Assam Budget 2024-25:
বহু প্রতীক্ষাৰ অন্তত বিধানসভাত দাখিল কৰা হৈছে চতুৰ্থখন পূৰ্ণাংগ বাজেট।সকলোৰে বাবে এখন উন্নয়নমূলক বাজেট প্ৰস্তুত কৰা বুলি মন্তব্য কৰি বিত্তমন্ত্ৰী অজন্তা নেওগে দাখিল কৰিছে ২০২৪-২৫ বৰ্ষৰ বাজেট। সংস্কৃত শ্লোকেৰে বাজেট ভাষণ আৰম্ভ কৰি কেন্দ্ৰীয় বিত্তমন্ত্ৰী নিৰ্মালা সীতাৰমণ আৰু মুখ্যমন্ত্ৰী ড:হিমন্ত বিশ্ব শৰ্মাক শলাগ লয় ৷ লোকসভা নিৰ্বাচনৰ প্ৰতি লক্ষ্য ৰাখি সকলো শ্ৰেণীক সন্তুষ্ট কৰাৰ চেষ্টা চৰকাৰৰ। ২০২২-২৩ বৰ্ষৰ জনমুৰি আয় ১,২০,৩৩৬ কোটি । ২০২২-২৩ বৰ্ষৰ জনমুৰি আয় ১.৩৫ লাখ টকা হ’ব ৷ বাজেট ব্যয় ২০১৫-১৬ত আছিল ৪১,৯৩১ কোটি টকা ৷ ২০২২-২৩ বাজেট ব্যয় ১.২৭ কোটি টকা বৃদ্ধি ৷ ঘৰুৱা উৎপাদন ৫.৭ লাখ কোটি কৰাৰ লক্ষ্যস্থিৰ ৷ ২০২৪-২৫ বৰ্ষত ৰাজ্যৰ মুঠ ঘৰুৱা উৎপাদন ৬.৩৯ লাখ কোটি টকালৈ বৃদ্ধি পাব বুলি বাজেট ভাষণত বিত্তমন্ত্ৰীয়ে উল্লেখ কৰে ৷
বাজেটৰ কিয়দাংশ:
বিগত ৯ বছৰত দৰিদ্ৰৰ বাবে যথেষ্ট চিন্তা কৰা হৈছে। দেশৰ ৫ ৰাজ্যৰ ভিতৰত অসমক অন্তৰ্ভুক্তৰ চেষ্টা অসম চৰকাৰৰ। বিগত তিনি বছৰত ৰাজ্যত দ্রুত উন্নয়ন হৈছে। লগতে, আগন্তুক ২৫ বছৰত দেশত দ্রুত উন্নয়ন হৈছে।
বাজেটত লোৱা কেতবোৰ আঁচনি:
১ /১০ লাখ ছাত্ৰ–ছাত্ৰীলৈ নামভৰ্তিৰ ক্ষেত্ৰত উদগণি হিচাপে বিত্তীয় অনুদান ৷
সেই অনুসৰি ,একাদশ শ্ৰেণীত নামভৰ্তি কৰা ছাত্ৰীলৈ ১০ হাজাৰকৈ টকা,স্নাতক পাঠ্যক্ৰমৰ প্ৰথম বৰ্ষৰ ছাত্ৰীলৈ ১২,৫০০ টকা ৷ এই আঁচনিৰ বাবে ২৪০ কোটি টকা ধাৰ্য ৷
২/ বৰ্তমান ৰাজ্যখনত ৩৭,৭০০ কোটি টকাৰ প্ৰকল্প নিৰ্মাণ চলি আছে ৷ ৮টা বহিঃসাহায্যৰ প্ৰকল্পৰো কাম হাতত লোৱা হৈছে ৷ মুঠ ৫৮ হাজাৰ ৬৪ কোটি টকা ব্যয় সাপেক্ষে নিৰ্মাণাধীন প্ৰকল্পসমূহ ৷
৩/ শিপিনীলৈ ১৪ কোটি টকা খৰচ কৰি ১০০০খন তাঁতশাল (মইনা শাল) প্ৰদান কৰা ৷
৫/’মৰাণস্থিত পদ্মশ্ৰী হেমপ্রভা চুতীয়াৰ বাসগৃহত হস্ততাঁত প্রশিক্ষণ কেন্দ্ৰ স্থাপন কৰা হ’ব ৷
