Russian girl wants to marry an Indian man:
সামাজিক মাধ্যমৰ এই যুগত সময়ে সময়ে নানা ধৰণৰ ঘটনা ভাইৰেল হৈ আহিছে । এইবাৰ সামাজিক মাধ্যমত ভাইৰেল হ’ল এগৰাকী ৰাছিয়ান যুৱতীৰ এক প’ষ্ট।
উক্ত ৰুছ যুৱতীয়ে এজন ভাৰতীয় যুৱকৰ সন্ধানত সামাজিক মাধ্যমত প’ষ্ট কৰিছে। ৰুছ যুৱতীয়ে বিয়া কৰাব বিচাৰিছে এজন ভাৰতীয় যুৱকক। ভাইৰেল হোৱা ভিডিঅ’ত আবদ্ধ হোৱা দৃশ্য অনুসৰি ভাৰতীয় পুৰুষক বিয়া কৰাবলৈ বিচাৰি উক্ত যুবতীয়ে হাঁহি মুখৰে একাধিক চৰ্ত আৰোপ কৰে।
যুৱতীগৰাকীয়ে ভিডিঅ’ত এইদৰে ক’লে, ‘মই এজন ভাৰতীয় দৰা বিচাৰিছো। কিন্তু মোৰ কিছুমান চৰ্ত আছে। প্রথমতে ভাৰতীয় যুৱকজনৰ উচ্চতা কমেও ছয় ফুট হ’ব লাগিব। তেওঁৰ চকুৰ ৰং হ’ব লাগিব সেউজ। যুৱকজনে নাচ-গান ভাল পাব লাগিব। তদুপৰি মই বিচৰা ভাৰতীয় যুৱকজন ৰছ প্রেমী হ’ব লাগিব। যুৱকজনে ৰাছিয়াক অন্তৰৰ পৰা ভাল পাব লাগিব। তদুপৰি তেওঁ মোক অন্তৰৰ পৰা ভাল পাব লাগিব।’
গার্ল হোৱাইট ইণ্ডিয়ান নামৰ এক একাউণ্টৰ পৰা সামাজিক মাধ্যম ইনস্টাগ্রামত এই ভিডিঅ’ সম্প্রতি ভাইৰেল হৈছে। ভাইৰেল হোৱা ভিডিঅ’ বর্তমানে ৪১ লাখৰো অধিক লোকে দর্শন কৰিলে। এক লাখৰো অধিক লোকে এই ভিডিঅ’ পছন্দ কৰিছে। কিন্তু যুৱতীয়ে ভাৰতীয় দৰাৰ সন্ধান লাভ কৰিলে নে নাই সেয়া স্পষ্ট হোৱা নাই।
ৰুছ যুৱতীৰ এই ভিডিঅ’ প্রত্যক্ষ কৰি সামাজিক মাধ্যম ব্যৱহাৰকাৰীয়ে এইদৰে মন্তব্য কৰিছে, ‘ৰছ যুৱতীয়ে হয়তো হৃত্বিক ৰোশনক স্বামী হিচাপে বিচাৰিছে।’ আন এজন সামাজিক মাধ্যম ব্যৱহাৰকাৰীয়ে ইনস্টাগ্রামত এইদৰে লিখিলে, ‘ভাৰতীয় মানুহৰ ৰুছ যুৱতীয়ে উল্লেখ কৰা ধৰণৰ সেউজ নেত্র নাই।’