Guwahati police are continuing to search for Chumi:
একাংশ প্রভাবশালী লোকৰ বাবে ক’লা টকা বগা কৰাৰ কৌশল হৈছে অবৈধ ট্রেডিং। যাৰ বাবে অবৈধ ট্রেডিঙত জড়িত থকাৰ অভিযোগত কাৰোবাক গ্রেপ্তাৰ কৰিলেও আন কাৰোবাক ৰক্ষণাবেক্ষণ দিয়া হৈছে। ৰাজ্যত শেহতীয়াভাৱে জোঁকাৰণি তোলা অবৈধ অনলাইন ট্রেডিঙৰ তদন্তকালত যাতে প্রভাবশালী লোকৰ নাম ৰাজহুৱা নহয়, সেইবাবে অভিযুক্তক ৰক্ষণাবেক্ষণ দিবলৈ এটা মহল উঠি-পৰি লাগিছে। ৰক্ষণাবেক্ষণ দিয়াৰ বাবেই ডিব্ৰুগড়ত বিশাল ফুকনক গ্ৰেপ্তাৰ কৰাৰ বিপৰীতে কাৰোবাক আকৌ সুৰক্ষা দিব বিচৰা বুলি সৰৱ চর্চা অব্যাহত আছে।
এই প্ৰসংগৰ উদ্ভৱ হয় ৰাজস্থানৰ উদয়পুৰত কোটি কোটি টকা পানীৰ দৰে উটুবাই বিয়া পাতি চাঞ্চল্যৰ সৃষ্টি কৰাৰ পাছত সম্প্রতি পলাতক হৈ থকা স্বল্পখ্যাত মডেল-নৃত্যশিল্পী চুমি বৰাক লৈ। বৰাৰ লগতে সন্ধানহীন হৈ আছে স্বল্পখ্যাত ফটোগ্রাফাৰ স্বামী তার্কিক বৰাও। আৰক্ষীয়ে ইতিমধ্যে তার্কিকৰ মহানগৰীৰ ঘোঁৰামাৰাত থকা বাসগৃহত অভিযান চলাইছে যদিও কোনো শুংসূত্র পোৱা নই। তেন্তে দুয়োজন গ’ল কলে? অথচ পৰহি পুৱাৰে পৰা সন্ধানহীন হোৱা চুমি- তার্কিকক আৰক্ষীয়ে বিচাৰি পোৱাটো কঠিন বিষয় নাছিল। নিশা পর্যন্ত তার্কিকা ম’বাইল ফোন অন আছিন। বন্ধুশিল্পী দীক্ষু শর্মাই সদৰি কৰে যে যোৱা নিশা ১২ বজালৈ তেওঁলোকৰ ঘৰত থকাৰ সময়ত তার্কিকৰ ম’বাইল ফোনত মহানগৰীৰ বশিষ্ঠ আৰক্ষী থানাৰ ভাৰপ্ৰাপ্ত বিষয়াই ফোন কৰিছিল। তার্কিকে এই কলটো গ্রহণ কৰা নাছিল।
অৱশ্যে কিছু সময়ৰ পাছত তার্কিকে সেই ফোন নম্বৰটোত ফোন কৰে যদিও সেই ফালৰ পৰা বিচিভ হোৱা নাছিল। এই কথাও দীক্ষুৱে সদৰি কৰিছে। চুমি আৰু তার্কিকক আৰক্ষীয়ে পৰহি আগবেলাৰ পৰাই বিচাৰি আছিল। পাতি লোৱা ভায়েক বুলি বিশালৰ লগত সম্পর্ক সদৰী কৰা চুমিও অবৈধ ট্রেডিঙত জড়িত থকাৰ তথ্য আৰক্ষীয়ে পাইছে। ভূমিৰ লগতে অবৈধ ব্যৱসায়ঢোত বিশালৰ সম্পৰ্কৰ তথ্যও উদ্ধাৰ হৈছে। এনে ক্ষেত্রত পুৱাৰ পৰা বিচাৰি থকা দুয়োজনৰ সন্ধান দিব পৰা তার্কিকৰ ম’বাইল ফোনটো নিশা পর্যন্ত খোলা আছিল।
