কৰ’না ভয়ংকৰ পৰিস্থিতিৰ বাবে বিয়া বাতিল হোৱাত দুখতে বিয়া পোছাকতে প্ৰতিষেধক গ্ৰহণ কৰিলে কইনাই

কৰ’নাৰ ভয়ংকৰ পৰিস্থিতিৰ বাবে বাতিল হ’ল বিয়াৰ অনুষ্ঠান । মনৰ দুখতে বিয়াৰ পোছাকতে ক’ৰনা প্ৰতিষেধক ল’লে কইনাই। ৩৯ বছৰীয়া ছাৰাহ ষ্টাডলি আৰু আমেৰিকা যুক্তৰাষ্ট্ৰৰ ব্ৰায়ান হাৰ্লাৰ য়ে ২০১৯ চনৰ নৱেম্বৰত বাগদান সম্পূৰ্ণ কৰে।

আমেৰিকা যুক্তৰাষ্ট্ৰৰ বাল্টিমোৰৰ বাসিন্দা ছাৰাহ ষ্টাডলিয়ে ক’ভিড ১৯ ভেকছিন গ্ৰহণ কৰাৰ সময়ত পৰিধান কৰা তেওঁৰ বিবাহৰ পোছাকে সকলোকে আচৰিত কৰিলে। মানুহে সাধাৰণতে ক’ভিড ১৯ ভেকছিন লোৱাৰ সময়ত এনে কাপোৰ পিন্ধিব বুলি কল্পনা কৰিব নোৱাৰে। কিন্তু শেহতীয়াকৈ সেয়াই ঘটিছিল।

ৱাশ্বিংটন প’ষ্টৰ মতে, আমেৰিকা যুক্তৰাষ্ট্ৰৰ ৩৯ বছৰীয়া ছাৰাহ ষ্টাডলি আৰু ব্ৰায়ান হাৰ্লে (ব্ৰায়ান হৰ্লৰ) ২০১৯ চনৰ নৱেম্বৰত বাগদান সম্পূৰ্ণ কৰে। তাৰ পাছত তেওঁলোকে ২০২০ চনত বিবাহৰ পৰিকল্পনা কৰিছিল আৰু ছান ডিয়েগোত এক বিশাল অনুষ্ঠানৰ জৰিয়তে ১০০ জন অতিথিক বিয়ালৈ আমন্ত্ৰণ জনোৱাৰ সিদ্ধান্ত লৈছিল। কিন্তু যোৱা বছৰ মহামাৰীৰ কাৰণে সকলো বোৰ প্ৰায় বন্ধ হৈ পৰিছিল।ফলস্বৰূপে, তেওঁলোকেও বিবাহৰ পৰিকল্পনাটো বাদ দিব লগা হৈছিল।

তেওঁলোকে নৱেম্বৰত এটা সৰু বিবাহ অনুষ্ঠানৰ আয়োজন কৰি চান ডিয়েগো কাউণ্টিৰ ক্লাৰ্কৰ কাৰ্যালয়ৰ বাহিৰত বিবাহ পাশত আৱদ্ধ হয়। তেওঁলোকে তাত পৰম্পৰাগত বিবাহৰ কাপোৰ পিন্ধে। ইয়াৰ পাছত কেইজনমান নিকট আত্মীয়ই অংশগ্ৰহণ কৰা এটা সৰু নৈশভোজ ৰখা হৈছিল ।

দম্পতীহালে এতিয়াও অহা জুনমাহত তেওঁলোকৰ মায়াময় সপোন পূৰণ কৰাৰ আশাত পৰিয়াল আৰু বন্ধুবৰ্গৰ স’তে এক বিশাল অভ্যৰ্থনা অনুষ্ঠান আয়োজন কৰিব বিচাৰিছিল। ষ্টাডলিয়ে ইয়াৰ বাবে পোলকা ডটৰ দ্বাৰা ডিজাইন কৰা এটা ধুনীয়া গাউনও কিনিছিল।

কিন্তু কৰ’নাৰ দ্বিতীয়টো ঢৌ পুনৰ আহিল । ফলস্বৰূপে, যেতিয়া এই বছৰৰ জানুৱাৰীত আমেৰিকা যুক্তৰাষ্ট্ৰত ভেকছিন প্ৰৱৰ্তন কাৰ্যসূচী আৰম্ভ হৈছিল, তেওঁলোকে অভ্যৰ্থনাৰ পৰিকল্পনাও বাতিল কৰিছিল। তাৰ পাছত, ষ্টাডলিয়ে হতাশ হৈছিল যে তেওঁ অভ্যৰ্থনাৰ বাবে কিনা গাউনটো আৰু পিন্ধিব নোৱাৰিব। এটা ভাল অনুষ্ঠান অহালৈকে ইয়াক পুনৰ ব্যৱহাৰ কৰা নহ’ব। কিন্তু ষ্টাডলিৰ ওচৰত ভেকছিন লোৱাৰ দিনটোও এক বিশেষ দিন যেন লাগিছে।

কাৰণ তেওঁ টুইটাৰত কোনোবাই কৰা এটা প’ষ্টৰ দ্বাৰা অনুপ্ৰাণিত হৈছিল। কোনোবাই ভেকছিন লোৱাৰ উপলক্ষে চুমকিৰ স’তে দীঘল গাউন পিন্ধি টুইটাৰত এখন ফটো প’ষ্ট কৰিছিল আৰু শিৰোনাম দিছিল ‘এইবছৰ এইটো মোৰ সৰ্বশ্ৰেষ্ঠ ঘটনা। ‘

Here comes the bride…to get her vaccination at M&T Bank Stadium Mass Vaccination Site! Rather than let the beautiful gown for her pandemic-cancelled wedding reception just hang in her closet, Sarah Studley wore it to get vaccinated. pic.twitter.com/eeRJvITO51

— University of Maryland Medical System (@umms) April 12, 2021

ঘটনাটোৰ দ্বাৰা অনুপ্ৰাণিত হৈ তেওঁ ভেকছিন লোৱাৰ দিনা নিজৰ বিবাহৰ অভ্যৰ্থনাৰ বাবে কিনা গাউন পিন্ধি বাল্টিমোৰৰ এম এণ্ড টি বেংক ফুটবল ষ্টেডিয়ামত উপস্থিত হৈছিল। ষ্টাডলিয়ে কয় যে ভেকছিনটো কোনো আৰোগ্য বা মহামাৰীৰ সমাপ্তি নহয়, কিন্তু ই নিশ্চিতভাৱে এক টাৰ্ণিং পইণ্ট।

ষ্টাডলিৰ স্বামী হাৰ্লে কয় যে যেতিয়া তেওঁৰ পত্নীয়ে পোছাক পিন্ধি আহিছিল তেতিয়া তেওঁ আচৰিত আৰু আনন্দিত হৈছিল। তেওঁ ষ্টাডলি বিবাহৰ গাউন পিন্ধি ভেকছিন গ্ৰহণ কৰা ফটো ছ’চিয়েল মিডিয়াত বহুত শ্বেয়াৰ কৰা হৈছে। বহুতো মানুহেও ইয়াৰ ওপৰত প্ৰতিক্ৰিয়া প্ৰকাশ কৰিছে।