৬/ ৫ কোটি টকাৰে গুৱাহাটীৰ অসম অভিযান্ত্রিক মহাবিদ্যালয় আৰু যোৰহাট অভিযান্ত্রিক মহাবিদ্যালয়ত দুটা নতুন ষ্টার্ট-আপ ইনকুবেছন হাব স্থাপন কৰা হ’ব ৷
৭/’ক্ষুদ্ৰ চাহ খেতিয়কৰ উৎকৰ্ষ সাধনৰ বাবে ১৫ কোটি টকা ধার্য ৷
৮/অসমত দুগ্ধ উৎপাদন বৃদ্ধিৰ বাবে ২৫ কোটি টকাৰ ৰাজসাহায্য আগবঢ়োৱা হ’ব ৷
৯/অসম আৰক্ষীত অগ্নিবীৰৰ বাবে ১০% পদ সংৰক্ষণৰ ব্যৱস্থা কৰিব ৷
১০/কণীৰ উৎপাদন বৃদ্ধিৰ বাবে কম খৰচত পুহিব পৰা কুকুৰাৰ যোগান ধৰা হ’ব। ইয়াৰ বাবে বাজেটত ২৫ কোটি ধার্য ৷
১১/ পুণ্য তীৰ্থ যোজনাৰ অধীনত ২৫ হাজাৰ তীৰ্থযাত্ৰীক ৰাম মন্দিৰ দৰ্শনৰ সুবিধা দিয়া হ’ব ৷
আনহাতে বিত্তমন্ত্ৰী গৰাকীয়ে তেওঁৰ বাজেট ভাষণত অষ্টাদশ মুকুতাৰ উন্নয়নী মালাত অন্তভুৰ্ক্ত কৰা আঁচনি সমূহ উল্লেখ কৰে ৷ আঁচনি সমূহ হ’ল মুখ্যমন্ত্রী নিযুত মইনা,মুখ্যমন্ত্রী মহিলা উদ্যমিতা অভিযান, অৰুণোদয় ২.০, অসম মাইক্র’ ফাউনেন্স উদগনি, মুখ্যমন্ত্ৰীৰ আত্মনিৰ্ভৰ অসম অভিযান, পুণ্য তীর্থ যোজনা, অযোধ্যালৈ তীর্থযাত্রা,১ লাখ প্লাছ নিযুক্তি, অমৃত কালৰ বাবে প্রকল্প,বিকাশ কৰিড’ৰ সৃষ্টি, মুখ্যমন্ত্রী আৱাস যোজনা (গ্রামীণ),বানপানীৰ দিশ সলনিৰ বাবে ব্ৰহ্মপুত্ৰৰ সৈতে জলাশয়সমূহৰ সংলগ্নকৰণৰ উদ্ভাভনমূলক পদক্ষেপ, সেউজ অসমৰ বাবে সেউজ বিকাশ,চাহ জনজাতি সম্প্ৰদায়ৰ কল্যাণ,সাংস্কৃতিক পৰিচয়ৰ অন্বেষণ, শিশুৰ উজ্বল ভবিষ্যতৰ বাবে প্রকল্প, ১২৬টা সমষ্টিত খেল মহাৰণ আৰু যুৱ সংঘ,২০২৪ বৰ্ষৰ নৱেম্বৰত বিনিয়োগকাৰীৰ সম্মিলন, মুখ্যমন্ত্রী সংগ্রহালয় ৷
একেদৰে বাজেটত অন্তভুৰ্ক্ত কৰা আন আন আঁচনি সন্দৰ্ভত আৱন্টিত পুঁজি ৰূপৰেখা ৷ পি এম বিশ্বকর্মা যোজনাৰ অধীনত ১৮ টা শাখাৰ কাৰুশিল্পী-কাৰিকৰলৈ ১৫ হাজাৰকৈ উদগণিমূলক পুঁজি প্রদান কৰা হ’ব ৷ ২০২৪-২৫ত ২ হাজাৰখন পাৱাৰ টিলাৰ, ৭০খন ট্ৰেক্টৰ, ২০০খন থ্রেচাৰ, ২০০টা ৰিপাৰ, ১০টা পেডি ট্ৰেন্সলেটৰ বিতৰণ কৰা হ’ব’ ৷
প্রধানমন্ত্রী সূর্যোদয় যোজনাৰ আৰ্হিত অসমতো সৌৰশক্তি ব্যৱস্থা ৰূপায়ণ কৰিব ৷
