ভাৰতত পুনৰ হ্ৰাস পালে ক’ভিড সংক্রমণ । কালি কেন্দ্রীয় স্বাস্থ্য মন্ত্রণালয়ৰ তৰফৰ পৰা প্রকাশিত পৰিসংখ্যা অনুসৰি, দৈনিক সংক্রমণ ১৪ হেজাৰৰ ঘৰত আছে । আজি এই সংখ্যা হ্ৰাস পায় ১৩ হেজাৰ ৫৯৬ জনলৈ । যি বিগত ২৩০ দিনত সবাটোকৈ কম । বিগত ২৪ ঘণ্টাত কৰ’নাত মৃতুৰ সংখ্যা ১৪৪ৰ পৰা ১৬৬ জনলৈ বৃদ্ধি পাইছে ।
বিশ্ব স্বাস্থ্য সংস্থা (হু)য়ে আজি জনাইছে, যথাযথ পর্যালোচনাৰ পাছতেই ঠিক কৰা হ’ব, ক’ভেক্সিনক অনুমোদন দিয়া হ’ব নে নাই । হু-ৰ মন্তব্য, বহু লোকে অধীৰ আগ্রহেৰে অপেক্ষা কৰি আছে । হু-ৰ প্রধান বিজ্ঞানী সৌম্যা স্বামীনাথনে জনাইছে, ২৬ অক্টোবৰত হু-ৰ বিশেষজ্ঞ দলে বৈঠকত মিলিত হ’ব । সেই বৈঠকতেই ক’ভছক্সিনৰ ভাগ্য নিৰ্ণয় হ’ব পাৰে ।
ইতিমধ্যে ভাৰত বায়’টেকে সমস্ত তথ্য হু-ক জমা দিছে । হু-ৱে জনাইছে, আৰু কিছু তথ্যৰ প্রয়োজন । ‘ইমার্জেন্সি ইউজ’ৰ তালিকাভুক্ত হোৱাৰ বিষয়টো নির্ভৰ কৰে প্রতিষেধক নির্মাতা সংস্থা হু-ক কিমান শীঘ্ৰে যাৱতীয় তথ্য জমা দিব পাৰে, তাৰ ওপৰত । হু-ৱে পর্যালোচনা কৰিব প্রতিষেধকৰ গুণমান, কার্যকৰিতা, কিমান নিৰাপদ আৰু মধ্য আৰু নিম্ন আয়ভুক্ত দেশবোৰত ব্যৱহাৰৰ উপযুক্ত হয় নে নহয় ।
ক’ভেক্সিনৰ দুটা ড’জৰ ব্যৱধানৰ সময়ক লৈ বিতর্ক নাথাকিলেও ক’ভিশিল্ডৰ ক্ষেত্রত এই সময় বাৰে বাৰে পৰিৱর্তন কৰা হৈছে । সেই সময়ত প্রশ্ন উত্থাপিত হৈছিল, প্রতিষেধকৰ পর্যাপ্ত যোগান নথকাৰ বাবেই কেন্দ্রই এই পদক্ষেপ লৈছে নেকি ? যদিও পৰিসংখ্যা অনুসৰি, যথেষ্ট পৰিমাণ প্রতিষেধক মজুত থকা সত্ত্বেও ভাৰতল টিকাকৰণেৰ প্রক্রিয়া শ্লথ কৰি দিয়া হৈছিল । প্ৰতিষেধকৰ দুটা ড’জ লোৱাৰ ব্যৱধান বৃদ্ধি কৰাৰ কৌশল গ্ৰহণ কৰা হৈছিল যাতে অতি কম সময়ত বিপুল সংখ্যক মানুহক অন্তত এটা ড’জ দিয়া সম্ভৱ হয় ।
স্বাস্থ্য মন্ত্রণালয়ৰ তৰফৰ পৰা জনোৱা হৈছে, বৈজ্ঞানিক গৱেষণাৰ ভিত্তিত বিশেষজ্ঞসকলৰ দল (এনটিএজিআই)য়ে যি আবেদন কৰিছিল, সেই মৰ্মেই দুটা ড’জৰ ব্যৱধানৰ ম্যাদ নিৰ্ধাৰণ কৰা হৈছে ।