উত্তৰ কোৰিয়াৰ নাগৰিকসকলে ১১ দিনলৈকে হাঁহি, সুৰাপান কৰিব আৰু বজাৰ-সমাৰ কৰিব নােৱাৰিব। এই কঠোৰ নির্দেশ জাৰি কৰিলে দেশখনৰ কমিউনিষ্ট শাসক কীম জং উনে।
নিজৰ পিতৃ কীম জং-ইলৰ ১০ সংখ্যক মৃত্যুবার্ষিকী উপলক্ষে কীমে এই নির্দেশনা জাৰি কৰিলে। শুকুৰবাৰৰ পৰা অহা ১১ দিনলৈকে উত্তৰ কোৰিয়াত ৰাষ্ট্ৰীয় শােক অব্যাহত থাকিব।
ইফালে, দক্ষিণ কোৰিয়াৰ জনপ্রিয় পপ সংগীত ‘কে পপ’ শুনাৰ অপৰাধত উত্তৰ কোৰিয়াৰ সাতজন লােকক প্রকাশ্যে মৃত্যুদণ্ড বিহাৰ অভিযােগাে কীমৰ বিৰুদ্ধে উত্থাপিত হ’ল।
এটা আন্তর্জাতিক মানৱাধিকাৰ সংগঠনে এখন প্রতিবেদনত দাবী কৰা অনুসৰি, ‘কে পপ’ শুনা আৰু আনৰ স’তে ‘শ্বেয়াৰ কৰাৰ অপৰাধত কীমে ২০১২ৰ পৰা ২০১৪ৰ ভিতৰত কমেও সাতজন লােকক মৃত্যুদণ্ড বিহিছিল।
ইয়াৰে ছজন লােকক মৃত্যুদণ্ড বিহা হৈছিল হেছান প্রদেশত। উল্লেখ্য যে উত্তৰ কোৰিয়াত দক্ষিণ কোৰিয়াৰ সংগীত, চলচ্চিত্র ইত্যাদি নিষিদ্ধ।