‘অসমতো ‘মিচন লাইফ’লাইফষ্টাইল ফৰ এনভাৰোনমেণ্টৰ ৰূপায়ণৰ ঘোষণা ৷
আনহাতে ‘অসমত ১০খন আদর্শ জলবায়ু স্থিতিস্থাপক গাঁও গঢ়ি তোলাৰ লগতে গুৱাহাটীত ১,০০০ একৰ ভূমিত Amrit GiG চিটী গঢ়ি তোলা হ’ব ৷
আয়ুষ্মান ভাৰত-প্রধানমন্ত্রী জন আৰোগ্য যোজনাৰ সৈতে মুখ্যমন্ত্রী আয়ুষ্মান অসম যোজনা সংলগ্ন কৰি প্ৰতিটো দৰিদ্ৰ পৰিয়ালক ৫ লাখ টকাৰ নগদ বিহীন চিকিৎসাৰ সুবিধা ৷ আয়ুষ্মান অসম-মুখ্যমন্ত্রী লোক সেৱক আৰোগ্য যোজনাৰ আৰম্ভ কৰা হ’ব, পেঞ্চনাৰ, চৰকাৰী বিষয়া-কৰ্মচাৰীয়েও পাব সুবিধা ৷
আনহাতে,উত্তৰ গুৱাহাটীৰ ৰংমহললৈ স্থানান্তৰিত হ’ব গুৱাহাটী উচ্চ ন্যায়ালয় ৷ অমৃত বৃক্ষ আঁচনিৰ জৰিয়তে ৫৩ বিধ বাণিজ্যিক প্ৰজাতিৰ ১ কোটি গছ ৰোপণ
ম’বাইল এপত ৪৮ হাজাৰ লোকে পঞ্জীয়ন কৰিছিল নাম৷ এইবছৰ ৩ কোটি গছপুলি ৰোপণৰ লক্ষ্য ৷ এই আঁচনিৰ বাবে ৪০ কোটি টকা আৱণ্টন ৷
ইপিনে,যোৱা ৩ টা বছৰত ২০৫ কি.মি. নতুন মথাউৰি নিৰ্মাণ ৷ ১ হাজাৰ কি.মি. মথাউৰিক পথ মথাউৰিলৈ ৰূপান্তৰ৷ ৫২০ কোটি টকা ব্যয়ৰে ৫০টা মথাউৰিৰ উন্নীতকৰণৰ বাবে বাজেটৰ অনুমোদনৰ কথা উল্লেখ কৰা হয় ৷ আনহাতে,ৰাজ্যৰ ১২ লাখ লোকে লাভ কৰিছে মাইক্ৰ’ফাইনেঞ্চ ঋণ৷ ইয়াৰ বাবে ২০২৪-২৫ বিত্তীয় বৰ্ষত ৫০০ কোটি টকা আৱণ্টন দিয়া হয় বাজেটত ৷
মুখ্যমন্ত্ৰীৰ আৱাস যোজনাৰ অধীনত ১৩ হাজাৰ গৃহ চাহ জনজাতিলৈ ৷ পিএমএৱাইৰ অধীনত ২ কোটি আৱাসগৃহই উপকৃত কৰিব অসমক ৷ এই আঁচনিৰ অধীনত ৬০০ কোটি টকাৰ আৱণ্টন দিয়া হৈছে বুলি উল্লেখ কৰে বিত্তমন্ত্ৰীয়ে ৷
বাজেটত অসম আৰক্ষীৰ বাবেও বসবাসৰ সুব্যৱস্থা কৰা হৈছে ৷ সেই অনুসৰি আগন্তুক পাঁচটাবৰ্ষত দুই শোৱনি কোঠাযুক্ত ১০ হাজাৰ নতুন গৃহ নিৰ্মাণৰ পৰিকল্পনা কৰা হৈছে ৷ ইয়াৰ বাবে ২০২৪-২৫ বৰ্ষত ২ হাজাৰটা গৃহ নিৰ্মাণৰ লক্ষ্য৷ এই প্ৰকল্পৰ বাবে ১৫০ কোটি টকা ধাৰ্য বাজেটত ৷
আনপিনে, প্ৰতিগৰাকী হিতাধিকাৰীৰ বাবে ন্যূনতম ২৫ হাজাৰ টকাৰ বেংকৰ ঋণৰ ব্যৱস্থা কৰা হৈছে ৷ প্ৰতিগৰাকীয়ে হিতাধিকাৰীয়ে ঋণ হিচাপে লাভ কৰিব ন্যূনতম ৪৭,৫০০ টকা ৷২৭ লাখৰো অধিক হিতাধিকাৰীলৈ অৰুণোদয় আঁচনি দিয়া হ’ব ৷