নিশা প্রয় ১১ বজাৰ পাছতহে ফোনটো বন্ধ হৈছিল। তাৰ পাছত বন্ধ হোৱা ফোনটো লৈ ক’ৰ বতাহত মিলি গ’ল চুমি আৰু তার্কিক। তাৰ মানে ক’ৰবাত ৰক্ষণাবেক্ষণ দিয় হৈছে নেকি দুয়োজনক ? অভিযোগ অনুসৰি এই অবৈধ অনলাইন ট্রেডিঙত জড়িত আছে ক’লা টকা বগা কৰা বহু কেই’ গৰাকী বহু প্রভাৱশালী ব্যক্তি। এই ক্ষেত্ৰত ৰাজনীতিক, উচ্চপদস্থ আৰক্ষী, চিকিৎসককে আদি কৰি বিভিন্ন ক্ষেত্রৰলোক ইয়াত জড়িত তাছে। লক্ষ্যণীয়ভাবে এই পর্যন্ত কোনেও আগবাঢ়ি আহি কোৱা নাই যে তেওঁলোকৰ ধন আত্মসাৎ কৰা হ’ল চুমি-বিশালৰ অবৈধ ট্রেডিঙৰ জৰিয়তে। এই কথাই প্রতীয়মান কৰে যে বিনিয়োগ কল ধন আছিল ক’লা।
কলা ধনৰ পাহাৰ গঢ়ি তাক বগা কৰাৰ তৎপৰতাৰ বাবেহ এই ব্যৱসায়ত বিনিয়োগ হৈছে কোটি কোটি টকা। সেইবাবেই ঘটনাই গুৰুতৰ ৰূপ পোৱা সত্ত্বেও মুকলিকৈ ওলাই অহা বিনিয়োগকাৰীৰ অভাৱ ঘটিছে। যিসকলে নিজৰ কথা ক’বলৈ ওলাই আহিছে সেইসকল অধিক লাভৰ প্রলোভনত পৰি কম কম পৰিমাণৰ ধন বিনিয়োগ কৰাহে লোক। অথচ শশ কোটি টকা মাত্র দুই-তিনিজন দালালে চলোৱা ব্যৱসায়তে বিনিয়োগ হৈছে। বিশাল ফুকন জালত পৰিলেও পৰৱৰ্তী পর্যায়টোত নাই চকুত পৰা নাই কোনো উল্লেখযোগ্য অগ্ৰগতি ৷
#বিশালৰ পৰ্বতসম সম্পত্তিৰ অংশীদাৰ আছিল চুমি ,স্বামী তাৰ্কিক বৰা ,ভাতৃ-বৌয়েক:
ডিব্ৰুগড়ৰ এটা সাধাৰণ পৰিয়ালৰ পৰা অহা চুমি কি আলাউদ্দিনৰ চাকিৰ বলতে গুৱাহাটীৰ প্ৰতিষ্ঠিত শিল্পীকো চেৰ পেলাই কোটি কোটি টকাৰ মালিক হৈ পৰিল ৷ ইতিমধ্যে বিশাল ফুকন আৰক্ষীৰ জালত পৰাৰ পিছত চুমিৰ সম্পত্তিৰ তথ্য লাভ কৰিছে আৰক্ষী ৷ গুৱাহাটীৰ কোনো এগৰাকী জনপ্ৰিয় চেলিব্ৰিটিয়ে বিবাহত আজিলৈকে ব্যয় নকৰা ধন এইগৰাকী স্বল্পখ্যাত অভিনেত্ৰী- কৰিঅ’গাফাৰে ৰাজস্থানৰ উদয়পুৰত পাতিছিল ৰাজকীয় বিয়া৷ য’ত ব্যয় হৈছে বহুকোটি টকা ৷ পাতি লোৱা ভায়েক মহা প্ৰবঞ্চক বিশাল ফুকনে বায়েক চুমিৰ বিয়াত পানীৰ দৰে অৰ্থ ব্যয় কৰিছিল ৷ চুমি বৰাৰ ডেষ্টিনেচন ৱেডিঙত বিল দিয়া হৈছিল তিনি কোটি টকা৷ ডেৰকোটি টকীয়া হীৰাৰ নেকলেছ , গুৱাহাটী সহ ৰাজ্য ভিন্ন প্ৰান্তৰ পৰা উদয়পুৰলৈ অহা- যোৱা কৰা লোকৰ বিমান বিল প্ৰায় ৩৫ লাখ দিছিল বিশালে ৷
