দেশত এতিয়াও কৰ’নাৰ দ্বিতীয় ঢৌৰ অন্ত পৰা নাই বুলি ধাৰণা কৰে স্বাস্থ্য বিশেষজ্ঞসকলৰ একাংশৰ পৰা আৰম্ভ কৰি স্বাস্থ্য মন্ত্রণালয়ৰ বিষয়াসকলেও । তেনে সময়তে ক’ভিডৰ তৃতীয় ঢৌৰ আৰম্ভণি । আজি মুম্বইৰ মেয়ৰ কিশোৰী পডনেকৰে দাবী কৰিছে, মুম্বইয়ত কৰ’নাৰ তৃতীয় ঢৌ আৰম্ভ হৈছে ।
হঠাৎ মুম্বইয়ত কৰ’না সংক্রমণ বাঢ়িছে । আগষ্টত মুম্বইত যিমান কৰ’না আক্রান্ত হৈছিল, ছেপ্টেম্বৰৰ প্রথম ছদিনত তাৰ ২৮ শতাংশ সংক্রমিত হৈছে । আসন্ন গণেশ চতুর্থী উপলক্ষে ৰাস্তৰ ভিৰ নকৰিবলৈ জনসাধাৰণক আবেদন কৰিছে মেয়ৰ পডনেকাৰে । তেওঁৰ সতর্কবার্তা, ভিৰ বাঢ়িলে সংক্রমণো বাঢ়িব । তেওঁৰ মতে, ‘‘কৰ’নাৰ দ্বিতীয় ঢৌৰ পৰা মই বহু কথা শিকিছো । এই গণেশ উৎসৱত মই ক’তো নাযাও । কাৰণ, তৃতীয় ঢৌ আহিছে — এই কথা কোৱাৰ সময় এতিয়া পাৰ হৈছে । চহৰত তৃতীয় ঢৌ আহি গৈছে ।’’ নগৰবাসীক উদ্দেশ্যি তেওঁৰ পৰামর্শ, ৰাজ্য চৰকাৰে যি যি কৰণীয় সেয়া কৰিব । কিন্তু সাধাৰণ মানুহে নিজৰ সুৰক্ষাৰ বিষয়ত লক্ষ্য ৰাখিব লাগিব ।
সমগ্ৰ দেশত অৱশ্যে দৈনিক সংক্রমণ কালিৰ তুলনাত হ্ৰাস পাইছে । দৈনিক মৃত্যুৰ সংখ্যাও তিনিশৰ তলত । দৈনিক সংক্রমণত এতিয়াও শীর্ষত আছে কেৰালা । কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, যোৱা ২৪ ঘণ্টত দক্ষিণৰ ৰাজ্যখনত ১৯,৫০০ৰো অধিক লোক নতুনকৈ সংক্রমিত হৈছে । ক’ভিডৰ বিৰুদ্ধে যুঁজত বিধ্বস্ত দক্ষিণৰ এই ৰাজ্যৰ উদ্বেগ বাঢ়াইছে নিপা ভাইৰাছৰ আক্ৰমণে ।
যোৱা দেওবাৰে নিপা ভাইৰাছত কোঝিকোড়ত এজন কিশোৰ মৃত্যু হৈছে । সেই কিশোজনৰ সংস্পর্শত অহা ব্যক্তিসকলৰ অনুসন্ধান আৰু চিহ্নিত কৰিবলৈ তৎপৰ হৈছে প্রশাসন । আজি সাংবাদিক বৈঠক কৰি কেৰালাৰ স্বাস্থ্যমন্ত্রী বিনা জর্জে কয়, ‘‘২৪টকা নমুনা পুনেৰ নেচনাল ইনস্টিটিউট অৱ ভাইৰ’লজিত প্ৰেৰণ কৰা হৈছে । আঠজনৰ প্রত্যেকৰ তিনটাকৈ নমুনা পঠোৱা হয় । অৱশ্যে নেগেটিভ ৰিপ’র্ট আহিছে । মৃত কিশোৰৰ পিতৃ-মাতৃ আৰু উপসর্গ থকা স্বাস্থ্যকর্মীসকলৰ ৰিপ’র্টো নেগেটিভ আহিছে । এয়া স্বস্তিকৰ ।’’
কেৰালাৰ স্বাস্থ্য দফতৰৰ তৰফৰ পৰা জনোৱা হৈছে, নিপা ভাইৰাছত মৃত কিশোৰৰ সংস্পর্শত অহা ২৫০ জনক চিহ্নিত কৰা হৈছে । যিসকলৰ অৱস্থা উদ্বেগজনক তেওঁলোকক কোঝিকোড় মেডিকেল কলেজত নতুনকৈ আৰম্ভ হোৱা নিপা ৱার্ডত স্থানান্তৰিত কৰা হৈছে ।
