গুলেইন-বেৰী চিণ্ড্ৰমত মহাৰাষ্ট্ৰত মৃত আৰু দু’জন !
বিৰল স্নায়ু ৰোগত সংক্রমণ সকলোতকৈ অধিক পুনেত
শুকুৰবাৰে মহাৰাষ্ট্ৰত গুইলেইন-বেৰী চিণ্ড্ৰম (জিবিএছ)ত আক্ৰান্ত হৈ দুজন লোকৰ মৃত্যু ।
এজন পুনেৰ এজন বাসিন্দা। দ্বিতীয়জন পিম্পৰী চিঞ্চৱাডৰ। এই স্নায়ু সমস্যাৰ বাবে এই পৰ্যন্ত মহাৰাষ্ট্ৰত চাৰিজন লোকে প্ৰাণ হেৰুৱাইছে।
প্ৰশাসনৰ মতে, পিম্পৰী চিঞ্চৱাডত এজন ২৬ বছৰীয়া আক্ৰান্তৰ মৃত্যু হয়। জিবিএছ সংক্ৰমণ সকলোতকৈ মহাৰাষ্ট্ৰৰ পুনেত সৰ্বাধিক ।
এতিয়ালৈকে তাত ১৩০ জন আক্ৰান্ত পোৱা গৈছে। ৰাজ্যৰ স্বাস্থ্য বিভাগে যোৱা কিছুদিনৰ পৰা ঘটনা বৃদ্ধিৰ প্ৰতি লক্ষ্য ৰাখি ২৪ জানুৱাৰীত ৰাজ্য স্বাস্থ্য স্বাস্থ্য বিভাগে ২৪ জানুৱাৰীত ৰেপিড ৰেচপন্স টিম (আৰআৰটি) গঠন কৰে ।
গোটটোৰ সদস্যসকলে সতৰ্ক কৰিবলৈ ঘৰে ঘৰে গৈ সকীয়াই দিয়ে । দলটোৱে পুনে পৌৰ নিগমৰ (পিএমচি) অধীনত প্ৰায় ১,৯৪৩ টা ঘৰ পৰিদৰ্শন কৰে।
চিঞ্চৱাৰ পৌৰ নিগমৰ অধীনত, ১,৭৫০ টা ঘৰ নিৰীক্ষণ কৰা হৈছে।
চিকিৎসকে জনোৱা মতে, শিশুৰ লগতে যুৱক-যুৱতীও জিবিএছ ভাইৰাছৰ দ্বাৰা আক্ৰান্ত হ’ব পাৰে।
কিন্তু তেওঁলোকৰ মতে এই সংক্ৰমণ মহামাৰী হোৱাৰ সম্ভাৱনা কম। এই ৰোগত কি হয়? চিকিৎসকে কয় যে জিবিএছ হৈছে এক বিৰল ‘অটোইম্যুন ডিছঅৰ্ডাৰ’।
এই ৰোগত শৰীৰৰ নিজৰ ৰোগ প্ৰতিৰোধ ক্ষমতাই নিজৰ স্নায়ুতন্ত্ৰক আক্ৰমণ কৰে। পুনেৰ কৰ্তৃপক্ষৰ মতে, গুইলেন-বেৰী চিণ্ড্ৰোম ৰোগত আক্ৰান্ত লোকৰ ক্ষেত্ৰত ডায়েৰিয়া, পেটৰ বিষ, জ্বৰ, বমি আদি লক্ষণ দেখা দিয়ে।
এই ৰোগৰ কোনো লক্ষণ দেখা দিলে তৎক্ষণাত চিকিৎসকৰ পৰামৰ্শ লোৱাটো প্ৰয়োজনীয়।
চিকিৎসকসকলে এইটোও জনাই যে এই সংক্ৰমণৰ ফলত পেশীৰ দুৰ্বলতা হয়। হাত আৰু ভৰি জঠৰ হৈ পৰে। কিছুমান লোকৰ উশাহ লোৱাত কষ্ট হ’বলৈ আৰম্ভ হয়।
এই ভাইৰাছে ৰোগীৰ শ্বাস-প্ৰশ্বাসতন্ত্ৰত বাহ সাজে। নাক, ডিঙি, মুখত সংক্ৰমণ হয়। কিছুমানৰ ‘ফেচিয়েল পেৰালিচিছ’ হয়, বহুতৰ ‘ৰেছপিৰটৰি পেৰালিচিছ’ও হয়। ৰোগীক ভেন্টিলেশন পৰ্যন্ত ৰাখিব লগীয়া হয়। কিন্তু সঠিক সময়ত চিকিৎসা আৰম্ভ কৰিলে ৰোগী সম্পূৰ্ণৰূপে সুস্থ হৈ উঠে।
