Today Results of HSLC Examination Have Been Announced:
সকলো উৎকণ্ঠাৰ অন্তত আজি ঘোষণা হ’ল হাইস্কুল শিক্ষান্ত পৰীক্ষাৰ ফলাফল। পুৱা ১০.৩০ বজাত ঘোষণা হয় এই ফলাফল। উল্লেখ্য যে,পৰীক্ষাৰ ফলাফল আৰু নম্বৰ তালিকা মুঠ ১০ টা ৱেবচাইট যোগে ছাত্ৰ-ছাত্ৰীসকলে লাভ কৰিব। তেওঁলোকৰ নম্বৰ তালিকা ডাউনলোড কৰি ল’ব পাৰিব।
আনহাতে আজি মেট্ৰিক পৰীক্ষাৰ ঘোষিত ফলাফলত পাঁচ শীৰ্ষ স্থানপ্ৰাপ্ত সকল হ’ল যোৰহাটৰ প্রজ্ঞা একাডেমী চিনিয়ৰ চেকেণ্ডাৰী স্কুলৰ অনুৰাগ দলৈ(৫৯৩ নম্বৰ),বিশ্বনাথ চাৰিআলিৰ শংকৰদেৱ শিশু নিকেতনৰ ঝর্ণা শইকীয়া(৫৯০), মাজুলীৰ আইলেণ্ড একাডেমী, কমলাবাৰীৰ মানস প্রতীম শইকীয়া (৫৮৮ নম্বৰ),বৰপেটাৰ সৰুপেটাৰ ষ্টেলা মেৰিছ স্কুলৰ বেদান্ত চৌধুৰী৫৮৮ নম্বৰ), নগাঁৱৰ ৰামনুজন চিনিয়ৰ চেকেণ্ডাৰী স্কুলৰ দেৱশ্রী কাশ্যপ (৫৮৮ নম্বৰ)
আনহাতে,মেট্ৰিকৰ ফলাফলত শীৰ্ষ পাঁচত থকা জিলা কেইখন হ’ল ছিৰাং (৯১.২ শতাংশ),নলবাৰী (৮৮.১ শতাংশ),ডিমা হাচাও (৮৭.৩ শতাংশ), বাক্সা (৮৬.৯ শতাংশ) আৰু শিৱসাগৰ ৮৫.১ শতাংশ ৷
উল্লেখযোগ্য যে বছৰ বছৰ ধৰি চলি অহা স্থান অথবা ষ্টেণ্ডৰ ব্যৱস্থা নাথাকে। এই কথা সদৰী কৰিছিল শিক্ষামন্ত্ৰী ৰণোজ পেগুৱে। একেদৰে এইবাৰ ছাত্ৰ-ছাত্ৰীক প্ৰদান কৰা নহয় হাইস্কুল শিক্ষান্ত পৰীক্ষাৰ প্ৰমাণ পত্ৰ । মাৰ্কশ্বীটখনেই হ’ব প্ৰমাণ পত্ৰ ।
আনহাতে হাইস্কুল শিক্ষান্ত পৰীক্ষাত ৰাজ্যৰ ৯১৩ টা পৰীক্ষা কেন্দ্ৰত মুঠ ৪ লাখ ২৭ হাজাৰ ৯২২ গৰাকী পৰীক্ষাৰ্থী অৱতীৰ্ণ হৈছিল।
শনিবাৰে ঘোষিত মেট্ৰিক পৰীক্ষাত উত্তীৰ্ণৰ হাৰ ৭৫. ৭শতাংশ। ইয়াৰে ছাত্ৰৰ উত্তীৰ্ণৰ হাৰ ৭৭.৩ শতাংশৰ বিপৰীতে ছাত্ৰীৰ উত্তীৰ্ণৰ হাৰ হয় ৭৪.৪ শতাংশ ৷ আনহাতে তৃতীয় লিংগৰ পৰীক্ষাৰ্থীৰ উত্তীৰ্ণৰ হাৰ আছিল ৮০ শতাংশ।
মেট্ৰিক পৰীক্ষাৰ আজি ঘোষিত ফলাফলত ডিষ্টিংছন নম্বৰ লাভ কৰিছে ৬,৩৯২ গৰাকীয়ে, ষ্টাৰ মাৰ্ক ২০,৫৫২ গৰাকীয়ে আৰু প্ৰথম বিভাগত উত্তীৰ্ণ হয় ১,০৫,৮৭৩ গৰাকী। দ্বিতীয় বিভাগত ১,৫০,৭৬৪ গৰাকী, তৃতীয় বিভাগত ৬০,৬৮০ গৰাকীয়ে আৰু লেটাৰ মাৰ্ক লাভ কৰে ১,৯৩,১৫৯ গৰাকী ছাত্ৰ-ছাত্ৰীয়ে।
স্মতৰ্ৱ্য যে, চলিতবৰ্ষৰ ১৬ ফেব্ৰুৱাৰীৰ পৰা ৪ মাৰ্চলৈ অনুষ্ঠিত হোৱা হাইস্কুল শিক্ষান্ত পৰীক্ষাত অৱতীৰ্ণ হৈছিল ৪,১৯,০৭৮ গৰাকী ছাত্ৰ-ছাত্ৰী আৰু উত্তীৰ্ণ হয় ৩,১৭,৩১৭ গৰাকী ছাত্ৰ-ছাত্ৰী। ইয়াৰে ভিতৰত ছাত্ৰৰ সংখ্যা ১,৮৭,৯০৪ গৰাকীৰ বিপৰীতে ছাত্ৰীৰ সংখ্যা হয় ২,৩১,১৬৪ গৰাকী আৰু তৃতীয় লিংগৰ হয় ১০ গৰাকী।
