Sensex and Nifty fell again:
শাৰদ উৎসৱত দেশৰ শ্বেয়াৰ বজাৰত যেন ‘শনিৰ দশা’ চলিছে। চলিত মাহটোৰ অধিকাংশ দিনতে দেশৰ দুয়োখন শ্বেয়াৰ বজাৰৰ পতন ঘটে। আজিও শ্বেয়াৰ বজাৰত খহনীয়াৰ সৃষ্টি হয়। বুধবাৰে বোম্বে ষ্টক এক্সচেঞ্জৰ সূচকাংক ছেনছেক্সৰ ১৩৮.৭৪ পইন্ট অৱনমিত হয়। ফলত দিনটোৰ শেষত ছেনছেক্স ৮০,০৮১.৯৮ হয়। ফলত বহু লাখ কোটি টকাৰ লোকচানৰ সম্মুখীন হয় বিনিয়োগকাৰীসকল। আজি ষ্টক এক্সছেঞ্জ খোলাৰ সময়ত ছেনছেক্স ৮০,৬৪৬,৩১ আছিল।
সময় আগবঢ়াৰ লগে লগে ছেনছেক্সৰ পতন ঘটিবলৈ ধৰে। একেদৰে ষ্টক এক্সচেঞ্জ নিফটি ২৪,৩৭৮.১৫ আছিল যদিও শ্বেয়াৰ বজাৰ বন্ধ হোৱাৰ সময়ত ২৪,৪৩৫.৫০ হয়। অৱশ্যে দিনটোৰ মাজভাগত নিফটি ২৪,৬০৪.২৫ হৈছিল। ফলত আজি ৩.২ শতাংশ হ্রাস পায়। একেদৰে চান ফার্মাচিউটিকেল, শ্রীৰাম ফাইনেন্স, পাবাৰগ্ৰীড, লাছেন এণ্ড টুর্ব, আদানি প’র্ট এন্ড এচিজেড, এনটিপিচি আদিৰ শ্বেয়াৰৰ পতন ঘটে। এই প্রতিষ্ঠানসমূহত শ্বেয়াৰ বিনিয়োগ কৰাসকলে ১.৫ শতাংশৰ অধিক লোকচানৰ সম্মুখীন হয়। অৱশ্যে নিফটিৰ ক্ষেত্ৰত কেতবোৰ বৃহৎ প্রতিষ্ঠানব শ্বেয়াৰৰ উত্থান ঘটে।
দিল্লীৰ শেয়াৰ বজাৰতো বিনিয়োগকাৰীসকল লোকচানৰ সম্মুখীন হয়। লক্ষ্যণীয় যে চলিত সপ্তাহৰ প্ৰথম দিনৰ পৰাই শ্বেয়াৰ বজাৰত খহনীয়া অব্যাহত আছে। বুধবাৰে শ্বেয়াৰ বজাৰত দেখা গ’ল যে বৃহৎ প্রতিষ্ঠানসমূহৰ ষ্টকৰ মূল্য হ্রাস পায়। ইয়াৰ বিপৰীতে ক্ষুদ্র আৰু মজলীয়া পুঁজিৰ প্রতিষ্ঠানসমূহৰ ষ্টকৰ মূল্য একৰ পৰা ১.৫ পর্যন্ত বৃদ্ধি হয়। আজিৰ দিনটোত বোম্বে স্টক এক্সচেঞ্জত সবাতোকৈ শোচনীয় অৱস্থা হয় মহিন্দ্রা এণ্ড মহিদ্ৰাৰ।
আনহাতে, শ্বেয়াৰ বজাৰলৈ সম্প্রতি অশনি সংকেত আহিছে বুলিব মত পোষণ কৰিছে একাংশ বিশেষজ্ঞই। গ’ল্ডমেন ছ’কছৰ মতে, আগন্তুক দিনত ছেনছেক্স আৰু নিফটিৰ অধিক পতন ঘটাৰ সম্ভাৱনা আছে গতিকে শেয়াৰ বজাৰৰ বিনিয়োগকাৰীসকলক সতর্ক হ’বলৈ আহ্বান জনাই প্রতিষ্ঠানটোৱে কয়, সম্প্রতি এছিয়াৰ শ্বেয়াৰ বজাৰৰ দ্রুত গতিত উত্থান ঘটিছে।
তাৰ তুলনাত ভাৰতৰ আৰ্থিক বৃদ্ধিৰ লেখ চিত্র অতি লেহেমীয়া। কর্পাৰেট গোষ্ঠীসমূহৰ লাভৰ পৰিমাণৰ সম্ভাৱনা বৃদ্ধি হৈছে।’ সংস্থাটোৱে লগতে কয় যে আগন্তুক তিনি বা ছমাহ ভাৰতৰ শ্বেয়াৰ বজাৰ কঠিন পৰিস্থিতিৰ সম্ভাৱনা আছে।
উল্লেখ্য যে যোৱা ১০ অক্টোবৰত বার্ণষ্টেইণ ৰিছার্চ নামৰ এটা প্রতিষ্ঠানে ভাৰতৰ শ্বেয়াৰ বজাৰক লৈ এক প্রতিবেদন প্রকাশ কৰে। এই প্ৰতিবেদনত ভাৰতৰ শ্বেয়াৰ বজাৰ আগন্তুক দিনত দুর্বল হ’ব বুলি আশংকা কৰা হৈছে।
