বলিউডৰ অন্যতম জনপ্রিয় সুৰকাৰ,গীতিকাৰ, গায়ক বাপ্পী লাহিড়ীৰ শৰীৰত সর্বদা শােভাবর্ধন কৰিছিল নানা অলংকাৰে। তেওঁৰ স্বর্ণপ্রীতিৰ কথা কাৰাে অবিদিত নহয়। সকলাে সময়তে প্ৰচুৰ সােণৰ গহনা পৰিধান কৰিবলৈ তেওঁ ভাল পাইছিল। তেওঁ কৈছিল, ‘মােৰ ভগৱানৰ নাম সােণ।’ সােণৰ গহনাৰ প্রতি তেওঁৰ এই আকর্ষণ কিয়?
তেওঁৰ গীত-সুৰৰ দৰেই চমকদাৰ আছিল পৰিধান। সােণৰ গহনা অবিহনে বাপ্পী। লাহিড়ী যাৰ জনপ্রিয় নাম বাপ্পী দা, তেওঁৰ পৰিচয় ভাবিব নােৱাৰি। মেদ বহুল, চুটি-চাপৰ চেহেৰা আছিল শৰীৰ ভর্তি সােণৰ গহনা। ডিঙিত সােণৰ একাধিক গধুৰ চেইন তাত ওলমি থাকে বিভিন্ন ধৰণৰ ৰত্নখচিত লকেট। ইয়াৰ দ্বাৰা এক স্বকীয় ভাৱমূর্তি গঢ়ি তুলিছিল প্রয়াত শিল্পীয়ে।
তেওঁৰ হাতৰ প্ৰতিটো আঙুলিতে শােভাবর্ধন কৰিছিল সােণ, ৰূপহীৰাৰ আঙঠি। তাত থাকে বহুমূলীয়া পাথৰ। হাতৰ বাহুবন্ধনী, হাতবন্ধনী, ডাঙৰ আকৃতিৰ খাৰুৰ পৰা আৰম্ভ কৰি কাণৰ লতিও বাদ পৰা নাছিল। বিভিন্ন আকৃতিৰ কাণফুলিও পৰিধান কৰিছিল এইগৰাকী শিল্পীয়ে।
তেওঁৰ শেষ জন্মদিনত নিজে নিজকে উপহাৰ দিছিল সােণৰ পিয়লা। নিজকে সােণেৰে আৱৰি ৰখা অভ্যাস হৈ পৰিছিল বাপ্পী দাৰ। সােণ আছিল তেওঁৰ বাবে সৌভাগ্যৰ প্রতীক। সেয়েহে প্ৰতিটো অলংকাৰ যাতে সযত্নে ৰখা হয় তাৰ বাবে গহনাৰ ৰক্ষণাবেক্ষণ কৰিবলৈ এজন লােক তেওঁ নিয়ােগ কৰিছিল।
এই সহকাৰীজনৰ কাম আছিল নিয়মিত গহনাসমূহৰ চোৱাচিতা কৰা। চর্চা অনুসৰি এটা এলবাম মুক্তিৰ পাছতে তেওঁ এটা সােণ বা হীৰাৰ গহনা ক্রয় কৰিছিল। তেওঁৰ বিশ্বাস আছিল যে ইয়াৰ দ্বাৰা তেওঁৰ গান সকলােৰে হৃদয়ত সােণৰ দৰে চিকমিকাই উঠিব। প্রতিটো গহনাৰ বাবে তেওঁৰ আছিল পৃথক বাকচ।
দিনৰ অন্তত পৰিচ্ছন্ন কৰি এইবােৰ ৰাখি থােৱা হৈছিল নিজ নিজ স্থানত। তেওঁৰ প্রিয় অলংকাৰবােৰ আন কোনােৱে যাতে স্পর্শ কৰিব নােৱাৰে তাৰ প্রতিও সজাগ আছিল। গহনা আনে স্পর্শ কৰাটো তেওঁ সহ্য কৰিব নােৱাৰিছিল। আনকি তাৰ ফটোও তুলিলে ভাল পােৱা নাছিল। সাধাৰণতে নতুন গহনা দেখিলে চুই চোৱাৰ বিভিন্নজনৰ অভ্যাস থাকে।
