Raja Raghuvangsri Murder incident:
দেশজুৰি চাঞ্চল্যৰ সৃষ্টি কৰা ৰাজা ৰঘুবংশী হত্যাকাণ্ডত সোনম ৰঘুবংশী প্রত্যক্ষভাবে জড়িত। আত্মৰক্ষাৰ বাবে সোনমে বিভিন্ন বক্তব্য আগবঢ়াই আহিছে যদিও সেইবোৰৰ বিভ্রান্তি ধৰা পৰিছে। এনে বিভ্রান্তিকৰ বক্তব্যৰ ওপৰত বিশেষ তদন্তকাৰী গোট (এছআইটি)-এ বাৰম্বাৰ প্ৰশ্ন কৰাত সোনমে একপ্ৰকাৰ এই কথা স্বীকাৰ কৰিছে যে স্বামী ৰাজা ৰঘুবংশীৰ হত্যাত তেওঁ জড়িত। মেঘালয়ৰ পশ্চিম ৰেঞ্জৰ উপ-।মহাপৰিদৰ্শক ডেভিচ এন আৰ মাৰাকে এই বিষয়ে সদৰী কৰি কয় যে হত্যাকাণ্ডটোত সোনম ৰঘুবংশী জড়িত থকা বুলি তেওঁ নিজে স্বীকাৰোক্তি দিছে। অৱশ্যে সমগ্র ঘটনাটোৰ মাষ্ট্ৰৰমাইণ্ড কোন আছিল, সেয়া নিশ্চিত কৰিবলৈ আৰক্ষীয়ে তদন্ত অব্যাহত ৰাখিছে।
ইপিনে, বৃহস্পতিবাৰে মেঘালয় আৰক্ষীয়ে আনুষ্ঠানিকভাৱে সদৰী কৰে যে ঘটনাটোত ছুপাৰি কিলাৰ ব্যৱহাৰ হোৱা নাই। ৰাজ কুশৱাহাক বাদ দি আন তিনিজন লোকক গ্ৰেপ্তাৰ কৰা হৈছে, সেই আটাইকেইজন সোনম ৰঘুবংশীৰ পূৰ্বৰে পৰা চিনাকি আছিল। তেওঁলোকে সোনমৰ অনুৰোধত সমগ্র ঘটনাটোত জড়িত হৈ পৰিছিল। তিনিওজনে শ্বিলঙত পূৰ্বৰ পৰা বাহৰ পাতিছিল। তাৰে আকাশ নামৰ অভিযুক্তজনে সোনমক নিজৰ ৰেইনকোটটো দিছিল। আনহাতে, বিশাল নামৰ অভিযুক্তজনে এটা বোর্খা যোগান ধৰিছিল। সেই বোর্খা পিন্ধি সোনম শ্বিলঙৰ পৰা গুৱাহাটীত উপস্থিত হৈছিল। ৰাজা ৰঘুবংশীক লৈ সোনমে যি পৰিকল্পনা কৰিছিল তাত ৰাজ কুশৱাহাই মুখ্য ভূমিকা লৈছিল। আনহাতে, ৰাজাৰ মৃতদেহ উদ্ধাৰৰ দিনাই ইন্দোৰত উপস্থিত হৈছিল সোনম।
মেঘালয় আৰক্ষীয়ে এনে তথ্য উদ্ধাৰ কৰাৰ বিপৰীতে সোনমে বিভিন্ন বক্তব্যৰে বিভ্রান্তি সৃষ্টি কৰাৰো চেষ্টা চলাইছিল। এনেদৰেও আৰক্ষীক স্বীকাৰোক্তি দিছিল যে মেঘালয়ত তেওঁলোক ফুৰি থকাৰ সময়ত তেওঁ পৰিধান কৰি থকা গহনা ন কে’বাজনো দুর্বৃত্তই কাঢ়ি নিয়াৰ চেষ্টা চলাইছিল। স্বামী হিচাপে ৰাজাই দুর্বৃত্তৰ দলটোৰ লগত যুঁজ দিছিল। তেতিয়াই দুর্বৃত্তৰ দলৰ হাতত ৰাজাৰ মৃত্যু হয়। সোনমে এই দাবীও কৰে যে ৰাজাক হত্যাৰ দৃশ্য প্ৰত্যক্ষ কৰি তেওঁ অজ্ঞান হৈ পৰিছিল। তাৰ পাছত কিদৰে তেওঁ উত্তৰ প্ৰদেশৰ গাজিপুৰত উপস্থিত হৈছিল, তেওঁ নিজেই নাজানে।
