Guwahati:
আজি কালী পূজাৰ লগতে পোহৰৰ উৎসৱ দীপাৱলী ৷ সমগ্র দেশতে দীপাৱলীক লৈ ব্যাপক উৎসাহ- উদ্দীপনাৰ বিপৰীতে ব্যতিক্রম মাথোঁ অসম ভূমি। সকলোৰে আদৰৰ শিল্পী হাৰ্টথ্ৰৱ জুবিন গাৰ্গক হেৰুৱাই ম্রিয়মাণ অসমবাসী। দীপাৱলীক লৈ এইবাৰ নাই পূৰ্বৰ দৰে উছাহ। বিষাদৰ মাজতো পোহৰৰ উৎসৱৰ দীপাৱলীৰ অনুষ্টুপীয়া প্ৰস্তুতি ৰাজ্যবাসীৰ ৷ দীপাৱলীত আতচবাজিৰ পৰিৱৰ্তে পোহৰৰ উৎসৱত গুৰুত্ব দিব ৰাইজে ৷ সন্ধিয়া কলগছ আৰু মাটিৰ চাকিৰ বন্তি প্ৰজ্বলনেৰে নিশাটো সজীৱ কৰিব ৷
মহানগৰীৰ বজাৰত পূৰ্বৰ নাই কোনো ভীৰ৷ গণেশগুৰিত পূৰ্বতে যিদৰে ভীৰ পৰিলক্ষিত তাৰ বিপৰীতে এইবাৰ গ্ৰাহকৰ উপস্থিতি আছিল সেৰেঙা ৷ তথাপিও বজাৰত উপলব্ধ হোৱা মাটিৰ চাকি, কলপুলি, পূজাৰ সামগ্ৰী আদি ক্ৰয় কৰিবলৈ আহিছে আহিছে সীমিত সংখ্যক ক্ৰেতা ৷
কালী পূজা আৰু পোহৰৰ উৎসৱ দীপাৱলী উপলক্ষে সমূহ অসমবাসী ৰাইজলৈ ‘দৈনিক অগ্ৰদূত ডিজিটেল’ৰ তৰফৰ পৰা জনোৱা দ’ল আন্তৰিক শুভেচ্ছা I
