Ajanta Neug:
পঞ্চদশ অসম বিধানসভাৰ অন্তিম অধিৱেশনৰ আজি দ্বিতীয়টো দিনত পূণাংগ বাজেটৰ সলনি ৪ মাহৰ বাবে সদনত বিত্তমন্ত্ৰী অজন্তা নেওগে দাখিল কৰে ২০২৬-২৭ বৰ্ষৰ লেখানুদান ৷ নেওগে লেখানুদান দাখিল কৰি দিয়া ভাষণত উল্লেখ কৰে যে ২০১৫-১৬বৰ্ষত বাজেট আছিল ৭২,৫৭৩কোটি টকাৰ। ১০ বছৰত অৰ্থাৎ ২০২৫-২৬বৰ্ষত বাজেটৰ আকাৰ হৈছেগৈ ১,৫৫,৯৬৫ কোটি টকাৰ। ৰাজ্যিক ঘৰুৱা উৎপাদন দিনক দিনে বৃদ্ধি পায়ছে ৷ ৪৫ শতাংশলৈ বৃদ্ধি মুঠ ৰাজ্যিক ঘৰুৱা উৎপাদন৷ ২০২৫-২৬ বিত্তীয় বর্ষত ৭,৪৫,২৯৩ কোটি টকালৈ বৃদ্ধি হ’ব ৰাজ্যিক ঘৰুৱা উৎপাদন৷ আগন্তুক বৰ্ষত এই বৃদ্ধি ৮,৭১,৪৫১ কোটি টকালৈ বৃদ্ধি হ’ব ৷ একেদৰে অসমে প্ৰগতিৰ ইঞ্জিন হিচাপে আত্মপ্রকাশ কৰিছে বুলি উল্লেখ কৰি মন্ত্ৰী গৰাকীয়ে ২০২৮ চনৰ ভিতৰত ১০ লাখ কোটি টকাৰ অর্থনীতিলৈ অসম পৰিণত হ’ব বুলি মন্তব্য কৰে ৷
আনহাতে কৰ সংগ্ৰহত সফল হৈছে চৰকাৰ সফল হৈছে বুলি দাবী কৰি মন্ত্ৰী গৰাকীয়ে সদনত কয় যে, বছৰি বৃদ্ধি পাইছে ১৩% কৰ সংগ্ৰহৰ পৰিমান | ২০২০-২১ বৰ্ষত কৰ সংগ্ৰহ ১৭,১৩৪ কোটি হোৱাৰ বিপৰীতে ২০২৪-২৫ বৰ্ষত কৰ সংগ্ৰহ বৃদ্ধি পাই ৩০,০৫২কোটিলৈ ৷
বিত্ত মন্ত্ৰী গৰাকীয়ে হিতাধিকাৰীৰ বাবে এক ভাল খবৰ বুলি সদনত ঘোষণা কৰি কয় , বৃদ্ধ পেঞ্চন ২৫০ৰ পৰা ৪০০লৈ বৃদ্ধি কৰাৰ লগতে বিধৱা পেঞ্চন ৩০০টকাৰ পৰা বৃদ্ধি কৰা হয় ১২৫০টকালৈ ৷এ কেদৰে অংগনৱাড়ী কৰ্মীৰ দৰমহা ৬৫০০ৰ পৰা ৮০০০লৈ বৃদ্ধিৰ বিপৰীতে অংগনৱাড়ী সহায়িকাৰ ৩২৫০ টকাৰ পৰা ৪০০০লৈ বৃদ্ধি কৰা হয় পাৰিতোষিক ৷ আনহাতে ৰান্ধনীৰ দৰমহা ১৫০০ৰ পৰা বৃদ্ধি কৰা হয় ২০০০লৈ ৷ আশাকৰ্মীৰ দৰমহা ৩০০০ৰ পৰা ৪০০০লৈ বৃদ্ধি কৰা হয়। চুপাৰভাইজাৰৰ দৰমহা ৯০০০ৰ পৰা ১০,৫০০ টকালৈ বৃদ্ধি কৰাৰ সিদ্ধান্ত ৰাজ্য চৰকাৰৰ ৷ একেদৰে মহিলা উদ্যমিতা আঁচনিত বৃদ্ধি পাব হিতাধিকাৰীৰ সংখ্যা ৷
বিত্ত মন্ত্ৰী গৰাকীয়ে সদনত ঘোষণা কৰি কয় ,প্ৰাদেশিকীকৰণ নোহোৱা শিক্ষক-টিউটৰৰ বাবে গুৰুদক্ষিণা’ আঁচনি ৷ শিক্ষাৰ্থীলৈ আগবঢ়োৱা অৱদানক সন্মান জনায় এই আঁচনি ৷ তেজপুৰ-বাইহাটাৰ মাজত নিৰ্মাণ কৰা হব চাৰিলেনযুক্ত পথ ৷একেদৰে নগাঁও-মৰিগাঁও আৰু দৰং সংযোগী ব্ৰহ্মপুত্ৰত নিৰ্মাণ হ’ব দলং ৷ আনহাতে লোকপ্ৰিয় গোপীনাথ বৰদলৈ আন্ত:ৰাষ্ট্ৰীয় বিমান বন্দৰৰ পৰা জাগীৰোডলৈ হ’ব এলিভেটেড কৰিড’ৰ ৷ গুৱাহাটীৰ পৰা ডিব্ৰুগড়লৈ হ’ব এক্সপ্ৰেছ কৰিড’ৰ ৷ গুৱাহাটী, জাগীৰোড, পলাশবাৰীক সংযোগেৰে হ’ব ঔদ্যোগিক কৰিড’ৰ ৷ নগাঁও, ডিফু, উমৰাংছ’, মাজুলী আৰু মানাহত হ’ব বিমানবন্দৰ I
