Today Mahasaptami:
শৰতৰ নিয়ৰসিক্ত পৰিৱেশত প্ৰকৃতিৰ মধুময় ৰূপ। খেয়ালি ৰূপ এৰি শান্ত-সমাহিত ৰূপ লোৱা প্ৰকৃতিৰ কোলাত বহি ধৰালৈ নামি আহিল শাৰদীয় সুবাস। সনাতন হিন্দুৰ পৰম্পৰা অনুসৰি দেৱী দুৰ্গাৰ অকাল বোধনৰে আজি ষষ্ঠীৰ বেদীত প্রাণ প্রতিষ্ঠা কৰা হল। প্রবাদ অনুসৰি, ষষ্ঠীৰ দিনা বেল বৰণৰে আমন্ত্ৰণৰ সূত্ৰে কৈলাশৰ পৰা সৰস্বতী, লক্ষ্মী, গণেশ আৰু কাৰ্তিকক লৈ ধৰালৈ আগমন ঘটা দেৱী দুর্গাক যথাবিহিত পূজা-অৰ্চনাৰ পাছত শণিবাৰে
সপ্তমীৰ দিনা আৰম্ভ হয় দেৱীৰ নৱপত্রিকা প্রবেশ, স্থাপন আৰু সপ্তমাদিকল্পাবৃত্ত তথা সপ্তমী বিহিত পূজা। উল্লেখ্য যে দেৱীৰ বোধনৰে মৃন্ময় মূৰ্তিত প্ৰাণ প্ৰতিষ্ঠাৰ ক্ষণত শুক্ৰবাৰে সন্ধিয়াৰে পৰা ৰাজ্যৰ প্ৰতিখন পূজা মণ্ডপতে সৃষ্টি হয় শাৰদীয় দুর্গোৎসৱৰ প্ৰথম দিনটোৰ উল্লাস-আনন্দ। অকাল বোধনেৰে শাৰদীয় দুর্গা পূজাৰ প্ৰাৰম্ভিক অনুষ্ঠান আৰম্ভ হোৱাৰ পাছত আজি শক্তিৰ অধিষ্ঠাত্ৰী দেৱীৰ শ্ৰীচৰণত মন্ত্ৰোতাচৰণৰে আগবঢ়োৱা হয় সপ্তমী বিহিত পূজা।
লক্ষ্যণীয় যে এইবাৰ শাৰদীয় দুর্গোৎসৱৰ সময়ত বতৰ অনুকূল থাকিব বুলি ভাৰতীয় বতৰ বিজ্ঞান কেন্দ্র (আইএমটিই) জাননী দিছে। শাৰদীয় বতৰত আৰম্ভ হোৱা দুর্গোৎসবে আজি স্বাভাৱিকতে প্রাণোদীপ্ত কৰি তুলিছে ৰাজ্যৰ সৰ্বসাধাৰণ জনতাৰ।
শুক্ৰবাৰে সন্ধিয়া মহাষষ্ঠীৰ পূজা আৰম্ভ হোৱাৰ পূৰ্বে বিভিন্ন পূজাস্থলীলৈ আগমন ঘটা প
শাৰদীয় দুর্গা পূজাত এইবাৰ মহানগৰীৰ কেবাখনো পূজা মণ্ডপ বৃহৎ অংকৰ ধন ব্যয়ৰে আকর্ষণীয় ৰূপত সজাই তুলিছে যদিও আধুনিকীকৰণৰ এই ধামধুমীয়াৰ মাজতে এইখন গুৱাহাটীতে এইবাৰ চমকপ্রদ তথ্য ভিন্ন আৰ্হিৰ পূজা মণ্ডপৰ পৰিৱৰ্তে দেৱী দুর্গাৰ প্রতিমাত এটা হীৰাৰ মুকুট সংস্থাপন কৰা হৈছে।