অথচ আৰক্ষীয়ে ইতিমধ্যে সংগ্রহ কৰা তথ্য অনুসৰি, ৰাজাৰ মৃত্যুৰ পাছত সোনম শ্বিলঙৰ পৰা গুৱাহাটীত উপস্থিত হৈছিল আৰু গুৱাহাটীৰ পৰা ২৭ মে’ত বেলযোগে ইন্দোৰলৈ যাত্ৰা কৰিছিল। শ্বিলঙৰ পৰা গুৱাহাটীলৈ বোখা পিন্ধি আহিছিল সোনম। ইন্দোৰৰ পাছত সোনমে তিনিদিন গাজিপুৰত আত্মগোপন কৰি আছিল। ন জুনত গাজিপুৰৰে এখন ধাবাত সোনম ধৰা পৰিছিল। যদি জ্ঞান হেৰুৱাই – পেলাইছিল, তেন্তে তেওঁ অকলে কিদৰে শ্বিলঙৰ পৰা গুৱাহাটীলৈ, গুৱাহাটীৰ পৰা গাজিপুৰলৈ যাবলৈ সক্ষম হৈছিল, সেই বিষয়ত প্রশ্ন কৰাত প্ৰায়ে মৌন হৈ ৰৈছিল অন্যতম মূল অভিযুক্তগৰাকী।
ইপিনে, ৰাজ কুশৱাহাই আৰক্ষীৰ আগত সদৰী কৰে যে মেঘালয়লৈ যাবলৈ তেরো সাজু হৈছিল, কিন্তু শেষ মুহূর্তত যাত্রা বাতিল কৰিছিল। আনকি যি তিনিজন ‘ছুপাৰি কিলাৰ’ৰ হতুৱাই ৰাজাক হত্যাৰ অভিযোগ কৰা হৈছে, সেই – তিনিজনকো মেঘালয়লৈ যোৱাত বাধা দিয়াৰ চেষ্টা চলাইছিল ৰাজে।
মেঘালয় আৰক্ষীৰ এক সূত্রই সদৰী কৰে যে সোনমক প্রয়োজনীয় সহায়-সাহায্য আগবঢ়াবলৈ ৰাজ কুশৱাহা মান্তি হোৱা নাছিল। আৰক্ষীৰ জেৰাত ৰাজে এই দাবী কৰিছে। সেই কাৰণেই সোনমে বিচৰা সত্ত্বেও মেঘালয়লৈ যোৱাৰ পৰিকল্পনা শেষ মুহূৰ্তত ৰাজে বাতিল কৰিছিল। ৰাজে এই বুলিও জেৰাত কয় যে ছুপাৰি কিলাৰৰ অভিযোগত যি তিনিজনক গ্ৰেপ্তাৰ কৰা হৈছে, তেওঁলাকেও ৰাজা ৰঘুবংশীক হত্যা কৰিব বিচৰা নাছিল; কিন্তু সোনমে বাধ্য কৰাইছিল। তাৰ বাবে ১৫ লাখ টকাৰ টোপ দিছিল। সোনম আৰু ৰাজ কুশৱাহাৰ এনে বিপৰীত ভাষ্যৰ এছআইটিয়ে অতি সূক্ষ্মভাবে পর্যালোচনা অব্যাহত ৰাখিছে।
এই হত্যাকাণ্ডৰ অন্তৰালত আন কোনো তৃতীয় শক্তিও জড়িত আছে নেকি? এই প্রশ্নৰো অনুসন্ধান চলাইছে এছআইটিয়ে। এই সন্দৰ্ভত আৰক্ষী সূত্রই সদৰী কৰে যে তদন্তকাৰী দলে বিভিন্ন দিশেৰে কথাবোৰ বিশ্লেষণ কৰিছে। এই বিশ্লেষণত প্রশ্ন উত্থাপন কৰা হৈছে যে সোনমে তান কোনো তৃতীয় ব্যক্তিৰ লগত বিবাহপাশত আবদ্ধ হ’ব বিচাৰিছিল নেকি? সেই প্রশ্নৰো উত্তৰ বিচাৰিছে এছআইটিয়ে। তদন্তকাৰী দলে উদ্ধাৰ কৰা তথ্য অনুসৰি, সোনমে ৰাজক মেঘালয়লৈ আহিবলৈ জোৰ কৰিছিল, পলাই যোৱাৰ পাছত টেক্সীৰ ভাড়াৰ পৰা আৰম্ভ কৰি আত্মগোপনৰ বাবে ঘৰ ঠিক কৰা কামতো ৰাজক নিয়োগ কৰিছিল।
