Seminar On Gas Market Development For Domestic And Pipeline Cannectivity To NE For Acces:
ভাৰতৰ প্ৰথমটো স্বয়ংক্রিয় ৰাষ্ট্ৰীয় পৰ্যায়ৰ গেছ বিনিময় প্রতিষ্ঠান ‘ইণ্ডিয়ান গেছ এক্সেজে (আইজিএক্স) ৰ উদ্যোগত ‘উত্তৰ পূৰ্বাঞ্চলৰ বাবে গেছৰ বজাৰ উন্নয়ন’ বিষয়ক এক আলোচনা চক্র মহানগৰীৰ হোটেল বিভান্তাত অনুষ্ঠিত হয় ৷ আলোচনা চক্ৰত শক্তিখণ্ডৰ সৈতে জড়িত উৎপাদক আৰু অংশীদাৰসকলে অংশগ্ৰহণ কৰে।
এই উপলতে ভাষণ আগবঢ়াই ইন্ডিয়ান গেছ এক্সচেঞ্জ (আইজিএক্স) ৰ পৰিচালন সঞ্চালক তথা মুখ্য কার্যবাহী বিষয়া ৰাজেশ কে মেডিৰাষ্ট্ৰাই কয়, ‘প্রাকৃতিক গেছ উৎপাদনৰ ক্ষেত্ৰত উত্তৰ-পূৰ্বাঞ্চলত বহু সম্ভাৱনা নিহিত হৈ আছে। নর্থ-ইষ্ট গেছ গ্রীডৰ কামো পৰিকল্পনা অনুযায়ী অব্যাহত আছে আৰু ২০২৬ চনৰ ভিতৰত ইয়াৰ কাম সম্পূর্ণ হোৱাৰ সম্ভাৱনা আছে। এই পাইপলাইন ব্যৱস্থাৰ দ্বাৰা অঞ্চলটোৰ ৬ মিলিয়ন এমএমএছচিএমডি প্রাকৃতিক গেছৰ সঞ্চয় মুকলি কৰা হ’ব। ইয়াৰ জৰিয়তে দেশৰ শক্তি খণ্ডৰ সুৰক্ষা নিশ্চিত হ’ব আৰু আইফিএক্সে উৎপাদকসকলক প্রকৃতিক গেছ বিক্ৰী কৰিবলৈ সহায় কৰিব।”
ভাৰতৰ শক্তি সুৰক্ষাৰ ক্ষেত্ৰত তেখেতে অসম তথা উত্তৰ-পূৰ্বাঞ্চলৰ প্ৰাকৃতিক গেছৰ ভূমিকাৰ বিষয়ে আলোকপাত কৰি কয়, সমৃদ্ধিশালী উত্তৰ-পূৰ্বাঞ্চলৰ প্ৰাকৃতিক গেছ অন্বেষণৰ দ্বাৰা ভাৰত যথেষ্ট লাভান্বিত হ’ব। ভাৰতে বর্তমান ইয়াৰ ব্যৱহাৰৰ প্ৰায় ৫০% আমদানি কৰি আছে। প্রযোজনীয় ২০০ এমএমএছচিএমডিৰ মুঠ চাহিদা পূৰণ কৰিবলৈ প্ৰায় ১০০ এমএমএছচিএমডিৰ দৰকাৰ। অঞ্চলটোত কাৰ্যকৰী গেছ পাইপলাইনৰ সৈতে বিদ্যমান পেট্রালিয়াম কোম্পানীবোৰে ৬ এমএমএছচিএমডি উদ্ধাৰ কৰিব পাৰে।
ইয়াৰ ফলত অঞ্চলটোত কর্মসংস্থাপন আৰু বাণিজ্যৰ সুযোগৰ লগতে প্রায় ১৪,০০০ কোটি টকা ৰাহি হ’ব। গেছ নেটৱৰ্কৰ প্ৰৱেশাধিকাৰে প্ৰাকৃতিক গেছত ব্যৱহৃত চিৰমিক আৰু গ্লাছৰ দৰে নতুন উদ্যোগৰ বাবে নতুন দুৱাৰ মুকলি কৰিব। নর্থ-ইষ্ট গেছ গ্রীডৰ সৈতে পুনৰুজীৱিত গেছ বিতৰণ নেটৱর্কে চাহ বাগিচাসমূহলৈ ইয়াৰ যোগান ব্যবস্থা উন্নত কৰিব বুলি আশা কৰা হৈছে; যাৰ ফলত তেওঁলোকে পুনৰ প্ৰাকৃতিক গেছ ব্যৱহাৰৰ প্ৰক্ৰিয়াৰ দিশলৈ অগ্ৰসৰ হ’ব পাৰিব।”
মেডিৰাট্টাই লগতে কয় যে এলপিজিৰ তুলনাত প্রাকৃতিক গেছ সস্তা আৰু পৰিষ্কাৰ বিকল্প আৰু আন অঞ্চলত বিক্রী হোৱা এপিএম গেছৰ ৪০% ৰেহাই মূল্যত অঞ্চলটোৰ গেছ উৎপাদকসকলে গেছ যোগান ধৰি আহিছে। ই ৰাজসাহাৰ্য অবিহনে এলপিজিতকৈ পাইপযুক্ত গেছ সস্তা কৰে। সেয়েহে, ই পৰিয়ালবোৰৰ বাবে গেছলৈ সলনি কৰাত সহায় কৰিছে।
অঞ্চলটোৰ পৰা প্ৰাকৃতিক গেছ ৰস্তুানিৰ বজাৰৰ সম্ভাৱনাৰ কথা উল্লেখ কৰি ৰাজেশ কে মেডিৰাট্টাই কয়, “দেশত প্রাকৃতিক গেছ ব্যৱহাৰ কৰি অহাৰ বাবে বাংলাদেশৰ বজাৰৰ যথেষ্ট সম্ভাৱনা আছে। প্রাকৃতিক গেছ উৎপাদকসকলে নিশ্চিতভাৱে এই পৰিসৰটো সম্ভাৱনাৰে চাব পাৰে। অঞ্চলটো এতিয়া ৰাষ্ট্ৰীয় গেছ গ্লণ্ডীডৰ সৈতে সংযুক্ত হোৱাৰ ফলত দেশৰ আন প্ৰান্তলৈ আইজিএক্সত প্রতিযোগিতামূলক ব্যয়ত অতিৰিক্ত গেছ যোগান ধৰি উত্তৰ-পূবৰ অৰ্থনীতিয়ে উপাৰ্জন কৰাৰ সুযোগ আছে। যিহেতু বিশ্বব্যাপী মূল্য প্রায় ১৩ আমেৰিকান ডলাৰ এমএমবিটিইউ, উত্তৰ-পূবে অঞ্চলটোৰ উৎপাদকসকলৰ বাবে এক বৃহৎ প্রতিযোগিতামূলক অর্থনৈতিক সুযোগ প্রশস্ত কৰিছে।
