GMC Meyor Mrigen Sarania Pressmeet:
পোহৰৰ উৎসৱ দীপাৱলীলৈ মাজত মাত্ৰ এটা দিন৷দেশৰ লগতে অসমতো দীপাৱলীৰ বাবে প্ৰস্তুতি সম্পূৰ্ণ কৰি তুলিছে ৰাজ্যবাসীয়ে ৷ উত্তৰ – পূবৰ দুৱাৰ মুখ গুৱাহাটী মহানগৰীটো দীপাৱলীৰ বাবে মহানগৰবাসী সাজু হৈছে ৷ পোহৰৰ উৎসৱটিৰ ক্ষেত্ৰত গুৱাহাটী পৌৰ নিগমে লৈছে কেতবোৰ পদক্ষেপ ৷
আজি এক সংবাদমেলত মেয়ৰ মৃগেন শৰনীয়াই কয়, দীপাৱলীৰ বাবে মহানগৰীত বিক্ৰীৰ বাবে অনা কলগছ বিক্ৰীৰ স্থান নিৰ্ধাৰণ কৰিব নিগমে ৷
আনহাতে ঘৰৰ পদূলিত লগোৱা কলগছ দীপাৱলীৰ পাছদিনা য’তে ততে পেলাই নিদিবলৈ আহ্বান জনাই কয় যে, পৌৰনিগমে মহানগৰীবাসীৰ ঘৰৰ পদূলিৰ পৰাই সংগ্ৰহ কৰিব কলগছসমূহ ৷ সংগৃহীত কলগছসমূহ হাতীৰ খাদ্যৰ বাবে দিয়া হ’ব বন বিভাগক ৷
মেয়ৰ শৰণীয়াই আৰু কয় যে,কলগছ সংগ্ৰহ কৰিবৰ বাবে ইতিমধ্যেই দায়িত্ব দিয়া হৈছে এনজিঅ’ক ৷
দায়িত্বপ্ৰাপ্ত এন জিঅ’ৰ লোকসকল কলগছ সংগ্ৰহ কৰিব নগ’লে অভিযোগ দিবৰ বাবে মুকলি কৰা হৈছে বিশেষ নম্বৰ ৮৮১১০০৭০০ ৷
মেয়ৰ গৰাকীয়ে প্ৰতিটো পথ উপ-পথ স্বচ্ছ দীপাৱলীৰ বাবে স্বচ্ছ কৰি ৰখাৰ আহ্বান জনাই স্বচ্ছ পদূলি কৰি ৰখা পৰিয়ালৈ বিশেষ প্ৰমাণ পত্ৰ দিয়াৰ কথাও সদৰি কৰে ৷
আনহাতে ,মহানগৰীৰ প্ৰতিখন ব্যৱসায়িক প্ৰতিষ্ঠালৈ আহ্বান জনাই শৰণীয়াই কয়, প্ৰতি খন দোকানত ৰাখিব লাগিব দুটাকৈ ডাষ্টবিন ৷ সেই ডাষ্টবিন সমূহ হ’ব লাগিব সেউজীয়া আৰু নীলা ৰঙৰ ৷
এতিয়াৰ পৰা ব্যৱসায়িক প্ৰতিষ্ঠানে ডাষ্টবিন ৰখাটো বাধ্যতামূলক ৷ নিৰ্দেশনা অমান্য কৰিলে অনুজ্ঞাপত্ৰ বাতিল হ’ব বুলি উল্লেখ কৰে মেয়ৰ গৰাকীয়ে ৷
