Uttar Pradesh:উত্তৰ প্ৰদেশত ক্ষমতালৈ অহাৰ পাছৰে পৰা অপৰাধীৰ প্ৰতি যোগী আদিত্যনাথৰ কোনো আপোচ নকৰাৰ মনোভাৱ লক্ষ্য কৰা হৈছে । আৰক্ষী ব্যৱস্থাক নতুন ৰূপ দি ৰাজ্যখনক তেওঁ অপৰাধমুক্ত কৰি তোলাৰ প্ৰচেষ্টা ।
ৰাজ্যৰ আইন-শৃংখলা বজাই ৰাখিবলৈ তেওঁ আৰক্ষী আৰু প্ৰশাসনক অপৰিসীম ক্ষমতা প্ৰদান কৰিছে। মাফিয়াসমূহক নিৰ্মূল কৰিবলৈ যোগী চৰকাৰৰ ‘শূন্য সহনশীলতা’ নীতি কাৰ্যকৰী কৰা হৈছিল।
শেহতীয়াকৈ উত্তৰ প্ৰদেশ চৰকাৰে অপৰাধ সম্পৰ্কীয় তথ্য প্ৰকাশ কৰিছে। সেই তথ্য অনুসৰি এতিয়ালৈকে মুঠ ১৪,৭৪১টা এনকাউণ্টাৰত ২৩৪জন কুখ্যাত অপৰাধী নিহত হৈছে।
অভিযান চলাই গ্ৰেপ্তাৰ হৈছে ৩০,২৯৩জন অপৰাধী। আহত হৈছে ৯,২০২জন অপৰাধী।এই অভিযানত ১৮ জন আৰক্ষীও শ্বহীদ হয়। ১৭০০ৰো অধিক আৰক্ষী জোৱান আহত হয়।
আৰক্ষী সঞ্চালক প্ৰধান ৰাজীৱ কৃষ্ণই জনাইছে, অপৰাধৰ কেন্দ্ৰবিন্দু মিৰাট জ’নত সৰ্বাধিক সংখ্যক এনকাউণ্টাৰ সংঘটিত হৈছে।
তাত ৪,১৮৩টা অভিযানত ৭,৮৭১জন অপৰাধীক গ্ৰেপ্তাৰ কৰা হয়। ইয়াৰে ২৮৩৯ জন আহত হোৱাৰ বিপৰীতে ৭৭ জন নিহত হৈছে। এই অভিযানত ৪৫২ জন আৰক্ষী জোৱানো আহত হোৱাৰ লগতে দুজন বিষয়াই প্ৰাণ হেৰুৱাইছে।
বাৰাণসী জ’নত ১০৪১টা এনকাউণ্টাৰ সংঘটিত হয়। ২০০৯ জন অপৰাধীক গ্ৰেপ্তাৰ, ২৬ জন লোক নিহত আৰু ৬০৫ জন আহত হয়। এই অভিযানত ৯৬ জন আৰক্ষী জোৱানো আহত হয়।
তৃতীয় স্থানত আছে আগ্ৰা জ’ন।তাত ২,২৮৮টা এনকাউণ্টাৰত ৫৪৯৬জন অপৰাধী গ্ৰেপ্তাৰ, ১৯জন নিহত আৰু ৭১৫জন আহত হয়। এই এনকাউণ্টাৰত ৫৬ জন আৰক্ষী জোৱান আহত হয়।
ডিজিপিৰ মতে, লক্ষ্ণৌ জ’নত ৭৯০টা এনকাউণ্টাৰত ১৫ জন দুর্ধর্ষ অপৰাধী নিহত হয়। প্ৰয়াগৰাজত ৫০৬টা এনকাউণ্টাৰত নিহত হয় ১০জন লোক। ১৯৬২ চনত বাৰেলি জ’নত হোৱা এনকাউণ্টাৰত ১৫ জন অপৰাধী নিহত হৈছিল। আৰু কানপুৰ জ’নত ৬৫৭টা এনকাউণ্টাৰত নিহত হয় ১১জন লোক।গোৰখপুৰত ৫৯৪টা এনকাউণ্টাৰত নিহত হয় আঠজন অপৰাধী।