Abhi -neel Case:
সুদীর্ঘ সাতটা বছৰে আদালতত বিচাৰ প্রক্রিয়া চলি থকা অভি-নীল হত্যাকাণ্ডৰ গোচৰৰ বিচাৰ প্ৰক্ৰিয়া অন্তিম পর্যায়ত উপনীত হৈছে। সোমবাৰে গুচৰটোৰ গোচৰীয়া পক্ষৰ চূড়ান্ত যুক্তি-তর্কৰ শুনানিৰ অন্ত পৰে। অহা ২৬ আৰু ২৭ফেব্ৰুৱাৰীত আচামী পক্ষৰ যুক্তি- তর্ক আৰম্ভ হ’ব। আচামী পক্ষৰ যুক্তি-তর্ক অন্ত পৰাৰ পাছত অহা মাৰ্চৰ ভিতৰতে গোচৰটোৰ ৰায় দানৰ সম্ভাৱনা প্ৰকট হৈ পৰিছে। নগাঁও আদালতত গুচৰীয়া পক্ষৰ হৈ সবল যুক্তি আগবঢ়াই গুৱাহাটী উচ্চ ন্যায়ালয়ৰ জ্যেষ্ঠ অধিবক্তা বিজন মহাজনে।
শুনানিত গোচৰটোৰ চৰকাৰী অধিবক্তা জিয়াউৰ কামাৰ, প্ৰয়াত বাবে অহা ২৬ আৰু ২৭ ফেব্ৰুৱাৰীত দুটা দিন ধার্য কৰিছে। তেওঁলোকে যুক্তিতর্ক আৰম্ভ কৰিব। তাৰ পাছত গোচৰটো ৰায়দানৰ ফালে ধারমান হ’ব।’জ্যেষ্ঠ অধিবক্তা মহাজনে আৰ কয়,’বহু কেইজন সাক্ষীয়ে গোচৰটোত সাক্ষী প্রদান কৰিছিল। অকল পুলিচৰ আগতে নহয়, বিচাৰপতিৰ আগতো তাহানিৰ চিআৰপিচি ১৬৪ ধাৰাত বহু কেইজন সাক্ষীয়ে
সাক্ষ্য দিছিল। জঘন্য ঘটনাটোৰ লগত জড়িতসকলৰ নাম প্রকাশ কৰিছিল। এই সাক্ষীসকলৰ কেইজনমানে দূর্ভাগ্যজনকভাবে বিভিন্ন কাৰণত আদালতৰ মজিয়াত
সেই ভাষ্য সলনি কৰে। এই সন্দর্ভত আমি উচ্চতম ন্যায়ালয়ৰ বিভিন্ন গোচৰৰ উদ্ধৃতিবে আদালতত এই কথা ব্যক্ত কবো যে দণ্ডাধীশৰ আগত দিয়া ভাষ্য পাহত
সলনি কৰাতো বিধি সম্মত নহয়। সেই কাৰণে ১৬৪ত যিসকলৰ নাম ব্যক্ত কৰিছিল সেইসকলক দোষীৰ কাঠগড়াৰ পৰা শাস্তিৰ ফালে ঠেলি দিব পৰা হয়। এই যুক্তি অসম চৰকাৰৰ অধিবক্তা আৰু আমিও আদালতত পেছ কৰিছো। আমি আদালতৰ ওপৰত আশাবাদী। যিসকলে এই জঘন্যতম ঘটনাটো সংঘটিত কৰিছিল তেওঁ লোকে কঠোৰতকৈ কঠোৰতম শাস্তি পাব।’
ইপিনে, আদালত চৌহদত নিলোৎপল দাসৰ দুৰ্ভগীয়া পিতৃ গোপাল চন্দ্র দাসে আজি সাংবাদিকৰ আগত কয়, ‘আমি আশাবাদী। আমাৰ গোচৰৰ চৰকাৰী অধিবক্তা জিয়াউৰ কামাৰ আৰু আজি আমাৰ হৈ আদালতত সৱল যুক্তি ডাঙি ধৰা গুৱাহাটী উচ্চন্যায়ালয়ৰ জ্যেষ্ঠ অধিবক্তা বিজন মহাজনে আদালতত যি সৱৰ যুক্তি দাঙি ধৰিছে তাত আমি সন্তুষ্ট। আমি আশাবাদী, আদালতে আচামীক দোষী সাব্যস্ত কৰি এক দৃষ্টান্তমূলক শাস্তি প্রদান কৰিব। এই জঘন্যতম হত্যাকাণ্ডৰ লগত জড়িতসকলক মৃত্যু দণ্ড দিয়াটো আমি বিচাৰো।