আনহাতে ডিব্ৰুগড় আৰক্ষীৰ হাতত পৰা ধন বিনিয়োগকাৰীৰ এখন হাই প্ৰফাইল লোকৰ তালিকা হাতত পৰিছে ৷যিখন তালিকাত আছে অসমীয়া চলচ্চিত্ৰ আৰু সাংস্কৃতিক ক্ষেত্ৰৰ বহু কেইগৰাকী চেলিব্ৰিটি লোকৰ নাম ৷ তদন্তৰ খাতিৰত এতিয়ালৈকে নাম প্রকাশ কৰাৰ পৰা বিৰত আছে ডিব্ৰুগড় আৰক্ষীয়ে।
বিশালে তেওঁ ট্ৰেডিঙত ধন বিনিয়োগ কৰিবৰ বাবে বায়েক চুমিৰ জৰিয়তে অসমীয়া চিনেমা আৰু সাংস্কৃতিক জগতৰ লোক সকলক বিনিয়োগ কৰাইছিল৷চুমিয়ে সংগ্ৰহ কৰা বিনিয়োগকাৰীয়ে বিশাল ওচৰত বিনিয়োগ কৰাৰ ধনৰ ১৫ শতাংশ কমিছন প্ৰদান কৰিছিল। বিশাল ফুকনে চুমি বৰাক প্ৰদান কৰিছিল এই কমিছন।
আনকি পাছেলিয়া নামৰ কোম্পানীৰ জৰিয়তে ক’লা ধন বগা কৰাৰ চেষ্টা কৰিছিল বিশাল ফুকনে। তাৎপৰ্যপূৰ্ণভাৱে চুমিৰ ককায়েক ৰাজীৱ বৰা এই কোম্পানীটোৰ পৰিচালন সঞ্চালক আৰু বৌৱেক জংক মিলি সঞ্চালক৷ এই কোম্পানীটোৰ মালিক আছিল বিশাল।
একেদৰে বিশাল ফুকনে চুমি বৰাৰ স্বামী তার্কিক বৰাৰ নামত উজনিত বহু মাটি ক্ৰয় কৰাৰ লগতে শিৱসাগৰত কিনিছিল দুখন চাহ বাগিচা৷ ইয়াত বিনিয়োগ কৰিছিল কে’বা কোটি টকা৷ এই তথ্যও লাভ কৰিছে ডিব্ৰুগড় আৰক্ষীয়ে৷ বায়েক চুমি বৰাক লৈ প্ৰায়ে গুৱাহাটী মহানগৰীৰ তাৰকাযুক্ত হোটেল ৰেডিশ্বন ব্লু,ভিভান্টা সহ প্ৰায়ে বিলাসী পাৰ্টি অনুষ্ঠিত হয় ৷য’ত অংশ লৈছিল মহানগৰীৰ একাংশ সাংস্কৃতিক- চিনেমা জগতৰ শিল্পী – অভিনেত্ৰী,কলা- কুশলি৷ তেওঁলোকক উপহাৰ স্বৰূপে দিয়া হৈছিল বিলাসী সামগ্ৰী ।
মহা প্ৰৱঞ্চকৰ বিশাল ফুকনৰ বিশাল সাম্ৰাজ্যৰ অন্যতম সংগী চুমি বৰাক থানাত হাজিৰ হোৱাৰ বাবে চমন জাৰি কৰিছে ডিব্ৰুগড় আৰক্ষীৰ ৷ ইয়াৰ প্ৰতিলিপি গুৱাহাটী মহানগৰৰ আৰক্ষীকো দিছে ডিব্ৰুগড় আৰক্ষীয়ে । ইয়াৰ পাছতে আজি দুদিন ধৰি গুৱাহাটী আৰক্ষীয়ে অভিযান তীব্ৰতৰ কৰি তুলিছে ৷ বুধবাৰে জনপ্ৰিয় কন্ঠশিল্পী দীক্ষু শৰ্মাৰ ঘৰত থকাৰ সম্ভেদ লাভ কৰি ঘৰত উপস্থিত হৈছিল আৰক্ষী ৷ কিন্ত শিল্পী গৰাকীয়ে জনোৱা মতে পৰহি তেওঁ ঘৰলৈ অহাটো সঁচা কিন্ত কিছুসময় থাকি উভতি গৈছিল ৷ এই সন্দৰ্ভত তেওঁৰ ঘৰত থকা চিচিটিভি পৰিক্ষণ কৰিছিল ।
