Water from Arunachal Pradesh is Causing Danger to Dhemaji:
পূৰ্বৰ তুলনাত পানী সামান্য কমিলেও দুর্ভোগে লগ এৰা নাই ৰাজ্যৰ হেজাৰ হেজাৰ বানাক্ৰান্তৰ। ৩১৬ টা আশ্রয় শিবিৰতে অনিশ্চিত ভৱিষ্যৎ লৈ সময় কটাবলগীয়া হৈছে ৰাজ্যৰ ৩৯,২০৩ গৰাকী বানাক্ৰান্তই। ইফালে চৰকাৰী সাহায্য সামগ্রী বিতৰণ কেন্দ্ৰৰ পৰা সংগৃহীত খাদ্যৰ ওপৰতে নিৰ্ভৰশীল হ’বলগীয়া হৈছে ৰাজ্যৰ ২,৫৬,৪৪৮ গৰাকী বন্যার্তই ।
ৰাজ্যিক দুর্যোগ ব্যৱস্থাপনা প্ৰাধিকৰণে সদৰী কৰা তথ্য মতে, বর্তমানেও বানত প্লাৱিত হৈ আছে ২৪ খন জিলাৰ ৭৫ টা ৰাজহ চক্ৰৰ অন্তর্গত ২৪০৬ খন গাঁও। স্বাভাৱিকতে প্রায় দুসপ্তাহ ধৰি বানৰ এই সহাৱস্থান কৰি চৰম দুর্ভোগ ভুগিবলগীয়া হৈছে ৰাজ্যৰ ১২,৩৩,২৩৬ গৰাকী বন্যার্তই। উল্লেখ্য যে প্রায় প্রতিদিনে অব্যাহত থকা ধাৰাসাৰ বৰষুণৰ ফলত আজি পর্যন্ত ব্ৰহ্মপুত্ৰকে ধৰি বুঢ়ীদিহিং, দিচাং আৰু কুশিৱাৰা নৈৰ জলপৃষ্ঠ বিপদসীমাৰ ওপৰৰে প্ৰৱাহিত হৈ আছে।
#ধেমাজিত অপৰিৱৰ্তিত বান পৰিস্থিতি, ৰাষ্ট্ৰীয় পথৰ ওপৰৰে বাগৰিছে পানী :
ধেমাজিৰ বান পৰিস্থিতি আজিও অপৰিৱৰ্তিত হৈয়ে আছে। জিলাখনৰ মাজেৰে পাৰ হৈ যোৱা জীয়াঢল, ন-নদী, ছিয়াং, লেচিয়া, টঙানি, ডিমৌ, চিমেন্ট, ছিলি, গাই নদীৰ জলপৃষ্ঠ প্রতি মুহূর্ততে বাঢ়ি থকা প্রায় দুই শতাধিক গাঁও আজিও প্লাৱিত হৈয়ে আছে। ইফালে কালি হঠাতে পাহাৰৰ পৰা বৈ অহা চাৰিখন নৈৰ পানীৰ লগতে গাইনদীৰ বাঢ়নী পানীয়ে গোহাঁইগাঁও পঞ্চায়তৰ বহুকেইখন গাঁও নতুনকৈ প্লাবিত কৰিছে।
উল্লেখ্য যে মৰিধল বিদ্যালয়ত এতিয়াও মৰিধল হাঁহচৰা, মৰিধল মিৰি আৰু কৈৱৰ্ত গাঁৱৰ শতাধিক পৰিয়ালে আশ্রয় লৈ আছে। ইফালে শ্রীপাণি গাঁও পঞ্চায়তত মিছামাৰী নদীৰ পানীয়ে শ্রীপাণি-নিলখ সংযোগী পথৰ মঠাদাং গাঁও অংশৰ প্রায় ২০ মিটাৰ উটুৱাই নিয়াত অঞ্চলটোৰ ৰাইজৰ সমস্যা হৈছে।
একেদৰে আন কে’বাটাও গ্রাম্য পথ টুকুৰা-টুকুৰকৈ ছিঙাৰ ফলত আজি দ্বিতীয় দিনাও ৰাইজৰ যাতায়াতত ভীষণ সমস্যাৰ সৃষ্টি হৈছে। আজিও জীয়াঢল নদীৰ কাংকু সুঁতিৰ বাঢ়নী পানীয়ে ধেমাজিৰ জীয়াঢল চাৰিআলিৰ ভজুগাঁৱৰ ১৫ নম্বৰ ৰাষ্ট্রীয় পথৰ ওপৰেদি একাঁঠু পর্যন্ত পানী বাগৰিয়েই আছে। চুবুৰীয়া অৰুণাচলত হোৱা প্ৰচণ্ড বৰষুণৰ বাবে ধেমাজিৰ বান পৰিস্থিতি আজি অধিক জটিল হৈ পৰিছে। নগাঁৱত জলমগ্ন হৈ আছে |