ৰাজ্যৰ শক্তিখণ্ডৰ উৎকৰ্ষ সাধনৰ বাবে ১ হাজাৰ মেগাৱাট সৌৰশক্তি স্থাপনত ভাৰত চৰকাৰৰ অনুমোদন লাভ কৰা হৈছে বুলি উল্লেখ কৰি অজন্তা নেওগে কয়,শীঘ্ৰে কাৰ্যক্ষম হৈ উঠিব কপিলী জলবিদ্যুৎ প্ৰকল্প৷ চলিত বৰ্ষৰ শেষৰ ভাগলৈ সম্পূৰ্ণ হ’ব কাম ৷ ১২০ মেগাৱাট বিদ্যুৎ উৎপাদনৰ লক্ষ্য ৷
চলচ্চিত্ৰ আৰু ভ্ৰাম্যমাণ শিল্লীলৈ সাহায্য প্ৰদানৰ প্ৰস্তাৱ লোৱা হৈছে বাজেটত ৷ সেই অনুসৰি ৫ বছৰৰ বাবে পাবলগীয়া ধনৰ ৫০ শতাংশ আগবঢ়াব অসম চৰকাৰে ৷ একেদৰে ৰাজ্যত ৫০টা নতুন চলচ্চিত্ৰ গৃহৰ প্ৰস্তাৱ লোৱা হৈছে সদৰি কৰি নেওগে কয়, চলচ্চিত্ৰ গৃহৰ বাবে ২৫ কোটি টকা ধাৰ্য কৰা হৈছে বাজেটত ৷
আনহাতে,কিংবদন্তি শিল্পীৰ সোঁৱৰণত তিনিটাকৈ সাংস্কৃতিক অনুষ্ঠানৰ কথা উল্লেখ কৰি ভূপেন হাজৰিকা, জয়ন্ত হাজৰিকা আৰু বিষ্ণুৰাভাৰ সোঁৱৰণত সাংস্কৃতিক অনুষ্ঠান অনুষ্ঠিত কৰা হ’ব ৷ খেল মহাৰণ আৰু যুৱ সংঘলৈ বিশেষ প্ৰস্তাৱৰ কথা উল্লেখ কৰি বিত্তমন্ত্ৰীয়ে ১২৬ বিধানসভা সমষ্টিত সামগ্ৰী ভঁৰালৰ বাবে ১৫ লাখকৈ টকা ৷কোকৰাঝাৰত উচ্চ কাৰ্যক্ষম ক্ৰীড়াকেন্দ্ৰ স্থাপনৰ পৰিকল্পনা ৷ নতুন প্ৰকল্পৰ বাবে ২৮.৩০ কোটি টকা ধাৰ্য কৰা হৈছে ৷
ৰাজ্যৰ ৩২২খন বিদ্যালয়ৰ আন্তঃগাঁথনিৰ বাবে ২,৩৬৯. ৮৬ কোটি টকা ধাৰ্য কৰা হৈছে ৷ বাগিচা অঞ্চলত ১০০খন নতুন আদৰ্শ বিদ্যালয় স্থাপনৰ লক্ষ্য স্থিৰ কৰি ৫০ শতাংশ পাঠ্যক্ৰম মাচুলৰ জলপানিৰ সিদ্ধান্ত সনিবিষ্ট কৰা হৈছে ৷ কৃষ্ণকান্ত সন্দিকৈ মুক্ত বিশ্ববিদ্যালয়লৈ ২০ কোটি টকা ।
ৰাজ্য নতুন নিযুক্তিৰ বিষয়ে বাজেট ভাষণত বিত্তমন্ত্ৰী নেওগে কয়,৩৫,৯১০ টা পদৰ বাবে প্ৰকাশ কৰা হৈছে বিজ্ঞাপন ৷ মুঠ ১,৩০,৪১৬ টা চৰকাৰী চাকৰিত নিযুক্তি পাব নিৱনুৱাই ৷
আনহাতে বাজেটত চৰকাৰী চাকৰিয়াল নথকা পৰিয়ালত নিযুক্তিৰ চেষ্টাৰ কথা উল্লেখ কৰি চাকৰি নথকা পৰিয়ালৰ প্ৰাৰ্থীয়ে নিযুক্তি সম্বন্ধীয় পৰীক্ষাত অতিৰিক্ত হিচাপে নম্বৰ পাব ৫% ৷