ক’ভিডৰ বিৰুদ্ধে প্ৰতিৰোধ গঢ়ি তোলাৰ বাবে দুটা টিকা যথেষ্ট নেকি ? বা তাৰ পাছতো বুষ্টাৰ ভেকছিন ল’ব লাগিব? এই প্ৰশ্নটো এতিয়া সকলোৰে মনত। এই সন্দৰ্ভত পভাৰতৰ ওচৰত পৰ্যাপ্ত তথ্য নাই। কিন্তু এইমছৰ মুৰব্বী ৰণদীপ গুলেৰিয়াই জনাইছে যে অহা বছৰৰ ভিতৰত সম্পৰ্ক বিতংভাৱে জনা যাব ।
তেওঁৰ কথাত, “বুষ্টাৰ এতিয়া ল’ব লাগিব নে নাই সেই সম্পৰ্কে এতিয়াও যথেষ্ট তথ্য আমাৰ হাতত নাই । আনকি বৃদ্ধ আৰু গুৰুতৰভাৱে অসুস্থ লোকসকলৰ ক্ষেত্ৰতো, এই বুষ্টাৰৰ প্ৰয়োজন আছে নে নাই জনা নাযায়। প্ৰতিৰোধৰ স্তৰ কেনেদৰে বৃদ্ধি কৰিব লাগে আৰু দুয়োটা ভেকছিন পৰ্যাপ্ত হয় নে নহয় তাৰ ওপৰত পৰৱৰ্তী পৰীক্ষাৰ প্ৰয়োজন আছে। “
কিন্তু ইয়াৰ ওপৰত গৱেষণা আৰম্ভ হৈছে বুলি জানিবলৈ দিয়ে এইমছৰ মূৰ্ব্বীজনে । তেওঁ কয় যে সম্পূৰ্ণ তথ্য হাতত পাবলৈ আৰু কেইমাহমান লাগিব পাৰে। এইটো সম্ভৱ যে অহা বছৰৰ ভিতৰত বুষ্টাৰ টিকাৰ প্ৰয়োজন হয় নে নহয় জনা যাব। যদি ল’ব লগা হয় কি ধৰণে বুষ্টাৰ ল’ব লাগিব আৰু কোনে কোৱাৰ প্ৰয়োজন সেয়াও জানিব পৰা যাব বুলি আশা প্ৰকাশ কৰিছে তেওঁ।
আমেৰিকা যুক্তৰাজ্য, ব্ৰিটেইন আৰু ইজৰাইলে ইতিমধ্যে বুষ্টাৰ টিকাকৰণ ৰ দিয়াৰ চিন্তা ধাৰণা আৰম্ভ কৰিছে। কে’বাটাও অধ্যয়নত দাবী কৰা হৈছে যে ৰোগ প্ৰতিৰোধ ক্ষমতা শক্তিশালী কৰিবলৈ তৃতীয় ভেকছিন (বুষ্টাৰ)ৰ প্ৰয়োজন। কিন্তু এইমছৰ মুৰব্বীয়ে জনায়, তথ্যই কৈছে যে দেশৰ মানুহে এতিয়া বুষ্টাৰ লোৱাৰ প্ৰয়োজন নাই।
