Shooting In South California :
মাৰ্কিন যুক্তৰাষ্ট্ৰৰ দক্ষিণ কেলিফৰ্নিয়াত ভয়ংকৰ ঘটনা ৷ অচিনাক্ত দুৰ্বৃত্তৰ নিৰ্বিচাৰ গুলীচালনাত থিতাতে ঢলি পৰে পাঁচজনকৈ নিৰীহ লোক আৰু আহত হয় ছয়জন ৷
কেলিফৰ্নিয়াৰ দক্ষিণাঞ্চলৰ ট্ৰেবুকো কেনিয়ন অঞ্চলৰ এখন বাৰত বুধবাৰে নিশা হাতত মাৰাণাস্ত্ৰ লৈ এজন বয়োজ্যেষ্ঠ লোক উপস্থিত হৈ নিৰ্বিচাৰ গুলীচালনা কৰে ৷ এই ঘটনাত থিতাতে মৃত্যু হয় পাঁচজনকৈ লোক ৷ আনহাতে গুলীবিদ্ধ ছজনক ততাতৈয়াকৈ স্থানীয় হাস্পতাললৈ প্ৰেৰণ কৰে৷
গুলীচালনা ঘটনা সংঘটিত হোৱাৰ লগে লগে কেলিফৰ্নিয়াৰ স্পেচিয়েল পুলিছ ফৰ্ছ উপস্থিত হৈ আততায়ীজনক আত্মসমৰ্পণ কৰিবলৈ আহ্বান জনায় যদিও ওলোতাই আৰক্ষীলৈ গুলীবৰ্ষণ কৰাত আৰক্ষীয়ে গুলীৰে প্ৰত্যুত্তৰ দিয়াত থিতাতে নিহত হয় আততায়ীজন।
উল্লেখ্য যে,নিহত লোকজন এজন অৱসৰ প্ৰাপ্ত আইন বিষয়া ৷ ঘৰত পত্নীৰ স’তে কাজিয়াপেচাল লাগি পৰৱৰ্তী সময়ত খঙৰ ভমকত হাতত উদ্যত মাৰাণাস্ত্ৰ লৈ বাৰত সংঘটিত কৰে গুলীচালনা ঘটনা ৷ পাৰিবাৰিক কন্দলৰ বাবে সংঘটিত হয় এই ঘটনা সদৰি কৰে কেলিফৰ্নিয়া আৰক্ষীয়ে ৷
