AIUDF Mla Protest:
উজনি অসমত মিঞা মুছলমানক অত্যাচাৰ কৰাৰ অভিযোগ কৰি সদনত আজি আলোচনা বিচাৰিছিল এআইইউডিএফ বিধায়ক সকলে। কিন্ত অধ্যক্ষই এই প্ৰস্তাৱ নাকচ কৰাত এআইইউডিএফ বিধায়ক সকলে ক্ষোভ প্ৰকাশ কৰি সদন ত্যাগ কৰে ৷ সদনত বাহিৰলৈ আহি এআইইউডিএফ বিধায়ক সকলে হাতে হাতে বেনাৰ পোষ্টাৰ লৈ মুখ্যমন্ত্ৰীৰ বিৰুদ্ধে বিভিন্ন শ্ল’গানেৰে আকাশ- বতাহ মুখৰিত কৰি তোলে। উজনি অসমত মিঞা মুছলমানক অত্যাচাৰ কৰাৰ অভিযোগ কৰি বিধায়ক ৰফিকুল ইছলামে এই ক্ষেত্ৰত মুখ্যমন্ত্ৰীৰ লগতে কংগ্ৰেছৰ বিৰুদ্ধেও সৰৱ হৈ পৰে ৷
কংগ্ৰেছে দীৰ্ঘদিন ধৰি মিঞা মুছলমানত ভোট বেংক হিচাপে ব্যৱহাৰ কৰি আহিছে বুলি তাৎপৰ্যপূৰ্ণ মন্তব্য দি বিধায়ক গৰাকীয়ে আৰু কয় যে,মুছলমানক ব্যৱহাৰ কৰিব, মুছলমানৰ ভোটো লাগিব। কিন্তু আগত যাব নিদিয়ে মুছলমানক | মুছলমানক গামোচা পিন্ধাবলৈ গলেও খেদি দিয়া হয়। মুছলমানক নেতৃত্ব দিলে মূৰৰ কামোৰণি হয় কংগ্ৰেছৰ। আগন্তুক দিনত সংখ্যালঘু ৰাইজে কংগ্ৰেছক উচিত প্ৰত্যুত্তৰ দিব।
