Congress Candidate List:
ৰাজ্যৰ আসন্ন বিধানসভা নিৰ্বাচনৰ বাবে কংগ্ৰেছে প্ৰথম খন তালিকা ঘোষণা কৰাৰ পিছত দ্বিতীয় খন প্ৰাৰ্থী তালিকাৰ বাবে উৎকণ্ঠাৰে বাট চাই থকা প্ৰাৰ্থী সকলৰ বাবে এটা ভাল খবৰ যে শুকুৰবাৰে প্ৰকাশ পাব দ্বিতীয় খন প্ৰাৰ্থী তালিকা ৷ এই কথা আজি দিল্লীত ঘোষণা কৰে এপিচিচি সভাপতি গৌৰৱ গগৈ ৷
দিছপুৰৰ মচনদৰ পৰা বিজেপিক উৎখাত কৰাৰ লক্ষ্যৰে কংগ্ৰেছে অজাপ ,চিপিএম আৰু কাৰ্বি পাহাৰৰ জন ইংতি কাথাৰৰ স’তে জোটবন্ধন কৰি ইতিমধ্যে ঘোষণা কৰিছে প্ৰথম খন প্ৰাৰ্থী তালিকা ৷ পূৰ্বে এই জোঁটৰ অংশীদাৰ অখিল গগৈ নেতৃত্বাধীন ৰাইজৰ দলৰ আছিল যদিও শেহতীয়াকৈ কংগ্ৰেছৰে কেতবোৰ আসনক লৈ মতানৈক্য থকাৰ বাবে কাৰ্যত ৰাইজৰ হল একাষৰীয়া হোৱাৰ উপক্ৰম হৈছে ৷ অৱশ্যে গৌৰৱ গগৈয়ে ফেচবুক যোগে ৰাইজৰ দলৰে আলোচনা কিছু বিৰাম দিয়া বুলি উল্লেখ কৰাৰ বিপৰীতে বৰ্তমান বুজাপৰা সমগ্ৰ বিষয়টো কংগ্ৰেছৰ কৰ্টত থকা বুলি তাৎপৰ্যপূৰ্ণ মন্তব্য প্ৰকাশ কৰিছে অখিল গগৈ ৷ আনহাতে আনহাতে আসন বুজাপৰাৰ বাবে দিল্লীত বাহৰ পাতি আছে লুৰিণজ্যোতি গগৈৰ নেতৃত্বত অজাপ পাঁচজনীয়া দল ৷
আনহাতে অসমৰ দ্বিতীয় খন প্ৰাৰ্থী তালিকা প্ৰস্তুতৰ বাবে শুকুৰবাাে নতুন দিল্লীত কংগ্ৰেছৰ নির্বাচনী সমিতিৰ এখন গুৰুত্বপূৰ্ণ বৈঠক অনুষ্ঠিত হয় ৷ বৈঠকত কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খৰ্গে,কংগ্ৰেছৰ জ্যেষ্ঠ নেতা ৰাহুল গান্ধী,প্ৰিয়ংকা গান্ধী, সাধাৰণ সম্পাদক এছ বেনুগোপাল, জিতেন্দ্ৰ সিং, এপিচিচি সভাপতি গৌৰৱ গগৈঅসমৰ বিৰোধী দলপতি দেৱব্ৰত শইকীয়া সহ এআইচিচিৰ সাধাৰণ সম্পাদক সকল উপস্থিত থাকে ৷
২৬ৰ বিধানসভা নিৰ্বাচনৰ বাবে বিজেপিক ৰোধিবলৈ এখন ভাল শক্তিশালী প্ৰাৰ্থী তালিকা প্ৰস্তুতত মোহৰ মৰা হয়। দিল্লীৰ এক উচ্চস্তৰীয় সূত্ৰই জানিব দিয়া মতে, শুকুৰবাৰে ঘোষণা হ’বলগীয়া প্ৰাৰ্থী তালিকা খন ৩৫ জনীয়া ৷ মুলত: ব্ৰহ্মপুত্ৰ,বৰাক আৰু কাৰ্বি পাহাৰৰ প্ৰাৰ্থীৰ নাম অন্তভুৰ্ক্ত কৰা হৈছে ৷ এনে প্ৰেক্ষাপটত আশাৰে বাট চাই থকা প্ৰাৰ্থীত্ব প্ৰত্যাশী সকলৰ উৎকণ্ঠা ওৰ পৰিব শুকুৰবাৰে ।
