Assam Against Child Marriage:
বাল্য বিবাহক লৈ মুখ্যমন্ত্ৰী কঠোৰ স্থিতিৰ পাছতে বৃহস্পতিবাৰে নিশাৰে পৰা ৰাজ্যজুৰি আৰক্ষীয়ে আৰম্ভ কৰিছে ব্যাপক অভিযান ৷
নাবালিকা কিশোৰীক অবৈধভাৱে বিয়া কৰোৱা স্বামীক মুখ্যমন্ত্ৰীয়ে আটক কৰাৰ নিৰ্দেশৰ পাছতে নিশাৰে পৰা আৰম্ভ হোৱা অভিযানত আৰক্ষীৰ জালত পৰিছে বাৰ শতাধিক যুৱক ৷
একেদৰে গুৱাহাটী মহানগৰীটো আৰক্ষীয়ে বাল্য বিবাহৰ বিৰুদ্ধে তীব্ৰ অভিযান চলাই মহানগৰীৰ বিভিন্ন স্থানৰ পৰা আটক কৰিছে ৫৪ জন লোকক ৷ মহানগৰীৰ তিনিখনকৈ থানাত ৰজু হোৱা গোচৰৰ সংখ্যা ১৯২টা ৷
দিছপুৰ, বশিষ্ট আৰু হাতীগাওঁ থানাত ৰজু কৰা হৈছে সৰ্বাধিক গোচৰ৷ সেই অনুসৰি আৰক্ষীয়ে যোৱা নিশাৰে পৰা চলোৱা অভিযানত এই পৰ্যন্ত দিছপুৰ থানাত দুজন,বশিষ্টত ছয়জন আৰু হাতীগাঁও থানাত ১৪ জন অবৈধ স্বামীক আটক কৰিবলৈ সক্ষম হৈছে ৷
দিছপুৰ থানাৰ জালত পৰিছে ৩০ জন অবৈধ স্বামী ৷ এই থানাত পঞ্জীভূক্ত বাল্য বিবাহৰ ৰজু হোৱা গোচৰৰ সংখ্যা ৬০ টা ৷
আনহাতে ৰাজ্যব্যাপি অব্যাহত থকা আৰক্ষীৰ অভিযানত মৰিগাঁও জিলাৰ মৈৰাবাৰীৰ পৰা দুজন৷ এই জিলাৰ পৰা আটক কৰা অবৈধ স্বাম সংখ্যা ৬০ ৷চৰাইদেও জিলাৰ পৰা ৪৯ জন,গোলাঘাটত ১৩, বৰপেটাত ১৫, কলগাছিয়াত ১৭, যোৰহাটত ২৫,বঙাইগাঁওৰ যোগীঘোপাত ২১, শিৱসাগৰত ১০ , গহপুত ৪৬ অভয়াপুৰীৰ পৰা ১৪,ওদালগুৰিৰ পৰা দুজন, কামৰূপ গ্ৰাম্যৰ হাজোৰ পৰা ১২,চিৰাংত ৪০,নগাঁও জিলাৰ কামপুৰৰ পৰা ৫ ,জুৰীয়াৰ পৰা ১১গৰাকীকৈ যুৱকক আটক কৰিবলৈ সক্ষম হয় আৰক্ষীয়ে ৷
উল্লেখ্য যে,নগাঁও জিলাৰ ৰূপহীহাটত ট্ৰেভেলাৰ বাছ বুকিং কৰি কেৰলালৈ পলাবলৈ বিছৰা ৩০ জন অবৈধ স্বামীক নিশাৰ বাছৰ পৰা আটক কৰা হয় ৷
শেহতীয়াকৈ প্ৰাপ্ত খবৰ অনুসৰি ৰাজ্যজুৰি চলোৱা অভিযানত আৰক্ষীৰ জালত পৰা অবৈধ স্বামীৰ সংখ্যা বৃদ্ধি পায় ১২৮৫ জনলৈ ৷ একেদৰে ৰেজিষ্টাৰ হোৱা গোচৰৰ সংখ্যা হৈছেগৈ ৪০০৪ টা ৷
বৰ্তমানেও অবৈধ স্বামীৰ বিৰুদ্ধে আৰক্ষীৰ মাৰাথন অভিয়ান অব্যাহত আছে |