Kutumba Suraksha Parishad:
ৰাজ্য প্ৰশাসনৰ প্ৰাণকেন্দ্ৰ অসম সচিবালয়ৰ সমীপতে ভূমি দখলৰ চেষ্টা এজন ভু- মাফিয়াৰ ৷ ভুৱা পৰিচয়ৰে ভূমি আৰু চৰকাৰী ধন আত্মসাতৰ অভিযোগ কৰিছে কুটুম্ব সুৰক্ষা পৰিষদৰ ৷
এই সন্দৰ্ভত পৰিষদৰ সভাপতি সত্য ৰঞ্জন বৰাই এক বিবৃতিত উল্লেখ কৰি কয় যে,অতি দুখ আৰু পৰিতাপৰ কথা যে অসমৰ মুখ্যমন্ত্ৰী ড:হিমন্ত বিশ্ব শৰ্মাই প্ৰতিটো ক্ষেত্ৰতে দুৰ্নীতি নিৰ্মূল কৰাৰ কথা কৈ অহাৰ সময়তে গুৱাহাটীৰ অসম সচিবালয়ৰ সমিপতে বিভিন্ন নামেৰে এজন লোকে ভূমি বেদখলৰ পৰা আৰম্ভ কৰি চৰকাৰী ধন আত্মসাৎ কৰাৰ ওপৰিও লাভ জেহাদৰ দৰে নানান ধৰণৰ অপ-কৰ্ম কৰি আহিছে।
আনকি এই সংক্ৰান্তত কুটুম্ব সুৰক্ষা পৰিষদক ভূক্তভোগী বিভিন্ন জনে অভিযোগ দাখিল কৰাত আমি কেইবামাহৰ পৰা মুকুট আলি ওৰফে মুস্তাফা আহমেদ ওৰফে মুকুট হাজৰিকা নামৰ মানুহৰ আচল পৰিচয় বিচাৰি কেইবাবাৰো তেখেতক লগ ধৰিবলৈ চেষ্টা কৰি আছিলোঁ। কিন্তু, কোনোদিনে সঁচাৰ সন্মুখীন হ’বলৈ তেওঁৰ সাহস হোৱা নাছিল।
অৱশেষত মঙলবাৰে দিছপুৰ আৰক্ষী থানাৰ ভাৰপ্ৰাপ্ত আৰক্ষী বিষয়াৰ উপস্থিতিত পৰিষদৰ কেন্দ্ৰীয় সভাপতি সত্য ৰঞ্জন বৰাৰ নেতৃত্বত এটি দলে মুকুট আলিওৰফে মুকুট মুস্তাক আহমেদ ওৰফে মুকুট আহমেদ ওৰফে মুকুট হাজৰিকা নামৰ বহুৰূপীলোকজনক বিচাৰি তেওঁৰ পাঞ্জাবাৰীত থকা ব্যৱসায়িক প্ৰতিষ্ঠানত উপস্থিত হয় যদিও তেওঁ তাৰ আগতেই তাৰ পৰা পলায়ণ কৰে।
কুটুম্ব সুৰক্ষা পৰিষদৰ সভাপতি গৰাকীয়ে বিবৃতিটোত আৰু কয় যে,মুকুট আলি ওৰফে মুকুট মুস্তাক আহমেদ ওৰফে মুকুট আহমেদ ওৰফে মুকুট হাজৰিকাই সমাজত নিজা পৰিচয় লুকুৱাই অবৈধ ভাবে হিন্দু-অসমীয়া নাম লৈ সমাজক নষ্ট কৰিছে। অসমীয়া পৰিচয় আৰু ভাৰতীয় সংবিধান বিৰোধী কাম কৰিছে। আমি জানো যে অসমৰ একাংশ মুছলমান লোকে অসমীয়া উপাধি লেখে। নতুবা তেওঁ যদি সনাতন ধৰ্ম গ্ৰহণ কৰিছে; তেতিয়াও তেওঁ নিজৰ পৰিচয় সলনি কৰিব পাৰে। কিন্তু, এই দুয়োটা তেওঁৰ ক্ষেত্ৰত প্ৰযোজ্য নহয় বুলি ইতিমধ্যেই আমি স্পষ্ট হৈছোঁ।
গতিকে, এইক্ষেত্ৰত তেওঁ চূড়ান্ত অপৰাধ কৰিছে আৰু সমাজ বিৰোধী কাম কৰিছে। আনকি তেওঁ নিজৰ ল’ৰা দুটাৰ নামৰ পিছতো উপাধি হাজৰিকা সংযোজন কৰিছে ৷ গতিকে, এনে কৰ্ম-কাণ্ডই অসমীয়া সমাজৰ স্বকীয়তা আৰু বৈশিষ্ট মলিয়ন কৰি পেলাইছে। ভাৰতীয় সংবিধানৰ অনুচ্ছেদ ৫১ (ক) য়ে আমাক প্ৰদান কৰা সাংবিধানিক দায়িত্বৰ আধাৰত আমি এই বিষয়টো ৰাইজৰ আগত তুলি ধৰিছো।
তদুপৰি, ‘হাজৰিকা’ উপাধি সাধাৰণতে আমাৰ সমাজৰ জনজাতি লোক সকলৰহে পৰিচয়। কিন্তু, এগৰাকী মুছলমান হৈ কোনো বৈধ legacy তথা ধৰ্মান্তৰিত নোহোৱাকৈ তেওঁ নিজৰ নাম মুকুট হাজৰিকা বুলি লেখিছে; সেয়া এক চূড়ান্ত অপৰাধ কৰিছে আৰু ভাৰতীয়-অসমীয়া সংস্কৃতি আৰু সভ্যতাৰ বুকুত চৰম আঘাট কৰিছে। তেওঁৰ এনে আচৰণ আৰু অবৈধ পৰিচয়ৰ আঁৰত ইছলামিক জেহাদি শক্তিৰ হাত থকাৰ সন্দেহ হৈছে। কাৰণ, এই মানুহ জনৰ বিৰুদ্ধে অবৈধ ভাবে বিভিন্ন লোকৰ ভূমি বেদখল কৰাৰো তথ্য-প্ৰমাণ আমাৰ হাতত উপলব্ধ হৈ আছে। তথ্যমতে, City Furniture House থকা ঘৰটোও সেই ছদ্মবেশীজনে অবৈধ ভাবে দখল কৰি ৰাখিছে।
বৰাই লগতে কয়,এই বিষয়বোৰ ৰাইজে জনাটো উচিত আৰু এইধৰণৰ ছদ্মবেশী অপৰাধী বোৰক প্ৰশাসনে অতি সোনকালে গ্ৰেপ্তাৰ কৰি বিহীত ব্যৱস্থা গ্ৰহণ কৰিব লাগে। সেয়েহে, ঘটনা স্থলীত উপস্থিত থকা দিশপুৰ আৰক্ষী থানা ভাৰপ্ৰাপ্ত বিষয়া গৰাকীৰ হাতত সেই স্থানতে আমি এখনি এজাহাৰ দাখিল কৰা হৈছে। যদি অনতিপলমে এই বিষয়ত কঠোৰ শাস্তি প্ৰদান কৰা নহয়, তেনেহ’লে আমি আমাৰ ধৰণে পদক্ষেপ গ্ৰহণ কৰিবলৈ বাধ্য হ’ম বুলি সকীয়াই দিয়ে ৷