ভেকচিন প্ৰস্তুত কৰাত গুৰুত্বপূৰ্ণ ভূমিকা লৈছে ভাৰতে

মাইক্ৰ’চফ্টৰ সহ প্ৰতিষ্ঠাপক বিল গেটছে আশা কৰিছে যে অনাগত বৰ্ষ অৰ্থাৎ ২০২১ ত প্ৰথমতেই কৰ’নাৰ ভেকচিন উপলব্ধ হ’ব ৷PTI ৰ লগত হোৱা এক সাক্ষাৎকাৰত বিল গেটছে কয় ” অনাগত বৰ্ষৰ প্ৰথমত কৰ’নাৰ বহু ভেকচিন চূড়ান্ত পৰ্যায়ত থাকিব” গেটছে লগতে কয় “মই ভেকচিনক লৈ বহু আশাবাদী” ইপিনে কৰ’নাৰ ভেকচিন তৈয়াৰ কৰাক লৈ বিল গেটছে ভাৰতৰ ভূমিকাক স্বীকাৰ কৰে ৷ভেকচিন উৎপাদনক লৈ ভাৰতে লোৱা ভূমিকাত সকলোকে সহযোগ কৰিবলৈ আহ্বান কৰে বিল গেটছে ৷তেওঁ কয় “বিশ্বই এতিয়া ভেকচিনৰ কাৰণে ভাৰতলৈ আশাৰে বাট চাই আছে ৷ভাৰতত বৃহৎ পৰিমাণে ভেকচিন তৈয়াৰ হ’ব ৷তাৰ ভিতৰত কিছুসংখ্যক বিকাশশীল দেশসমূহে লাভ কৰিব ৷” বিল গেটছে কয় “আমি সকলোৱে বিচাৰো যে ভাৰতলৈ অনতি পলমে সুৰক্ষিত ভেকচিন আহক। সেয়া লাগিলে অক্সফ’ৰ্ড,জনছন এণ্ড জনছন য’ৰেই নহওক। এবাৰ যদি ভেকচিন আহে তেন্তে ভেকচিনৰ উৎপাদনৰ সম্পূৰ্ণ চেষ্টা কৰিব । আনহাতে কৰ’নাৰ সন্ত্ৰাসৰ সময়তে ভেকচিন কেতিয়া আহিব সেই সন্দৰ্ভত সকলোৰে মনত প্ৰশ্নৰ উত্থাপন হৈছে। তাৰ মাজতে কেন্দ্ৰীয় স্বাস্থ্যমন্ত্ৰী হৰ্ষবৰ্ধনে কয় যে কৰ’নাৰ ভেকচিন অনাগত বৰ্ষৰ প্ৰথমতে আহিব পাৰে। হৰ্ষবৰ্ধনে লগতে কয় “দেহত বহু ভেকচিন ট্ৰায়েল হৈ আছে ৷তাৰ ভিতৰত কোনটো ভেকচিনে বেছি প্ৰভাৱিত কৰিব সেয়া কোৱাটো সহজ নহয়। কেন্দ্ৰীয় চৰকাৰে প্ৰথমতে ভেকচিন জ্যেষ্ঠ নাগৰিক,ৰোগীয়া লোক,জৰুৰীকালীন সেৱাত থকা লোকসকলৰ শৰীৰত ভেকচিন দিয়াৰ পোষকতা কৰিছে ৷