Gunmen Abduct 25 Girls From a High School in Nigeria:
উত্তৰ-পশ্চিম নাইজেৰিয়াৰ এখন আবাসীক হাইস্কুলত অচিনাক্ত বন্দুকধাৰীয়ে অৰ্তকিতে প্ৰৱেশ কৰি দুডজনতকৈ অধিক স্কুলীয়া ছাত্ৰীক অপহৰণ কৰাৰ লগতে এজন নিৰাপত্তাৰক্ষীক গুলীয়াই হত্যা কৰে ৷আফ্ৰিকান দেশখনৰ কেব্বি ৰাজ্যৰ বৰ্ডিং স্কুলৰ পৰা ২৫ গৰাকী ছাত্ৰীক অপহৰণ কৰাৰ বিষয়ে কোনো সংগঠন এই পৰ্যন্ত দায়িত্ব স্বীকাৰ কৰা নাই ৷
উল্লেখ্য যে সমগ্ৰ নাইজেৰিয়াৰ উত্তৰ অঞ্চলত কেইবাটাও হাই-প্ৰফাইল অপহৰণৰ বাবে বহু কেইটা সন্ত্ৰাসবাদী সংগঠন জড়িত আছে। । নিৰাপত্তাৰক্ষীৰ উপস্থিতি সীমিত হোৱাৰ বাবে গাঁও আৰু ডাঙৰ ডাঙৰ পথৰ কাষত অপহৰণ আৰু আক্ৰমণ সাধাৰণ ঘটনাত পৰিণত হৈছে ৷
মনকৰিবলগীয়া যে দুৰ্ধৰ্ষ সন্ত্ৰাসবাদী সংগঠন বকো হাৰাম আৰু বিভাজিত গোট ইছলামিক ষ্টেট এই অপহৰণৰে জড়িত থকাৰ সন্দেহ কৰিছে আৰক্ষীয়ে ।আৰক্ষীয়ে এই সন্দৰ্ভত কয় যে আক্ৰমণকাৰীসকলে “অত্যাধুনিক অস্ত্ৰ”ৰে সু সজ্জিত হৈ আছিল আৰু ছাত্ৰী কেইগৰাকীক অপহৰণ কৰাৰ পূৰ্বে আবাসীক স্কুল খনৰ দায়িত্বত থকা নিৰাপত্তাৰক্ষীক গুলীয়াই হত্যা কৰে ৷
উল্লেখ কৰিব পাৰি যে ২০১৪ চনৰ পৰাই অঞ্চলটোৰ স্কুলীয়া ছাত্ৰ-ছাত্ৰীক লক্ষ্য কৰি আক্ৰমণ চলাই আহিছে বকো হাৰামে ৷ যেতিয়া বকো হাৰামে বৰ্ণো ৰাজ্যৰ চিবকৰ পৰা ২৭৬ জন ছাত্ৰ-ছাত্ৰীক অপহৰণ কৰিছিল। তেতিয়াৰে পৰা একাদিক্ৰমে অপহৰণৰ ঘটনা সময়ে সময়ে অব্যাহত আছে ৷
চি
বক অপহৰণৰ পিছত কমেও ১৫০০ ছাত্ৰ-ছাত্ৰীক অপহৰণ কৰা হৈছে, কিয়নো সশস্ত্ৰ গোটসমূহে অপহৰণৰ ক্ষেত্ৰত দেশখনৰ খনিজ সমৃদ্ধ কিন্তু দুৰ্বল আৰক্ষী থকা অঞ্চলটোৰ অন্যান্য অপৰাধৰ বাবে ধন আৰু গাঁওসমূহ নিয়ন্ত্ৰণ কৰাৰ এক লাভজনক উপায় ক্ৰমান্বয়ে বিচাৰি পাইছে। ২০২৪ চনৰ মাৰ্চ মাহত নাইজেৰিয়াৰ কাডুনা ৰাজ্যত দুসপ্তাহতকৈ অধিক সময় বন্দী হৈ থকাৰ পিছত ১৩০ জনতকৈ অধিক স্কুলীয়া ছাত্ৰ-ছাত্ৰীক উদ্ধাৰ কৰা হৈছিল।