ইফালে বৃহস্পতিবাৰে বিশেষ সূত্ৰৰ পমখেদি গুৱাহাটীৰ নুনুমাটি আৰক্ষীয়ে পুৱাৰে পৰা পাথৰকোঁৱেৰিৰ আইভেল হিউভিউ এপাৰ্টমেণ্টত অভিযান অব্যাহত ৰাখে ৷ আনহাতে চুমি বৰাৰ ককায়েক ৰাজীৱ বৰা আৰু জংকি মিলিক থানালৈ তলব কৰিছিল যদিও তেওঁলোক দুয়ো আত্মগোপন হৈ থকাত ডিব্ৰুগড় আৰক্ষীয়ে ৱান্টেড ঘোষণা কৰিছে দুয়োকে ৷
# মহা প্ৰৱঞ্চক বিশাল ফুকনৰ সাম্ৰাজ্য খন:
ডিব্ৰুগড় আৰক্ষীয়ে ধৃত বিশাল ফুকনক মাৰাথন জেৰাত যিবোৰ তথ্য সদৰি কৰিছে সেয়া শুনি আৰক্ষী বিচ্যুতি খাইছে । মহাথগী বিশাল ফুকনৰ ৭০০ কোটি টকাৰ বেংক লেনদেনৰ তথ্যৰ সম্ভেদ লাভ কৰিছে আৰক্ষীয়ে। আনকি বিদেশী ৰাষ্ট্ৰ থাইলেণ্ডৰ ৰাজধানী বেংককৰ এটা প্ৰতিষ্ঠিত বেংকত কে’বাটাও একাউণ্টৰ তথ্যও লাভ কৰিছে আৰক্ষীয়ে ।
আনহাতে বিশালে ডিব্ৰুগড়ত থকা তিনিটা বেংক ক্ৰমে এছবিআইত এটা ,এইছডিএফচিত চাৰিটা আৰু এক্সিছ বেংকত এটা একাউণ্টত প্ৰায় ৬০ কোটি থকাৰ লেনদেন কৰাৰ তথ্যই সংগ্ৰহ কৰিছে ৷ ডিব্ৰুগড় আৰক্ষীয়ে লাভ কৰা তথ্যানুসৰি ছত্তিশগড়,ওড়িশা আৰু কেৰালাৰ বহু কেইজন প্ৰতিষ্ঠিত ব্যৱসায়ীয়ে বিশাল ফুকনৰ ট্ৰেডিঙত ধন বিনিয়োগ কৰিছিল ৷
উল্লেখ্য যে ,ডিব্ৰুগড় আৰক্ষীয়ে বিশালক গ্ৰেপ্তাৰ কৰাৰ সময়ত তেওঁৰ ফ্লেটৰ পৰা প্ৰায় ১০০০০ ডিৰহাম সহ মালয়েছিয়া আৰু থাই টকাও উদ্ধাৰ কৰিছিল ৷ এনেক্ষেত্ৰত অবৈধ মুদ্ৰা আৰু মজুত আৰু বিনিয়োগৰ সন্দৰ্ভত ফেমা আইনত অধীনত ৰজু হ’ব পাৰে গোচৰ ৷
মনকৰিবলগীয়া যে , চেবীৰ নিয়ম অমান্য কৰি গৈছিল বিশাল ৷ এই কথাও তেওঁ জানিছিল যে,তেওঁ কৰি যোৱা কাম আইন বিৰুদ্ধ। যাৰবাবে কোনো দিনে চেবিৰ কাষ চপা নাছিল ৷ উল্লেখযোগ্য চলিতবৰ্ষৰ ৩১ মাৰ্চৰ আগতে বিশালৰ একাউণ্ট প্ৰায় ৮০ কোটি থকাৰ সম্ভেদ লাভ কৰি তেওঁক তলব কৰিছিল আয়কৰ বিভাগে ৷ কিন্ত ৰহস্যজনক ভাৱে আয়কৰ বিভাগৰ জাননীৰ প্ৰতি কোনো কেৰেপেই নকৰিলে।
সোৱে- বাওঁৱে প্ৰায় ২০০০ কোটি লুণ্ঠন কৰা বিশাল ফুকনক গ্ৰেপ্তাৰ কৰাৰ পিছত ডিব্ৰুগড় আৰক্ষীয়ে এতিয়া নামি পৰিছে বিশালৰ এন্ধাৰ সাম্ৰাজ্যৰ হাই প্ৰফাইল বিনিয়োগকাৰীৰ তথ্য সংগ্ৰহ অভিযানত ৷ একেদৰে গুৱাহাটী আৰক্ষীও অভিযান অব্যাহত ৰাখিছে চুমি বৰা আৰু তেওঁৰ স্বামী তাৰ্কিক বৰাৰ সন্ধানত ।
