দক্ষিণ এছিয়াৰ প্ৰথম সমলিংগ বিবাহত স্বীকৃতি থাইলেণ্ডৰ
দক্ষিণ এছিয়াত প্ৰথম সমলিংগ বিবাহৰ আইনী স্বীকৃতি। ইতিহাস ৰচনা হ’ল থাইলেণ্ডত । ইয়াৰ পাছতে বৃহস্পতিবাৰে দেশত বহু সমলিংগ দম্পতী আবদ্ধ হয় বিবাহপাশত ।
দেশখনৰ ‘বেংকক প্ৰাইড’ নামৰ সংবাদ মাধ্যমৰ সূত্ৰৰ মতে, তেওঁলোকৰ স’তে স্থানীয় প্ৰশাসনৰ যৌথ আয়োজনত দুশৰো অধিক দম্পতী বিবাহপাশত আবদ্ধ হয় ।
দীৰ্ঘদিনীয়া আন্দোলনৰ অন্তত ব্যক্তিগত সমলিংগ বিবাহ আইন আইনত পৰিণত হয়। ভাৰতৰ দৰেই সেই দেশৰ মূল প্ৰশ্নটো আছিল সমলিংগ বিবাহক সাধাৰণ জনতাই কেনেকৈ গ্ৰহণ কৰিব।
ইয়াৰ মাজতে যোৱা জুন মাহত থাইলেণ্ডৰ চিনেটে সমকামী বিবাহক বৈধতা প্ৰদান কৰে। চিনেটৰ ১৫২ জন সদস্যৰ ভিতৰত ১৩০ জনে বিবাহৰ এক পৃথক প্ৰকাৰৰ সপক্ষে ভোট দিছিল আৰু চাৰিজনে বিৰোধিতা কৰিছিল আৰু ইয়াৰ বিপৰীতে ১৮ জন সদস্যই ভোটত অংশগ্ৰহণ কৰা নাছিল।
ইয়াৰ পাছত ৰজা মহা ভাজিৰালোংকৰ্ণৰ স্বাক্ষৰ। অৱশেষত ইয়াক সম্পূৰ্ণৰূপে স্বীকৃতি দিয়া হয় । বিবাহ সম্পৰ্কীয় এই ঐতিহাসিক বিধেয়কখনত উল্লেখ কৰা হয় যে এজন ব্যক্তিয়ে যিকোনো লিংগৰ ব্যক্তিক বিয়া কৰাব পাৰে।
তেওঁলোকক ইয়াৰ বাবে কোনো অধিকাৰৰ পৰা বঞ্চিত কৰা নহয় ।অৱশ্যে, স্বামী- স্ত্ৰী বুলি কাকো চিনাক্ত কৰা নহয় ।
ইয়াৰ পৰিৱৰ্তে, ইয়াক ‘বিবাহ সঙ্গী’ বা ‘বিবাহিত সঙ্গী’ বুলি কোৱা হ’ব। আনহাতে, বিবাহৰ ক্ষেত্ৰত, পুৰুষ বা মহিলা নহয়, ইন্দিভিযুৱেল বা স্বতন্ত্ৰ ব্যক্তি বুলি কোৱা হ’ব।
এই স্বীকৃতিক “ঐতিহাসিক” বুলি মন্তব্য থাইলেণ্ডৰ প্ৰধানমন্ত্ৰী পাইটংটাৰ্ণ চিনাৱাট্ৰাইৰ। তেওঁ কয়, “এই আইনে লিংগ বৈচিত্ৰ্যৰ বিষয়ে এক বৃহত্তৰ জনসজাগতা আৰম্ভ কৰিব। যৌন সঙ্গী বাছনি, জাতি, ধৰ্ম নিৰ্বিশেষে, আমি সকলোকে গ্ৰহণ কৰোঁ। সকলোৱে সমান অধিকাৰ আৰু সমান মৰ্যাদাৰ যোগ্য। ”
