StateBankOfIndia: দৈনিক অগ্ৰদূত ডিজিটেল ডেস্ক : ভাৰতীয় ষ্টেট বেংক (এছবিআই) -এ বেছিক ছেভিংছ একাউণ্টৰ গ্ৰাহকৰ লেনদেনৰ নিয়মৰ বৃহৎ সালসলনি কৰিলে।
এইবাৰ ডিজিটেল লেনদেনৰ ক্ষেত্ৰতো মাহেকীয়া সীমা বান্ধি দিলে দেশৰ বৃহত্তম ৰাষ্ট্ৰীয়কৃত বেংকটোৱে। এই সিদ্ধান্ত কাৰ্যকৰী হ’লে এছবিআইৰ কোটি কোটি গ্রাহক সমস্যাৰ সন্মুখীন হ’ব পাৰে।
এছবিআইৰ সূত্ৰই সদৰী কৰা অনুসৰি, এক অক্টোবৰত ২০২৬ৰ পৰা বিএছবিডি একাউণ্টত পূৰ্বৰ দৰে মাহেকত চাৰিবাৰকৈ অধিক ধন উলিয়ালে মাচুল কর্তন কৰা হ’ব।
পূৰ্বৰ দৰে বেংকৰ শাখালৈ গৈ বা এটিএমৰ মাধ্যমৰে ধন উলিয়ালে মাচুল কর্তন কৰাৰ লগতে কোনোবাই যদি কার্ড অবিহনে ডিজিটেল লেনদেনৰ জৰিয়তে ধন উলিয়ায় তেন্তে চাৰিবাৰলৈকে মাচুল অবিহনে উলিয়াব পাৰিব।
দৰাচলতে এছবিআইৰ গ্ৰাহকে ইউনু এপৰ মাধ্যমৰে ডিজিটেল কার্ড অবিহনে ধন উলিয়াব পাৰে। এই লেনদেন এতিয়াৰে পৰা এছবিআয়ে মাহেকীয়া সীমাৰ অধীনলৈ আনিব এছবিআয়ে সদৰী কৰা অনুসৰি মাহেকত চাৰিবাৰতকৈ অধিক ডিজিটেল লেনদেন কৰিলে প্রতিবাৰত ১৫ টকাকৈ মাচুল কটা হ’ব।
তদুপৰি ইয়াৰ স’তে সংযুক্ত হ’ব সামগ্ৰী আৰু সেৱাকৰ (জিএছটি)। ইমানদিনে চাৰিবাৰৰ বিনামূলীয়া লেনদেনত ডিজিটেল লেনদেনক ধৰা হোৱা নাছিল।
কিন্তু এক অক্টোবৰৰ পৰা এছবিআইৰ গ্ৰাহকে ডিজিটেল লেনদেনৰ ক্ষেত্ৰত চাৰিবাৰতকৈ অধিক ধন উলিয়ালে মাচুল আদায় দিব লাগিব।
