Air india express:✒️পুনৰ বিমান বিপত্তি।শনিবাৰে থাইলেণ্ডৰ ফুকেট অভিমুখী এয়াৰ ইণ্ডিয়া এক্সপ্ৰেছৰ এখন বিমানে উৰণৰ মাত্ৰ ১৬ মিনিটৰ পাছতে হায়দৰাবাদলৈ জৰুৰীভাৱে উভতি আহে ।
বয়িং ৭৩৭ মেক্স ৮ ৰ দ্বাৰা পৰিচালিত বিমান IX১১০,ৰাজীৱ গান্ধী আন্তঃৰাষ্ট্ৰীয় বিমানবন্দৰৰ পৰা নিৰ্ধাৰিত সময় ৬:২০ বজাৰ পৰা প্ৰায় ২০ মিনিট পিছ পৰি ৬:৪০ বজাত উৰা মাৰিছিল যদিও কাৰিকৰী বিজুতিৰ বাবে অতি সোনকালেই বিমানখন বাতিল কৰা হয়।
বিমান সংস্থাৰ তৰফৰ পৰা কোনো আনুষ্ঠানিক কাৰণ এতিয়াও প্ৰকাশ কৰা হোৱা নাই।বিমানখন প্ৰথমে পুৱা ১১:৪৫ বজাত ফুকেটত অৱতৰণ কৰাৰ কথা আছিল।
যদিও কিছু সময় উৰণৰ পাছত পুনৰ বিমানখন ঘূৰি আহি নিৰাপদে হায়দৰাবাদত অৱতৰণ কৰে। যদিও কাৰিকৰী ত্ৰুটিৰ সঠিক প্ৰকৃতি এতিয়াও প্ৰকাশ কৰা হোৱা নাই,বিমান সংস্থাৰ সূত্ৰই নিশ্চিত কৰিছে যে যাত্ৰীৰ সুৰক্ষাক অগ্ৰাধিকাৰ দিয়াৰ বাবে ক্ৰুৱে দ্ৰুততাৰে ব্যৱস্থা গ্ৰহণ কৰিছে।
ছচিয়েল মিডিয়াত ক্ষমা বিচাৰিলে বিমান সংস্থাই
এই ব্যাঘাতৰ পাছতেই এয়াৰ ইণ্ডিয়া এক্সপ্ৰেছে ছ’চিয়েল মিডিয়া প্লেটফৰ্মত এই বিষয়টোৰ ওপৰত গুৰুত্ব আৰোপ কৰি পোষ্ট কৰে, “আপোনাৰ বিমানত হোৱা ব্যাঘাতৰ বাবে আমাৰ আন্তৰিক ক্ষমাপ্ৰাৰ্থনা গ্ৰহণ কৰক। আপোনাক অধিক সহায় কৰিবলৈ আৰু শেহতীয়া অৱস্থাৰ বিষয়ে অৱগত কৰি ৰাখিবলৈ,অনুগ্ৰহ কৰি আপোনাৰ বুকিঙৰ সবিশেষ (পিএনআৰ) আমাক DM কৰক। আপোনাৰ ধৈৰ্য্য আৰু বুজাবুজিৰ বাবে ধন্যবাদ।”
যাত্ৰীসকলক সাহায্য প্ৰদানৰ কাম চলিছে
ক্ষতিগ্ৰস্ত যাত্ৰীসকলক আপডেট আৰু পুনৰ বুকিং বিকল্পৰ বাবে বিমান সংস্থাটোৰ সৈতে যোগাযোগ কৰিবলৈ পৰামৰ্শ দিয়া হৈছে। এতিয়ালৈকে কোনো লোক আহত বা গুৰুতৰ চিন্তাৰ খবৰ পোৱা নাই আৰু কাৰিকৰী বিষয়টোৰ ওপৰত অধিক তদন্ত হোৱাৰ সম্ভাৱনা আছে।