ভুক্তভোগী অভিজিত নাথৰ দুৰ্ভগীয়া পিতৃ অজিত নাথে সাংবাদিকৰ আগত কয়, ‘মাৰ্চৰ ভিতৰতে হয়তো শুনানি সম্পূর্ণ হ’ব। হয়তো মাৰ্চৰ ভিতৰতে গোচৰটোৰ ৰায়দান দিব, আমি আশাবাদী। ন্যায়ৰ বাবে আমি আশা লৈ আছো। এই আশা পূৰণ হ’ব বুলি আশাবাদী। আমি দোষীৰ মৃত্যুদণ্ড হোৱাটোৱেই বিচাৰো।’
উল্লেখ্য যে সমগ্ৰ ৰাজ্য তথা দেশ কঁপোৱা অভি-নীল হত্যাকাণ্ডই ইতিমধ্যে সুদীর্ঘ সাত বছৰ অতিক্ৰম কৰিছে। সভ্য সমাজক লজ্জানত কৰি আৰু দেশৰ প্ৰচলিত আইন ব্যৱস্থাক উপহাঁস কৰি বিগত ২০১৮ৰ আঠ জুনত কাৰ্বিআংলং জিলাৰ ডকমকা আৰক্ষী থানাৰ অন্তৰ্গত পাণজুৰি গাঁৱত এদল উন্মত্ত লোকে মৰিয়াই মৰিয়াই অতি নৃশংসভাবে হত্যা কৰিছিল গুৱাহাটীৰ দুই প্রকৃতিপ্রেমী তেজাল যুৱক নিলোৎপল দাস আৰু অভিজিৎ নাথক।
ভুক্তভোগী পৰিয়ালে ন্যায়ৰ আশাত সুদীর্ঘ সাত বছৰ অপেক্ষা কৰাৰ পাছত অৱশেষত যেন ন্যায় প্রাপ্তিৰ ক্ষণ সমাগত হৈছে। কিয়নো নগাঁও আদালতত সুদীর্ঘ দিন বিচাৰ প্রক্রিয়া চলি থকা অভি-নীল হত্যাকাণ্ডৰ গোচৰৰ চূড়ান্ত যুক্তিতৰ্কৰ শুনানি সম্পূৰ্ণ হোৱাৰ পথত। সেয়েহে শীঘ্রেই গোচৰটোৰ বহু প্রতীক্ষিত ৰায়দানৰ সম্ভাৱনা অধিক প্রকট হৈ পৰিছে। উল্লেখ্য যে অভি-নীল হত্যাকাণ্ডৰ ঘটনাৰ মুঠ ৪৫ জন অভিযুক্ত। আনহাতে, ১২ জন আছিল চাক্ষুস সাক্ষী।
ইয়াৰে পাঁচজনে সত্যতা স্বীকাৰ কৰাৰ বিপৰীতে অন্য সাতজনে সত্যতা স্বীকাৰ নকৰি গোচৰ প্ৰক্ৰিয়া লেহেমীয়া কৰি তুলিছিল। যাৰ ফলশ্ৰুতিত আদালতে ক্ৰছ একজামিনেছনৰ নিৰ্দেশো প্রদান কৰিছিল। প্ৰথম অৱস্থাত ডিফু আদালতত এই গোচৰৰ বিচাৰ প্রক্রিয়া চলিছিল যদিও অভি-নীলৰ পৰিয়ালৰ লেখ আবেদনৰ ভিত্তিত নগাঁৱৰ জিলাও সত্ৰ ন্যায়ধীশৰ আদালতলৈ গোচৰটো স্থানান্তৰ কৰা হৈছিল। বর্তমান নগাঁৱৰ সত্ৰ ন্যায়ধীশৰ আদালতত গোচৰটোৰ বিচাৰ প্ৰক্ৰিয়া চলি আছে ৷
