Cm Himanta Viswa Sarma Pressmeet:
দৈনিক অগ্ৰদূত ডিজিটেল ডেক্স:–মুখ্যমন্ত্ৰী ড:হিমন্ত বিশ্বশৰ্মাৰ সহধৰ্মিনী ৰিণিকি ভূঞাৰ বিৰুদ্ধে কংগ্ৰেছৰ ৰাষ্ট্ৰীয় মুখপাত্ৰ পৱন খেড়াই দেওবাৰে এক সংবাদমেল যোগে উদ্থাপন কৰা গুৰুতৰ অভিযোগৰ পিছত আজি খেড়াক উভতি ধৰিলে মুখ্যমন্ত্ৰী গৰাকীয়ে ৷ মহানগৰীৰ বশিষ্ঠস্থিত বিজেপিৰ ৰাজ্যিক কাৰ্যালয় বাজপেয়ী ভৱনত সংবাদমেল সম্বোধন কৰি সকলো অভিযোগ খণ্ডন কৰাৰ লগতে সকলো অভিযোগৰ প্ৰত্যুত্তৰ দিয়ে ৷
সংবাদমেলত মুখ্যমন্ত্ৰী গৰাকীয়ে পৱন খেড়া আৰু গৌৰৱ গগৈৰ বিৰুদ্ধে সোচ্ছাৰ হৈ কয়,তৰুণ গগৈৰ দৰে এজন প্ৰথিতযশা ৰাজনীতিক সন্তান হিচাপে গৌৰৱ গগৈৰ শেহতীয়া স্খলন দেখি মই আচৰিত হৈছে। গৌৰৱে মোক টাৰ্গেট কৰিবলৈ গৈ মোক সহধৰ্মিনীৰ পাচপোৰ্ট নকল দৰে কাৰ্য কৰি নিজৰ নিকৃষ্ট চৰিত্ৰতো আকৌ এবাৰ উদঙাই দিলে ৷
আনহাতে পৱন খেড়াই ডাঙৰ কিবা এটা তথ্য আছে বুলি কৈ দিল্লীত সংবাদমেল পাতি ৰৌজাল-বৌজাল কৰি যিবোৰ তথ্য দাঙি ধৰিলে কাৰ্যত:সেয়া যে ভুৱা সকলো ইতিমধ্যে স্পষ্ট হৈছে ৷ নিৰ্বাচন প্ৰাকমুহূৰ্তত কংগ্ৰেছ অনা এই ভুৱা অভিযোগ শাস্তি কি হ’ব তেওঁলোকে কল্পনাই কৰিব নোৱাৰিব ৷ভাৰতীয় ন্যায় সংহিতা বিধি অনুসৰি পাৰ্চপোট লকল কৰি লোকৰ নামত প্ৰস্তুত কৰাজনৰ শাস্তিৰ বিধান যাৱজ্জীৱন কাৰাদণ্ড।
ইতিমধ্যে দেওবাৰে নিশাই ৰিণিকিয়ে তেওঁৰ বিৰুদ্ধে পৱন খেড়াৰ বিৰুদ্ধে মিছা অভিযোগ অনাৰ বাবে অসম আৰক্ষীৰ ক্ৰাইম বাঞ্চত এজাহাৰ দাখিল কৰিছে ৷ খেড়াৰ শেষ আশ্ৰয় স্থল হ’ব অসমৰ কাৰাগাৰ ৷ এই এজাহাৰৰ ভিত্তিত আৰক্ষীয়ে তদন্ত কৰি উচিত ব্যৱস্থা গ্ৰহণ কৰিব ৷
মুখ্যমন্ত্ৰী গৰাকীয়ে আৰু কয় যে ,শেহতীয়াকৈ কংগ্ৰেছে তেওঁৰ বিৰুদ্ধে কেতবোৰ ষড়যন্ত্ৰত লিপ্ত হৈছে ৷ এই সকলোবোৰ বিষয়ত পাকিস্তানী লিংক জড়িত থকাৰ সন্দেহ কৰা হৈছে ৷ অসম বিধানসভা নিৰ্বাচনত বিৰূপ প্ৰভাৱ পেলাবলৈ পাকিস্তানৰ কেতবোৰ ছ’চিয়েল শেহতীয়াকৈ সক্ৰিয় হৈ পৰিছে ৷ আনকি নিৰ্বাচনক লৈ অনুষ্ঠিত কৰা হৈছে টক শ্ব’ ৷ পাকিস্তানৰ বহু কেইবা নিউজ চেনেলত বিগত দহটা দিনত এঘাৰটাকৈ টক শ্ব’ আয়োজন কৰা হৈছিল বুলি গুৰুতৰ অভিযোগ কৰে ৷
মুখ্যমন্ত্ৰী গৰাকীয়ে আৰু কয় যে,২৮ মাৰ্চত ইজিপ্তৰ এজন ব্যক্তিৰ হেৰাইছিল পাছপর্ট|সেই হেৰুৱা পাছপৰ্ট টিপু চুলতান নামৰ এজন লোকে সামাজিক মাধ্যমত প্ৰকাশ কৰিছিল তথ্য৷ ছ’চিয়েল মেডিয়াৰ পৰা হেৰুৱা পাছপোর্ট চুৰি কৰিছে কংগ্রেছে এ আই জৰিয়তে প্ৰস্তুত কৰি সেইখন ৰিণিকিৰ বুলি কৈ কংগ্ৰেছে নিজৰ নগ্ন চৰিত্ৰটো জণগণৰ ওচৰত উদঙাই দিয়ে ৷
এই ঘটনাৰ আঁৰত আছে পাকিস্তানী সামাজিক মাধ্যম গ্ৰুপ। কংগ্ৰেছে ৰিণিকি ভূঞা শৰ্মাৰ নামত ইউএই, ইজিপ্ত আৰু এণ্টিগুৱা ৩খন দেশৰ নাগৰিকত্ব আছে বুলি চলাইছিল ব্যাপক অপপ্ৰচাৰ চলাইছিল ৷ তেওঁলোকৰ এই অভিসন্ধি ইতিমধ্যে উদঙাই দিলে ইউএই আৰু এণ্টিগুৱাৰ বিদেশ মন্ত্ৰণালয়ে ৷ একেদৰে ইজিপ্তৰ এজন নাগৰিকৰ হেৰুৱা পাৰ্চপৰ্ট খনত ৰিণিকিৰ পাচপোৰ্ট ফটো সংযোজিত কৰি প্ৰস্তুত পৰা ভুৱা পাৰ্চপৰ্ট খনৰ সন্দৰ্ভত স্পষ্ট হৈছে তেওঁলোকৰ ষড়যন্ত্ৰৰ
কথা ৷
উল্লেখ্য যে , নিৰ্বাচনলৈ মাজত মাত্ৰ দুটা দিন থকা অৱস্থাত কংগ্ৰেছৰ ৰাষ্ট্ৰীয় মুখপাত্ৰ পৱন খেড়াই দেওবাৰে দিল্লীত এক সংবাদমেল অনুষ্ঠিত কৰি মুখ্যমন্ত্ৰী ড:হিমন্ত বিশ্বশৰ্মাৰ পত্নী ৰিণিকি ভূঞা শৰ্মাৰ ৩ বিদেশী ৰাষ্ট্ৰৰ নাগৰিকত্ব থকাৰ লগতে মাৰ্কিন যুক্তৰাষ্ট্ৰতো নামে -বেনামে ৫২ হেজাৰ কোটি ৷ পুত্ৰৰ নামতো আছে বহু কোম্পানী আৰু হোটেল ৷