আফগানিস্তানৰ ৰাজধানী কাবুলত সংঘটিত এক ভয়াৱহ বিস্ফোৰণত প্ৰাণ হেৰুৱাই কমেও ১০ জন লোকে । আহতৰ সংখ্যা ২০ জনৰো অধিক ।
শুক্ৰবাৰে ঘটনাটো সংঘটিত হয় কাবুলৰ খলিফা আগা গুলজান মছজিদত । ৰোজাৰ নামাজ পঢ়িবলৈ আহি মৃত্যু হয় তেওঁলোকৰ। স্থানীয় বাসিন্দাসকলৰ আশংকা , মৃত্যুৰ সংখ্যা আৰু বৃদ্ধি পাব পাৰে।
তালিবান চৰকাৰৰ তৰফৰ এটা জনোৱা হৈছে যে মুঠ ১০ জনলোকৰ মৃত্যুৰ খবৰ পোৱা গৈছে। অৱশ্যে, আৰু কোনো তথ্য পোৱা হোৱা নাই। আহতসকলক উদ্ধাৰ কৰিছে আফগান সুৰক্ষা বাহিনীয়ে ।
এই আক্ৰমণটোৰ বিষয়ে কোনো বিস্তাৰিত তথ্য পোৱা নাই ।কোনো সন্ত্ৰাসবাদী সংগঠনে এই পৰ্যন্ত আক্ৰমণৰ কথা স্বীকাৰ কৰা নাই ।
আন্তৰ্জাতিক সংবাদ মাধ্যমৰ সূত্ৰঅনুসৰি, স্থানীয় লোকে জনাই যে বিস্ফোৰণৰ তীব্ৰতাৰ বাবে মছজিদৰ চাৰিওফালৰ অঞ্চল কঁপি উঠিছিল। তেওঁলোকে জনাই যে তেওঁলোকে নিৰাপত্তাহীনতাত অনুভৱ কৰিছে।
তথ্য অনুসৰি ঘটনাটোৰ পাছত, এম্বুলেন্সখন পাবলৈ যথেষ্ট পলম হৈছে । ঠেক ৰাস্তাৰ কাৰণে গাড়ী প্ৰৱেশ কৰাটো বৰ কঠিন হৈ পৰে।
কেইদিনমান আগতে আফগান ৰাজধানীত এটা বিস্ফোৰণ ঘটিছিল। সেই সময়ত, আফগানিস্তানৰ সংখ্যালঘু চুন্নীসকলৰ অঞ্চলত বিস্ফোৰণ ঘটিছিল। এইটো অভিযোগ কৰা হৈছে যে ঘটনাটোত আইএছআইএছ জড়িত আছে। এইবাৰ ছিয়া অধ্যুষিত অঞ্চলত বিস্ফোৰণ টো সংঘটিত হয়।
