কল খাবলৈ সুস্বাদু। অৱশ্যে খোলাটো এফালে পেলোৱাৰ আগতে থমকি ৰ’ব ।অপ্রয়োজনীয়ভাবে ডাষ্টবিনত পেলাই দি কি লাভ? ফলৰ এই সততে অৱজ্ঞা কৰা অংশটোৱে আপোনাৰ চুলিৰ ৰূপ আৰু অনুভৱ সম্পূৰ্ণৰূপে সলনি কৰিব পাৰে।
মাত্ৰ অলপ কষ্ট কৰিলেই আপুনি ঘৰতে এটা বিশেষ হেয়াৰ পেক তৈয়াৰ কৰিব পাৰিব। দামী, উচ্চমানৰ সৌন্দৰ্য সামগ্ৰীৰ প্ৰয়োজন নাই। এই ঘৰতে বনোৱা চুলিৰ পেকটো বনাই আপুনি শুকান, ৰুক্ষ চুলিক নিমিষতে পুনৰুজ্জীৱিত কৰিব পাৰে।
কেনেকৈ? জানিবলৈ পঢ়ক।
কলৰ খোলা খনিজ পদার্থ আৰু এন্টিঅক্সিডেন্টৰে ভৰপূৰ। ইয়াত পটাছিয়াম, মেগনেছিয়াম, কেলচিয়ামৰ লগতে ভিটামিন বি ছয় আৰু চি থাকে। ইয়াৰ উপৰি চুলিৰ স্বাস্থ্যৰ বাবে অপৰিহাৰ্য ওমেগা তিনি আৰু ওমেগা-ছয় ফেটি এচিডো থাকে। কলৰ খোলাত পোৱা লুটিন নামৰ এবিধ উপাদানে মূৰৰ ছালৰ সুৰক্ষা প্রদান কৰে। যেতিয়া সকলো পুষ্টিকৰ উপাদান পোনপটীয়াকৈ চুলিৰ শিপাত উপনীত হয়, তেতিয়া আপোনাৰ চুলিৰ প্ৰাকতিক জিলিকনি পুনৰ ঘূৰাই অনাটো কেৱল সময়ৰ কথা হৈ পৰে।
চুলিৰ পেক কেনেকৈ প্ৰস্তুত কৰিব?
চুলিৰ যত্নৰ বাবে কলৰ খোলা ব্যৱহাৰ কৰাৰ প্ৰথম পদক্ষেপ হ’ল ইয়াৰ পৰা মিহি গুড়ি তৈয়াৰ কৰা। কলৰ খোলা চাৰি-পাঁচটা লৈ প্ৰচণ্ড ৰ’দৰ পোহৰত কে’বা ঘণ্টামান শুকুৱাবলৈ দিব। যদি সূৰ্যৰ পোহৰ নাথাকে, তেন্তে ইয়াৰ পৰিৱৰ্তে মাইক্রৱেভ অভেন ব্যৱহাৰ কৰিব পাৰে; ২১০ ডিগ্রী চেলছিয়াছত ২০ মিনিট বেক কৰক যেতিয়ালৈকে খোলাবোৰ কুটিল নহয়।
ইয়াৰ পাছত মিক্সাৰ-গ্রাইণ্ডাৰত থৈ ভালদৰে পিহি লওক। যদি কোনো গোট বাকী থাকে তেন্তে মিশ্ৰণটো ষ্ট্ৰেনাৰেৰে ছালনি কৰি মিহি গুড়িটো পৃথক কৰিব লাগে। এই গুড়ি দীর্ঘদিন ধৰি ৰাখিব পাৰি।
পেক বনোৱাৰ বাবে নির্দেশনা
সতেজ, সাধাৰণ দৈৰ বাটি এটাৰ লগত এক-দুই চামুচ মৌ মিহলাই লওক। এই মিশ্রণত প্ৰস্তুত কৰা কলৰ খোলাৰ গুড়ি দিব। উপাদানবোৰ ভালদৰে হুইস্কিং কৰি ডাঠ, সামস্যপূর্ণ পেক এটা তৈয়াৰ কৰক। দৈয়ে চুলিত আর্দ্রতা ধৰি ৰখাত সহায় কৰে, আনহাতে, মৌৱে প্রাকৃতিক কণ্ডিচনাৰ হিচাপে কাম কৰে।
কেনেকৈ ব্যৱহাৰ কৰিব
উত্তম ফলাফলৰ বাবে এই চুলিৰ পেকটো অলপ ভিজা চুলিত লগাওক। লাহে লাহে চুলিৰ গুৰিৰ পৰা টিপলৈকে মিশ্রণটো লগাব। গোটেই মূৰটো ঢাকি ল’লে শ্বাৱাৰ কেপ পিন্ধি ২০ মিনিট অপেক্ষা কৰক। ইয়াৰ পাছত মৃদু বা বনৌষধি চেম্পু ব্যৱহাৰ কৰি চুলি ধুব। যদি আপুনি সপ্তাহত এবাৰ হ’লেও এই ৰুটিন মানি চলে, তেন্তে মাত্র কেইদিনমানৰ ভিতৰতে আপুনি এটা দৃশ্যমান পার্থক্য লক্ষ্য কৰিব। নিয়মীয়া ব্যৱহাৰ কৰিলে আপোনাৰ চুলিৰ শিপাবোৰ শক্তিশালী হ’ব, জটিলতা কমি যাব আৰু-তেজৰ চলাচলক উদ্দীপিত কৰি-ই নতুন চুলিৰ বৃদ্ধিতো সহায় কৰিব।
