পাকিস্তান আৰু বাংলাদেশৰ স’তে আন্তর্জাতিক সীমান্ত থকা তিনি ৰাজ্যত সীমান্ত ৰক্ষী বাহিনী (বিএছএফ,)ৰ ক্ষমতা বৃদ্ধি কৰা হৈছে । কেন্দ্রীয় গৃহ মন্ত্রণালয়ৰ নতুন নির্দেশনা অনুযায়ী, এইবাৰ পঞ্জাৱ, অসম আৰু পশ্চিমবংগত আন্তর্জাতিক সীমান্তৰ পৰা ভাৰতীয় ভূখণ্ডৰ ৫০ কিলোমিটাৰ পর্যন্ত অঞ্চলত বিএছএফে গ্রেপ্তাৰ, তালাচী আৰু বাজেয়াপ্ত কৰিব পাৰিব ।
সম্প্রতি পাক নিকটৱৰ্তী সীমান্ত অঞ্চলত ড্র’নৰ জৰিয়তে অস্ত্র প্ৰেৰণ কৰাৰ ঘটনাৰ পৰিপ্রেক্ষিতত কেন্দ্রীয় গৃহ মন্ত্রণালয়ে এই সিদ্ধান্ত লৈছে । বিএছএফ-ৰ ক্ষমতা বৃদ্ধিৰ জৰিয়তে এই প্রৱণতাত বাধা প্ৰদান কৰা সম্ভৱ হ’ব বুলি ধাৰণা কৰিছে নর্থ ব্লকৰ বিষয়াসকলে ।
অৱশ্যে অমিত মন্ত্রণালয়ৰ এই সিদ্ধান্তই ৰাজনৈতিক উত্তাপ বৃদ্ধি কৰিছে । পঞ্জাৱৰ মুখ্যমন্ত্রী চৰণজিৎ সিং চন্নীয়ে নতুন নির্দেশণাত আপত্তি দৰ্শাই টুইট কৰিছে । কেন্দ্রীয় চৰকাৰৰ এই সিদ্ধান্তক তেওঁ গৰিহণা দিছে । কেন্দ্রীয় গৃহমন্ত্রীক শীঘ্ৰে এই অযুক্তিকৰ সিদ্ধান্ত প্রত্যাহাৰৰ আবেদন জনাইছে কংগ্রেছ শাসিত ৰাজ্যৰ নতুন মুখ্যমন্ত্রীয়ে ।
কেন্দ্রীয় গৃহ মন্ত্রণালয়ৰ দাবী, ৰাষ্ট্ৰীয় সুৰক্ষাৰ প্ৰতি লক্ষ্য ৰাখি সীমান্ত সংলগ্ন স্পর্শকাতৰ ৰাজ্যবোৰত বেআইনী কার্যকলাপ ৰোধ কৰিবলৈ এই সিদ্ধান্ত । কিন্তু এই কথা মানি নলয় আপৰ এটা মহলে ।
নতুন নিয়ম অনুসৰি, অসম, পঞ্জাৱ আৰু পশ্চিমবংগৰ ৰাজ্যত আৰক্ষীৰ দৰেই তালাচী, বাজেয়াপ্ত আৰু গ্রেপ্তাৰৰ ক্ষমতা পালে বিএছএফে । কেন্দ্রীয় গৃহ মন্ত্রণালয়ে জাৰি কৰা নির্দেশনাত কোৱা হৈছে, আন্তর্জাতিক সীমান্ত (ভাৰত-পাকিস্তান, ভাৰত-বাংলাদেশ)ৰ পৰা ভাৰতীয় ভূখণ্ডৰ ৫০ কিলোমিটাৰ পর্যন্ত অঞ্চলত বিএছএফ-ক এই বিশেষ ক্ষমতা প্রদান কৰা হৈছে । আগতে এই সীমা ১৫ কিলোমিটাৰ আছিল । ইয়াৰ উপৰি, সীমান্ত ৰক্ষী বাহিনীয়ে নাগালেণ্ড, মিজোৰাম, ত্রিপুৰা, মনিপুৰ আৰু লাদাখত তালাচী আৰু গ্রেপ্তাৰ কৰিব পাৰিব ।
অৱশ্যে এই নিয়মৰ ব্যতিক্রমো আছে । ভাৰত-পাক সীমান্তৱর্তী গুজৰাতত ইমান দিনে বিএছএফ-ৰ আওতায় আন্তর্জাতিক সীমান্তৰ পৰা ভাৰতীয় ভূখণ্ডৰ ৮০ কিলোমিটাৰ অঞ্চল আছিল । নতুন নিয়মত এই পৰিধি কম কৰি ৫০ কিলোমিটাৰ কৰা হৈছে । আনহাতে, পাক সীমান্তৱর্তী ৰাজ্য ৰাজস্থানত অৱশ্যে আগৰ দৰেই ৫০ কিলোমিটাৰ পৰিধি ৰখা হৈছে । নতুন নির্দেশনাত উত্তৰ-পূৱৰ পাঁচ ৰাজ্যৰ ক্ষেত্রত অঞ্চল নির্দিষ্ট কৰা হোৱা নাই । জম্মু-কাশ্মীৰ আৰু লাদাখৰ ক্ষেত্রতো সীমান্ত নিৰ্দিষ্ট কৰা হোৱা নাই ।
কিন্তু আন্তর্জাতিক সীমান্তৱর্তী তিনি ৰাজ্যত বিএছএফ-ৰ নতুন নিয়মক লৈ ইতিমধ্যে ৰাজনীতি আৰম্ভ হৈছে । আৰম্ভণিতেই আপত্তি দৰ্শাই বিধি প্রত্যাহাৰৰ আবেদন জনাইছে পঞ্জাৱৰ মুখ্যমন্ত্রীয়ে ।