সেই কাৰ্যটো বাপ্পী দাৰ আপত্তি আছিল। আনকি তাৰ বাবে বিভিন্নজনৰ পৰা দূৰত্ব তেওঁ বজাই ৰখা বুলিও কোৱা হয়। যােৱা নিশা তেওঁৰ প্রয়াণৰ অন্তত বহুতৰে মনত প্রশ্ন হৈছে যে এই গহনাবােৰ এতিয়া কাৰ সম্পত্তি হ’ব। পৰিয়ালৰ সূত্ৰত প্রকাশ যে তেওঁৰ দুই সন্তান বাপ্পা আৰু ৰেমাই পিতৃৰ আন সামগ্ৰীৰ দৰে গহনাবােৰ সংৰক্ষণ কৰিব।
এইবােৰ দুটা ভাগত তেওঁলােকে ৰাখিব। সদায় পৰিধান কৰা আৰু মাজে মাজে পৰিধান কৰা গহনাবােৰ বিভিন্ন স্থানত ৰাখিব। এবাৰ ইণ্ডিয়ান আইডল শীর্ষক টেলিভিছনৰ ৰিয়েলিটি শ্ব’ত বিচাৰকৰ আসনত বহি থকা বাপ্পী লাহিড়ীক এজন প্রতিযােগী ডানিছে কৈছিল, ‘আপােনাৰ ষ্টাইল আৰু সােণৰ গহনা বৰ ভাল লাগে।
ইয়াৰ আঁৰত কাৰ অনুপ্ৰেৰণা আছে।’উত্তৰত অকপতে প্রয়াত শিল্পীজনে কৈছিল, ‘মােৰ প্রথম ছবি ‘জখমি’ অতি সফল হৈছিল। তেতিয়া মায়ে মােক এডাল সােণৰ হাৰ উপহাৰ দিছিল। তাৰ পাছৰ পৰাই সােণ মােৰ বাবে যেন সৌভাগ্যৰ প্ৰতীক হৈ পৰিছিল। ‘তেওঁৰ গাভর্তি সােণৰ গহনাৰ আঁৰত ৰ’ক এণ্ড ৰ’ল’ খ্যাত জনপ্রিয় শিল্পী এলভিছ। প্ৰেছলিৰ অৱদান আছে বুলিও কোৱা হয়।
এইগৰাকী আন্তর্জাতিক শিল্পীৰ ডিঙিত ওলমি থাকে এডাল সােণৰ গধুৰ ক্ৰছ আৰু এইটোৱে এটা সময়ত তেওঁৰ নিজস্ব ষ্টাইলৰূপে পৰিচিত হৈ পৰে। এইজন শিল্পীক নিজৰ অনুপ্ৰেৰণা বুলি ভবা বাপ্পী দাই কৈছিল, ‘এলভিছ প্ৰেছলিয়ে যিদৰে নিজৰ ভাবমূর্তি গঢ়ি তুলিছিল তাত মই একেবাৰে মুগ্ধ আছিলাে।
ভাবিছিলাে মােৰাে এক নিজস্ব পৰিচিতি গঢ়ি তুলিব লাগিব। ‘তেওঁ কৈছিল যে হাতলৈ ধন আহিলে এলভিছৰ দৰে ডিঙিত গধুৰ সােণৰ গহনা পৰিধানৰ প্রবল ইচ্ছা আছিল। ২০১৪ত লােকসভাৰ প্ৰাৰ্থীৰূপে থিয় দিয়াৰ সময়ত দাখিল কৰা শপতনামাত তেওঁ জনােৱা মতে ৭৫৪ গ্রামৰ সােণৰ আৰু ৪.৬২ কিলােগ্রাম ৰূপৰ গহনা আছে তেওঁৰ।
চাৰি লক্ষ টকা মূল্যৰ এটা হীৰাৰ আঙঠিও আছে। ইয়াৰ পাছত আঠ বছৰ বাগৰিল। নিশ্চয় গহনাৰ সংখ্যাও বাঢ়িল। ইয়াৰ উপৰি তেওঁৰ চুলিৰ ষ্টাইলাে আছিল চকুত পৰা। পৰিধান কৰা ছানগ্লাছাে তেওঁৰ এক পৰিচয়।