Lionel Messi:
:একাধিক কার্যসূচী হাতত লৈ আজি পুৱতি নিশা ফুটবলৰ ৰাজপুত্র লিয়নেল মেছি বিশেষ বিমানেৰে কলকাতাত উপস্থিত হয়। ফুটবলৰ ভগৱানজনক কলকাতা এয়াৰপৰ্টত জনোৱা হয় উস্ম আদৰণি ৷ আজি দিনৰ ভাগত একাধিক কার্যসূচীত অংশ লৈ আর্জেন্টিনাৰ বিশ্বকাপ জয়ী অধিনায়কজনে হায়দৰাবাদলৈ ৰাওনা হ’ব। এই ভ্রমণকালত মেছিয়ে কোচি আৰু মুম্বাইতো উপস্থিত হোৱাৰ কথা।
উল্লেখ্য যে মেছিয়ে দ্বিতীয়বাৰলৈ কলকাতালৈ আহিছে। আজি পুৱতি নিশা কলকাতাত উপস্থিত হোৱাৰ পাছত ফুটবল মহাতাৰকাজনে কিছু ঘণ্টা বিশ্রাম লয় । পুৱা ৯-৩০ বজাত পশ্চিমবংগ চৰকাৰৰ তৰফৰ পৰা তেওঁক জনোৱা হয় বিশেষ সম্বর্ধনা জন। ইয়াৰ পাছতে মেছিয়ে ভার্চুৱেলী নিজৰ প্রতিমূর্তি উন্মোচন কৰে।
দিনৰ ১১-১৫ বজাত তেওঁ কলকাতাৰ যুৱ ভাৰতী ক্রীড়াগণত উপস্থিত হয় আৰু সম্বর্ধনা তথা আলাপ পৰ্বৰ পাছতে এখন চেলিব্রিটা বন্ধুত্বপূর্ণ ফুটবল মেচত অংশ লয়। সেই অনুষ্ঠানত পশ্চিমবংগৰ মুখ্যমন্ত্রী মমতা বেনাৰ্জীৰ উপৰি প্ৰাক্তন ক্রিকেট অধিনায়ক সৌৰভ গাংগুলী আৰু বলিউদৰ মহাতাৰকা শ্বাহৰুখ খানো উপস্থিত থাকিব। বিয়লি দুই বজাত মেছিয়ে হায়দৰাবাদ অভিমুখে উৰা মাৰিব।
উল্লেখ্য যে ২০১১ৰ দুই ছেপ্টেম্বৰত আর্জেন্টিনা ফুটবল দলে যুৱ ভাৰতী ক্রীড়াংগণত ভেনিজুৱেলাৰ স’তে এখন বন্ধুত্বপূর্ণ প্রদর্শনী মেচ খেলিছিল। আর্জেন্টিনাৰ সেই দলৰ অধিনায়ক আছিল মেছি।
