TeslaRoadster : দৈনিক অগ্ৰদূত ডিজিটেল ডেস্ক : অৱশেষত উৰণীয়া গাড়ী বাস্তৱত পৰিণত? টেছলাৰ নতুন ৰ’ডষ্টাৰৰ এক অনন্য প্ৰদৰ্শনৰ পিছত এই প্রশ্নটো উত্থাপন হৈছে। বৃহস্পতিবাৰে টেক্সাছৰ মেকগ্রেগৰত থকা স্পেচএক্সৰ এটা সুবিধাত কোম্পানীটোবে গাড়ীখনক-উলটিকৈ ৰখাৰ সময়ত-বিশেষভাবে নির্মিত ৰেম্পৰ ওপৰেৰে চলাই নতুন প্রযুক্তি প্রদর্শন কৰে, যাৰ ফলত গাড়ীখন চমু মুহূৰ্তৰ বাবে বতাহত উঠিব পাৰে।
গাড়ীখনো নিৰাপদে অৱতৰণ কৰে। এই পৰৱৰ্তী প্ৰজন্মৰ ইলেক্টৰিক স্পটছ গাড়ীখন প্ৰথমবাৰৰ বাবে প্রায় ৯ বছৰ আগতে ঘোষণা কৰা হৈছিল; দীর্ঘদিনীয়া অপেক্ষাৰ প্রতি লক্ষ্য ৰাখি এই প্রদর্শনে বিশেষ তাৎপয্য বহন কৰে।
টেছলাৰ নতুন ৰ’ডষ্টাৰখনে এটা ডাঙৰ, বক্ৰ ৰেম্পত উঠি যোৱা দেখা গৈছে। তাৰ পিছত ই বতাহত নিক্ষেপ কৰাৰ আগতে ওলোটা উলটি অৱস্থাত ৰেম্পৰ কাষেৰে যাত্ৰা কৰে। অলপ সময়ৰ বাবে বতাহত থকাৰ পিছত ই নিৰাপদে অৱতৰণ কৰে- যিটো গতানুগতিক বাহনৰ বাবে অসম্ভব কৃতিত্ব।
খবৰ অনুসৰি এই প্ৰদৰ্শন সম্ভৱ হৈছে এলন মাস্কৰ মহাকাশ অন্বেষণ কোম্পানী স্পেচএক্সৰ সহযোগত বিকশিত কৰা বিশেষ প্রযুক্তিৰ জৰিয়তে। নতুন ৰ’ডষ্টাৰৰ অন্যতম মূল উল্লেখযোগ্য দিশ হ’ল স্পেচএক্সে নির্মাণ কৰা শীতল গেছৰ গ্ৰাষ্টাৰ অন্তর্ভুক্ত কৰা।
এই প্রযুক্তিয়ে উচ্চ চাপত জমা কৰা গেছ ব্যৱহাৰ কৰি খ্ৰাষ্ট সৃষ্টি কৰে। উদ্দেশ্য হৈছে বাহনখনত বিশেষ ব্যবস্থা অন্তর্ভুক্ত কৰি অধিক উদ্ভাবনীমূলক গতিবিধিৰ সৃষ্টি কৰা। কিন্তু প্রদর্শনীত ব্যৱহৃত প্রযুক্তিৰ সম্পূৰ্ণ কায্যকৰী যান্ত্রিকতা সম্পর্কে বিশদ তথ্য-আৰু ৰাজহুৱা পথত ইয়াৰ সম্ভাব্য প্রয়োগ-এতিয়াও প্রকাশ কৰা হোৱা নাই।
নিয়মীয়া পথত উৰণ কৰিব পাৰিবনে ৰ’ডষ্টাৰখন? এই প্রদর্শনে হয়তো উৰণীয়া গাড়ীৰ ধাৰণাটোক বাস্তৱৰ ওচৰ চাপিব পাৰে যদিও ইয়াক এতিয়াও দৈনন্দিন ভ্রমণৰ বাবে উপযোগী বুলি গণ্য কৰিব পৰা হোৱা নাই। কাৰণ এই পৰীক্ষাটো কঠোৰ নিয়ন্ত্রিত পৰিৱেশত হৈছিল; ৰাজহুৱা পথত উৰণৰ বাবে বাহনখন অনুমোদিত বুলি কোনো তথ্য নাই।
মূল চিন্তাসমূহ-যেনে যাত্ৰীৰ সুৰক্ষা, প্রযুক্তিগত নিৰ্ভৰযোগ্যতা, নিয়ন্ত্রণমূলক অনুমোদন, আৰু ব্যৱহাৰিক উপযোগিতা-উল্লেখযোগ্য, উত্তৰহীন প্রশ্ন হৈয়েই আছে। টেছলাই প্রথমবাৰৰ বাবে ২০১৭ৰ নৱেম্বৰত পৰৱৰ্তী প্ৰজন্মৰ ৰ’ডষ্টাৰ ঘোষণা কৰিছিল।যদিও প্ৰাৰম্ভিক পৰিকল্পনা আছিল বহু সোনকালে উৎপাদন আৰম্ভ কৰা, তথাপিও বিভিন্ন কাৰণত এই প্রকল্পটো বাৰে বাৰে পলম হোৱাৰ বাবে গ্রাহকসকলে এতিয়াও গাড়ীখনৰ বাবে অপেক্ষা কৰি আছে। কেবাটাও বাতৰি অনুসৰি, নতুন ৰ’ডষ্টাৰৰ উৎপাদন এতিয়া ২০২৮ ৰ পৰা আৰম্ভ কৰাৰ পৰিকল্পনা কৰা হৈছে।