হত্যাকাণ্ডটোৰ পাছত শ্বিলঙৰ পৰা উত্তৰ প্ৰদেশত উপস্থিত হোৱাৰ পাছত সোনমে যোৱা ছয় জুনত যিখন টেক্সীৰে যাতায়াত কৰিছিল, সেইখনৰ ভাড়া ৰাজেই চালকক আদায় দিছিল। ইন্দোৰৰ এটা ফ্লেটত আত্মগোপন কৰি থাকিবলৈ সোনমে পৰিকল্পনা কৰিছিল। ৰাজৰ এই ক্ষেত্ৰত ভূমিকা কি আছিল, তাৰ তদন্ত অব্যাহত আছে।
শেহতীয়াকৈ পোহৰলৈ অহা তথ্য অনুসৰি, মেঘালয়ৰ চেৰাপুঞ্জি তথা চোহৰাৰ এটা হোম ষ্টে’ৰ পৰা উদ্ধাৰ হোৱা এটা ট্রলী বেগ আৰু তাৰ ভিতৰত বিবাহিতা মহিলাৰ অন্যতম পৰিচয় এডাল মংগলসূত্ৰ আৰু এটা আঙঠি থকা ঘটনাটোৱে আৰক্ষীক এই তদন্তত যথেষ্টখিনি সহায় কৰে। আৰক্ষীয়ে সদৰী কৰা অনুসৰি, যোৱা ২২ মে’ত ৰাজা ৰঘুবংশী আৰু সোনম ২ ৰঘুবংশী চোহৰাৰ এটা হোম স্টেত থাকিলৈ গৈছিল; কিন্তু আগতীয়াকৈ বুকিং নকৰা আৰু কোঠা খালী নথকাত তেওঁলোকে হোম ষ্টেটোত থাকিব পৰা নাছিল। তথাপি হোম স্টে’টোতে ট্রলী বেগখন থৈ দুয়ো প্রকৃতিক উপভোগ কৰিবলৈ ওচৰৰ নংৰিয়াত গাঁৱলৈ গৈছিল। এই ঠাইটুকুৰালৈ যাবলৈ হ’লে কমেও তিনি হেজাৰটা চিৰি বগাই উঠিব লাগে।
সেইবাবেই ট্রলী বেগখন হোম ষ্টে’টোত থৈ যোৱা বুলি আৰক্ষীয়ে ধাৰণা কৰিছিল। সেইদিনা নিশা তেওঁলোক বেলেগ স্থানত কটাইছিল। ২৩ মে’ত পুনৰ তেওঁলোক চোহৰালৈ গৈ ৱেইছডং জলপ্রপাত চাবলৈ গৈছিল। সেইদিনাৰ পৰাই দুয়ো ন সন্ধানহীন হৈছিল। যোৱা দুই জুনত সেই জলপ্রপাতৰ সমীপৰ পৰাই ৰাজা ৰঘুবংশীৰ মৃতদেহ উদ্ধাৰ হৈছিল। আৰক্ষীয়ে ঘটনাৰ তদন্ত কৰিবলৈ গৈ সেই নির্দিষ্ট হোম ষ্টেটোত উপস্থিত হৈছিল। তাত তেতিয়াও ট্রলী বেগখন আছিল।
বেগটো খন খোলাত ভিতৰৰ পৰা মংগলসূত্ৰ আৰু এটা আঙঠি উদ্ধাৰ হৈছিল। আৰক্ষীৰ মতে, বিবাহিতা মহিলাৰ বাবে এই দুয়োবিধ সামগ্রী অত্যন্ত পৱিত্র। কোনো পৰিস্থিতিতে এই দুয়োবিধ সামগ্রী তেওঁলোকে ক’ৰবাত দলিয়াই নেপেলায়। তেনেস্থলত দুয়োবিধ সামগ্রীক কিয় সোনমে এলাগী কৰিছিল? এই প্রশ্নৰো অনুসন্ধান অদ্যাপি অব্যাহত আছে।