাৰ প্ৰস্তুত টিকাক ‘অমঞ্জুৰ’ কৰি দিছে । কিন্তু কোনো কোনো গৱেষকৰ দাবী, চীনৰ টিকা মার্কিন বা অন্যান্য বিদেশী টিকাৰ দৰে কার্যকৰী নহয় । যদি সেয়াই সত্য হয়, তেনেহ’লে সংক্রমণ নিয়ন্ত্রণ কৰা জিনপিঙৰ বাবে যথেষ্ট সংকটজনক, এই মত সংশ্লিষ্ট মহলৰ ।
প্রসংগত, সংক্রমণৰ লগতে চীনৰ প্রশাসনৰ মূৰৰ বিষ বৃদ্ধি কৰিছে জনসাধাৰণৰ বিক্ষোভে । কিছু দিন পূৰ্বে উৰুমকি চহৰৰ এটা বাসগৃহত অগ্নিসংযোগ হৈ ১০ জনৰ মৃত্যু হয় । অভিযোগ, বহুতলটোৰ চাৰিপাশে তলাবন্ধ থকাত সেই বহুতলৰ বাসিন্দাসকলে পলাই প্রাণ ৰক্ষা কৰিব নোৱাৰে ।
ইয়াৰ পাছৰ পৰাই দেশজুৰি পৰিস্থিতি উত্তপ্ত হৈ পৰে । সকলোৰে একেই দাবী, চীনৰ সকলো প্রান্তৰ পৰা কঠোৰ তলাবন্ধ আইন প্রত্যাহাৰ কৰিব লাগে । আনকি, চীনৰ ৰাষ্ট্ৰপতি ছি জিনপিঙৰ শাসনৰ অবসানৰ দাবীতো সৰৱ হৈছে তেওঁলোক । কৰ’নাই পুনৰবাৰ চাপ বৃদ্ধি কৰিছে চীনৰ ওপৰত ।
