Arunachal Pradesh :
সৌন্দৰ্য্যৰাণী চিজুচাৰ মনোমোহা দৃশ্য উপভোগৰ বাবে আগমন ঘটিছে দুৰ দুৰনীৰ বনভোজ প্ৰেমী ৰাইজৰ৷ জামুগুৰিহাটৰ সমীপৰ অৰুনাচল সীমান্তৰ চিজুছাৰ বৰদিকৰাই নদীৰ ওপৰত স্হাপন কৰা বৃহৎ জলসিঞ্চন প্ৰকল্পৰ কাষৰ এই বনভোজ স্হলীত প্ৰতি বছৰেই ভিৰ কৰে শ, শ বনভোজ দলে ৷ নৱবৰ্ষ সমাগত বাবেই বিভিন্ন প্ৰান্তৰ যুৱক যুৱতী তথা বনভোজ প্ৰেমী ৰাইজ বৰদিকৰাই নদীখনৰ পাৰলৈ ঢাপলি মেলিছে প্ৰকৃতিৰ মনোৰম দৃশ্য উপভোগ কৰিবলৈ ৷
বনভোজৰ দলৰ লগতে ক্ষেত্ৰ অধ্যয়নৰ বাবেও একাংশ ছাত্ৰছাত্ৰী চিজুছাৰ বনভোজ স্থলীত উপস্থিত হোৱাৰ লগতে নামেৰী টাইগাৰ ৰিজাৰ্ভত থকা বাটাৰফ্লাই পাৰ্কৰ বিভিন্ন প্ৰজাতিৰ ৰংবিৰঙৰ পখিলাৰ তথ্য সংগ্ৰহ কৰাও পৰিলক্ষিত হয় ৷ এনেদৰেই অৰুণাচলৰ পাহাৰৰ পৰা কুলু কুলু শব্দৰে বৈ অহা বৰদিকৰাই নদীখনৰ পাৰতেই বনভোজ খাৱলৈ অধিৰ আগ্ৰহেৰে বছৰৰ শেষৰ মাহটোলৈকে যেন অপেক্ষা কৰে হেজাৰ হেজাৰ বনভোজপ্ৰেমী ৰাইজে৷ সৈন্দৰ্য্যৰাণী চিজুচাই যেন হাত বাউলি মাতিছে সকলোকে৷ অৰুনাচল প্ৰদেশৰ সীমান্তবৰ্তী এই অপৰূপ সৌন্দৰ্য্যৰে ভৰপুৰ ছিজুচালৈ প্ৰতিটো বৰ্ষতে হেজাৰ হেজাৰ বনভোজ প্ৰেমীৰ সমাগম ঘটা পৰিলক্ষিত হয় I
